Aritz Erkiagak eta Ion Ibarluzeak Eusko Label Winter Series txapelketa irabazi dute bigarrenez jarraian, finalean Ludovic Ladutxe eta Mikel Mantzisidor 2 eta 0 menperatuta. Ispastertarraren hirugarren txapela da, eta markina-xemeindarraren bigarrena.
Bermeoko Sancti Spiritus udal zaharren egoitzak Pertsona Erdigune duen Arreta (PEA) ereduaren helburuak bete ditu Etxekulez proiektuagaz, eta "pertsonaren izaeran" oinarritutako arreta bateranzko emandako urratsa islatzen duen ziurtagiria jaso du, Cuidados Dignos Fundazioaren eskutik.
Lointek Gernika Bizkaiak IDK Euskotren hartu du Malosten, ligako 21. jardunaldiak emandako euskal derbian. 71-65 gailendu da etxeko taldea, horrekin asteko bigarren garaipena poltsikoratuz, eta playoff postuetan mantentzeko borrokan jarraitzea ahalbidetuz.
Gernika Rugby Taldeak Bartzelonara bidaia egin du asteburuan, CR Sant Cugat taldearen aurka lehiatzeko; 18-21 gaildendu ziren basurdeak horretan. Hurrengoa etxean izango dute, CR Liceo Francesen aurka.
Aurten, beste herrialdeetatik etorri eta ostalaritzan eta merkataritzan lanean ari diren euskaldunak ikustarazi nahi dituzte.
Txirrindularientzako berariazko zerbitzuak dituzten 15 ostaturen egokitzapena bultzatu eta bizikletak aparkatzeko eta horiek konpontzeko sei puntu berri ezarri dituzte, Urdaibai Basque Reserve ekimenaren bitartez. Aurten bizikleta ibilbideen gida eguneratu bat egitea aurreikusten dute.
Euskal Australiar Elkartearen 'Basques in Australia' erakusketa Ereñoko Gabika auzoraino iritsi da. Australiara joandako euskaldunen bizipenen bilgune da erakusketa, eta asteburu honetan nahiz hurrengoan bisitatu ahalko da.
Bizkaiko Foru Aldundiaren eta Eusko Jaurlaritzaren Busturialdea-Urdaibairentzako entzute aktiboko prozesuarekiko duen ikuspuntua azaldu du Guggenheim Urdaibai Stopek. "Berandu eta bermerik gabe" heldu dela diote, eta bere eraginkortasunaren aurrean "zorrotzak" izango direla aurreratu dute.
Eusko Jaurlaritzak eta Bizkaiko Foru Aldundiak, Guggenheim Museoa Urdaibain zabaltzeko proiektuaren bultzatzaile diren heinean, "laster hasiko den" eta "2025ean mila testigantza" jasoko dituen entzute aktiboko prozesu bat aurkeztu dute gaur, Gernika-Lumon.
Gorakada antzerki teatroaren Moko ikuskizunaz gozatzeko aukera izango dute domekan, 12:30ean, Lizeo Antzokira bertaratzen direnek.
Pello Bilbaok berak parte hartu du apirilaren 11ko bosgarren etapako diseinuan. Antolatzaileek esan dute “ibilbide oso irekia” prestatu dutela aurtengoan. Apirilaren 7tik 12ra artean lehiatuko dute.
Lanok Jaurlaritzaren diru laguntzagaz eroan dira aurrera. Isolamendu akustikoa hobetzeko hainbat esku hartze ere egin dituzte.
Atzo (otsailak 13), Gernika-Lumoko Kultur Etxean argazkilaritza tailerra antolatu zuten Berbalagunek; horrekiko balorazio positiboa egin dute antolatzaileek.
Eusko Jaurlaritzak eta Bizkaiko Foru Aldundiak aurkeztutako entzute prozesua "irudia garbitzeko” estrategiatzat jo du Podemos Euskadik.
Busturialdeko EH Bilduko alkateek "berri positibotzat" hartu dute Eusko Jaurlaritzak eta aldundiak gaur aurkeztu duten Guggenheim Urdaibairi buruzko entzute prozesua. Hala ere, "zuhurtziaz" hartu dute, ze uste dute entzuten zaionari bermea eman behar zaiola entzundakoa kontuan hartuko dela.
Sukarrietako Udalak udalerrian izena daraman sagarrondo barietatea berreskuratu nahi du, eta herritarrekin batera horretarako landaketa hasi dute, herrian zehar. Hazien Sareari beste ale sorta bat eskatu diotela jakinarazi dute.
Asteburuan Ajangizen, Ean eta Bermeon 'Irabazi arte!' telesailaren denboraldi berriaren estreinaldia egongo da.
Txalo antzerki konpainiak 'Arizona' lana eskainiko du zapatuan, Gernika-Lumoko Lizeo Antzokian. Aitziber Garmendiak eta Jon Plazaolak interpretatuko dituzte protagonisten rolak.
Hain zuzen ere, zapatuan [otsailak 15], 12:00etan, egingo dute inaugurazio ekitaldia, Gabikako elizan.
Zabalik dago euren jarduera diskurtso garaikideen esparruan gauzatzen duten banakako egileen zein egile kolektiboen proposamen artistikoentzako deialdia, eta proposamenak jasotzen jarraituko dute martxoaren 2ra (domeka) bitartean.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
