Gaur aurkeztu du Bermeo Tunak 'Bermeo Tuna Lagunak' ostalaritza-sare berria. Ekimenaren bidez, atunaren eta hegaluzearen kultura gastronomikoa eta kontsumo jasangarria sustatu nahi dituzte sarea osatzen duten herriko 17 establezimenduek.
Bermeoko Udalak 8.000 esku-orri banatuko ditu hiriguneko etxebizitzetan, eta bi ingurumen-hezitzailek etxez etxeko bisitak egingo dituzte herritarren zalantzak argitzeko eta birziklatzea bultzatzeko.
Bermeoko San Martin auzoak, Foruak eta Kanalak hartuko dute jaien testigua datozen egunotan. Foruarrek asteburu honetan izango dute gozatzeko aukera; bermeotarren txanda, aldiz, hurrengo asteburuan izango da.
Bermeoko Kafe Antzokiak Bloodhunter, Rise To Fall, Quaoar eta Somnambula taldeen kontzertuak hartuko ditu zapatuan [azaroak 7]. Sarrerak 20 euroren truke daude eskuragarri.
EH Bilduk Mundakako aparkaleku ordenantza eguneratzeko proposamena aurkeztu du, baina bai EAJk, bai Herritar Alternatibak aurkako botoa eman dute. Aldeko hiru botogaz eta aurkako seigaz, koalizio abertzalearen proposamena ez dute onartu.
Foruko Udalak udal zergak eta tasak izoztuta mantenduko ditu datorren urteko ekitaldian. Gainera, egonaldi turistikoen gaineko zergaren ordenantza berria onartu du udalbatzak, baita naimaliei eragingo dien ordenantza berria ere.
Mundakako udalbatza osatzen duten alderdiak ez dira adostasunera iritsi, 2027tik aurrera herrian aplikatu beharreko tasa turistikoaren zergaren inguruan. Turista taldeak erregulatzeko ordenantzari dagokionez, neurri berriak ezarriko dituzte, EH Bilduk zein EAJk alde eta Herritar Alternatibak kontra bozkatuta.
Errigora ‘Sustraitik Espaziora’ dokumentala aurkezten ari da Euskal Herriko hainbat txokotan. Euskarari Puzka kanpaina abiatu dute udazkenerako, eta euren lana erakusteagaz batera, herri baten indarrak gauzak aldatzeko ahalmena duela frogatuko dute. Bihar [azaroak 6] 19:00etan, Ean dute hitzordua, Natxituko bolatokian.
‘Bertokoa dalako… Bermeon erosi’ kanpainan parte hartzen duten establezimenduetan 20 euroko erosketak egiten dituzten bezeroek "harraskatzeko txartelak" jasoko dituzte. Kanpainia azaroaren 26ra bitartean egongo da martxan.
Reggae, ska eta rocksteady zaleak Gerniska Rudelari Taldeak antolatutako XIV. Rudelari Egunean elkartuko dira zapatuan [azaroak 7], Gernika-Lumon. Bazkarirako tiketak barikura arte [azaroak 6] jaso daitezke, Aterpe tabernan.
XXXVIII. Nagusien Busturialdeko Dantzari Eguna hartuko du Bermeok, zapatuan, Artza Frontoian. Ekimenak eskualdeko eta inguruko zazpi dantza talde elkartzeaz gain, Alkartasuna Dantza Taldearen 50. urteurren egitarauari amaiera emango dio.
Merkatu plaza baserritar, ekoizle eta artisauen topagune izango da etzi [azaroak 7], 09:00etatik 14:00etara bitartean, Azoka Bereziaren azaroko zitan.
Euskal Herriko Etxebizitza Sindikatu Sozialistak etxebizitzaren problematikaren eta azaroaren 11an [eguaztena] greba egiteko arrazoien berri emateko hitzaldia antolatu du domekan [azaroak 8], 12:30ean, Pasealekuan.
Argazki lehiaketa deitu du Muxikako Udalak, 2027ko egutegia osatzeko. Azaroaren 20ra [barikua] arte parte hartu ahal izango da.
Gernika-Lumoko Kultur Etxeak Laguna txartela eskuratzeko deialdia zabaldu du eta Internet bidez edo Kultur Etxean bertan erosteko edo berritzeko aukera dago. Musika taldeei diru laguntzak banatzeko diealdia ere zabalik dago.
Eusko Eresbatzari eta haren zuzendari Juan Orue Matiari buruzko erakusketa ikusgai dago Mundakako Santa Katalina baselizan.
Alde batetik, udazkeneko lehiaketa martxan dagoela eta parte hartzeko azken eguna azaroaren 13a izango dela esan dute. Bestetik, zapatuan (azaroak 7) Bermeotik Burgoara, Burgoatik Matxitxakora eta Matxitxakotik berriro Bermeora itzultzeko irteera aurreikusi dute.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
