'Hiru herri, udalerri bat' pilota txapelketa hartuko du Muxikak, estreinakoz. Asteburuan hasi eta urriaren 17a bitartean udalerriko auzo desberdinetako frontoiak izango dira eszenatoki.
Asteburuaz geroztik gautegiz arteagarrak Antolin Deuna jaietan murgilduta aritu dira, herriko jaiak denetariko ekintzaz betez. Gaur dute egun handia, halaber: San Antolin eguna giro apartean gozatuz esango diete agur jaiei.
Domeka honetan [irailak 6] egingo dute 25. Mendata Ezagutuz. Aurten, lasterketa laburra gehitu dute mendia eta herrigintza uztartzen dituen egitaraura. Gaur-gaurkoz, ia 400 mendizalek aurretiaz izena eman dute.
Gernika-Lumoko udal gobernuak gaztetxea "hilabete honetan hustuta" egongo dela adierazi badu ere, Egurre Gazte Asanbladakoak eraikina uztean nora joan izango dutenaren bermea izan arte "gaztetxea defendatzen" jarraitzeko hautuan berretsi dira.
Gernika-Lumoko udal gobernu taldeak egun Gernikako Gaztetxea dagoen eta udal liburutegirako obrak hartu behar dituen eraikina "hilabete honetan hustuta" egongo dela aditzera eman du. Konfrontazioa "saihestuz", obrak gelditzearen galera ekonomikoa, hala badagokio, okupazioaren buru den "herritar edo taldearen gain" geratuko dela adierazi du Jose Mari Gorroñok, EH Bildu eta EAJren oportunismoa azpimarratuta.
Euskadiko Kirol Portuak-ek asteon lizitatuko ditu Artzako pantalanen eremu berriko lanak. 2,67 milioi euroko inbertsioagaz, udarako ia 530 amarraleku izango ditu portuak. Frantxuako kaia ere berrantolatu gura dute eta, horretarako, Kortazar ontziola zaharraren eraikina eraitsiko dute.
Eleizalde Ikastolak, Bermeoko Udalagaz batera, 2021az geroztik egin ez den lehiaketa antolatu du irailaren 12an [zapatua]. Arratsaldeko Talatik Goiko Plazarainoko jaitsiera ere berreskuratu dute.
Tabernazarre egunez 42 tortilla aurkeztu zituzten txapelketara, eta mozorro desfilea ere ez zen falta izan; atzo, berriz, goitibehera jaitsiera izan zen eguneko protagonista. Etzi [irailak 2] jarraituko dute egitarauagaz, San Antolin egunean elkartuta.
Gautegiz Arteagako Gazte Egunaren ondoren, arteagarrek San Antolin jaiez bete-betean gozatuko dute gaurtik [abuztuak 28] irailaren 2a bitarte.
Bedarona, Errenteria eta Busturiko herritarrek San Bartolome jaietako ospakizun egitarauez gozatu dute atzo, eta, errenteriarren kasuan, oraindik abian dituzte jaiak.
Inversus Gernikak denboraldiaurreko lehen garaipena lortu du, Basket Landesen etxean. Franky Garciak Lucas Fernandezen lekukoa hartu du taldearen gidaritzan; klubak zarratuta du 11 jokalariko lantaldea.
Bermeoko Andra Mari eta Santa Eufemia jaietako ohiko hitzorduari eutsiko diote aurten ere: playback txapelketa. Aurten, hilaren 15ean egingo dute, eta izena emateko epea zabalik egongo da irailaren 7ra (astelehena) arte.
Zapatuko (abuztuak 29) finalerdiak irabazita, Erik eta Bailo eta Aaron eta Ekhi izango dira datorren zapatuko final handian txapelaren alde lehiatuko diren puntistak. 20:00etan emango diote hasiera MESI Master Seriesaren finalari, Bermeoko Artza frontoian.
Irailaren 13an, mundakarrek urteroko lore eskaintza eta omenaldia egingo diete 36ko guduan eraildako Alejandro Mallona eta Marcelino San Antoni. Udala, gainera, errepresioa pairatutako familien bizipenak jasotzen ari da, eta herritarrek beren ekarpenak egin ditzakete, hurrengo astelehena [irailak 7] bitartean.
Astelehena [abuztuak 31] izango da Nabarnizko Udalak antolatutako yoga eta fitness funtzionala ikastaroetan izena emateko azken eguna.
Itsasoratu programaren bidez, Bermeoko Nautika Eskolako, Ondarroako Itsas Arrantza Eskolako eta Pasaiako Blas de Lezo Arrantzako CIFP Nautiko-Arrantzaleko ikasleei prestakuntza-egonaldiak ontzietan egiteko aukera eskaintzen dieten arrantza-enpresei zuzendutako laguntza aurkeztu du Eusko Jaurlaritzak. Ikasleko 5.850 eurora arteko laguntza jaso ahalko dute.
Aitor Etxebarriazarragak, Ibai Amillategik, Nerea Ibarzabalek eta Maialen Lujanbiok bertso saio ederra eman dute Ibarrangeluko Elizalden.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
