Bermeo, euskal dantzen epizentro
XXXVIII. Nagusien Busturialdeko Dantzari Eguna hartuko du Bermeok, zapatuan, Artza Frontoian. Ekimenak eskualdeko eta inguruko zazpi dantza talde elkartzeaz gain, Alkartasuna Dantza Taldearen 50. urteurren egitarauari amaiera emango dio.
73 proposamen, herritarren aukeran
Bermeoko Udalak 2027ko parte-hartze bidezko aurrekontuen prozesuaren hirugarren faseari ekin dio: herritarrek azaroaren 22ra arte izango dute aukeratutako proposamenen artean bozkatzeko aukera.
Bermeok egonaldi turistikoen gaineko zerga ezarriko du 2027ko urtarriletik aurrera
Bermeoko Udalak 2027an indarrean sartuko diren hainbat ordenantza fiskaletan aldaketak onartu ditu urriko osoko bilkuran. Besteak beste, egonaldi turistikoen gaineko zerga berria arautzea, eta Eraikuntza, Instalazio eta Obren gaineko Zergan (EIOZ) hobari bat ezartzea onartu dituzte.
'Ohiturak': herritik eta herriarentzat, kultura oinarri
Bermeoko Frantziskotarren klaustroak ‘Ohiturak’ mikroantzerkiaren hirugarren aldia hartuko du bihar. Maria Dondiz zuzendari bermeotarrak azaldu duenez, berrikuntzekin dator aurtengo emanaldia, eta ikusleek ez dute barre egiteko aukerarik faltako.
Azaroaren 11ko greba orokorra lantzeko elkarguneak deitu ditu Ernaik
Gazte antolakundeak greba orokorraren deialdiarekin bat egin du eta bariku (urriak 30) honetan elkarguneak antolatu ditu Bermeon eta Gernika-Lumon. Bermeon, Kabidxen bilduko dira; Gernika-Lumon, ordea, Astran. Biak ala biak 19:00etan izango dira.
500 gimnasta baino gehiago hartu ditu XXVIII. Xixili Torneoak
Maila handikoa izan da Xixili Torneoaren hogeitazortzigarren aldia. Gimnastika erritmikoak talentua eta lehiakortasunaz gain, pertsonak batzeko eta elkarlanean jarduteko gaitasuna ere baduela erakutsi zuten, zapatuan, Jai Alai Pilotalekuan.
Mareak Jaialdia: dozena bat, "ezustean baina gustora"
Mareak Jaialdiak iraun dituen bost eguneko marea biziak baretu berri, MB2000 elkarteko kideak "asebeteta" amaitu dute hamabigarren aldia, eta martxoan hamahirugarrenari begira jarriko direla nabarmendu dute.
"Euskararen egoeraz konturatu behar gara, baina ez negar egiteko, ekiteko baizik"
Euskararen oraina eta geroa izango dituzte hizpide zapatuan, Bermeon, 'Esnatu ala hil' jardunaldiaren barruan. Garikoitz Goikoetxeak bere liburuaren inguruko hausnarketa plazaratuko du Nestor Basterretxea aretoan, 11:30ean. Ondoren, UEMAren 'Esnatu' dinamikaren berri emango du Arritxu Zelaiak. Bertsoa eta musika ere ez dira faltako, euskara epizentro bihurtuko den goizean zehar.
Gernika-Lumoko EAJk etxebizitza turistikoak arautzeko tasa turistikoa proposatu du
Talde jeltzaleak uste du neurriak etxebizitza turistikoen hazkundea mugatu eta herritarren ohiko etxebizitzarako sarbidea babesten lagun dezakeela.
Bermeoko Berbalagunek hurrengo ekintzak jakinarazi dituzte
Alde batetik, udazkeneko lehiaketa martxan dagoela eta parte hartzeko azken eguna azaroaren 13a izango dela esan dute. Bestetik, zapatuan (azaroak 7) Bermeotik Burgoara, Burgoatik Matxitxakora eta Matxitxakotik berriro Bermeora itzultzeko irteera aurreikusi dute.
Euskaraz aritzeko lehen bi ekimenak antolatu dituzte
Bermeoko Berbalagunek ikasturte berriari hasiera emateko bi ekimen antolatu dituzte. Urriaren 25ean ibilaldi bat egingo dute Laida eta Atxarre artean, eta hilaren 29an hitzaldi-tertulia izango dute Euskal Gunean. Bietan ala bietan izen ematea beharrezkoa izango da.
Foruko argazki lehiaketa martxan da
Foruko Udalak jakinarazi duenez, martxan da dagoeneko Foruko argazki lehiaketa. Azaroaren 8ra bitartean aurkeztu daitezke 'Herriko bazterrak' gaipean ateratako argazkiak.
Gautegiz Arteagako argazki lehiaketa, martxan
2027ko udal egutegia sortzeko asmoz, 'Gure herria' gaiaren baitako hamabi argazki hoberenen bila dabil Gautegiz Arteagako Udala. Argazki lehiaketan parte hartu nahi dutenek azaroaren 23a baino lehen entregatu beharko dituzte argazkiak.
Gastronomia eta tokiko produktua protagonista izango dira BBK Klima Abenturan
Domekan (urriak 4), Itsas Zaporeak jardunaldia hartuko du BBK Klima Abenturak, arrantza jasangarria eta tunidoen sektorea haurrengana hurbiltzeko helburuari segika. Esan dute 2026ko jarduera programazioari amaiera emango dion ekimena izango dela.
'Gu musiketan', adineko pertsonen ongizatea berresteko
Bermeoko Udalak abiatutako 'Nagusiak bizitasunez bizitzen' programaren baitan antolatu du Musika eskolak 65 urtetik gorako herritarrei zuzendutako 'Gu musiketan' tailerra.
