Eskualdeko hainbat herritan santiagoak eta santanak ospatzen hasi dira. Gaur Santiago Eguna izan da, eta denetariko jarduerez gozatzeko aukera eduki dute jaietan murgildu direnek.
Foruko Urdaibai Dantza Taldearen 50. urteurreneko ospakizun nagusia egiten ari dira gaur. Eguerdian, pregoia irakurri eta txupina botata hasi dute dantzariek euren egun handia, eta jarraian, futbol zelaian egin dute ekitaldi nagusia. Herri bazkariaren ostean, erromeriagaz dantzan jarraituko dute.
Aritz Abaroa Bermeoko alkateak lehenengoz jaurtiko du teila Izaro aurrean, eta Elantxobera iristerakoan aurten kargua hartu duen Patxi Egurrolak emango dio alkate makila.
‘ERTIBIL BIZKAIA 2019' arte plastikoen erakusketa Eskolondora ailegatu da. Pintura, eskultura, grabatua, argazkilaritza eta bideogintza batzen dituen artista gazteen erakusleiho ibiltaria uztailaren 30a arte egongo da Ean.
Gernika-Lumoko marijesiek beren tradizioa mantendu, gorde eta ezagutarazteko multimedia proiektua jarri dute martxan. Dokumentala, diskoa eta euskarri digitala kaleratuko dituzte abenduan; orain grabaketa lanak burutzen dabiltza. 2020. urtean ikerketa liburua kaleratuko dute.
Bizkaiko Herriarteko Euskal Pilota Txapelketak adin guztietako pilotariak biltzen ditu. Kirolarekiko pasioa zabaltzeko modu aproposa da 50 urte bete dituen txapelketa.
Ingeniaritza ikasketak alboratu eta DigiPen Institute Of Technology Unibertsitatean sartu ziren Julen eta Xabi Urrutia bikiak. Nazioarteko enpresentzat lan egiten dute, eta euskal mitologiari buruzko bideo-joko bat sortzea dute helburu.
Busturialdeko 2. Txistu Egunak eskualdeko txistulariak eta Urdaibai Dantza Taldeko kideak batu ditu Foruan. Dantza taldekoen ibilbideagaz batera, Txomin Unzalu omendu dute.
Bizkaiko Foru Aldundiak bi ibilbide berrigaz osatu du Ibilbide historikoak programa: Barbadun eta Lea ibaien burdinolen ibilbideak sartu dituzte lehenengoz.
Denentzako kirola eta kirol egokitua ardatz dituen elkartasun jaialdia egingo dute etzi, Gernika-Lumoko Industria kalean. Dibertsitate funtzionala duten ume eta gazteen kirol errealitatea zein den ezagutaraziko dute.
Murueta Herri Kirol taldeak eskola kiroleko Bizkaiko Herri Kirolen Liga irabazi du haur mailan. Lehenengoz lehiatu eta txapeldun izatea ezustean hartu dute, eta oso pozik daude.
Rosa Maria Sanchez Nuñez artistak 1990etik 2018ra bizi izan dituen aldaketak landu ditu Kultur Etxean maiatzaren 30era bitartean ikusi ahal den bilduman.
Iaz egin legez, kantuekin Gernika-Lumoko eta Estokolmo batuko dituzte Urdaibai Kantaguneak eta Pressroter Koruak. Zapatuan aterako dira Estokolmorantz Urdaibai Kantaguneko kideak, eta martitzenean kontzertua eskainiko dute Eric-Ericson Hallen Zentroan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
egin zaitez HITZAkide
