Garaipena, baina kritika dosi batekin
Torrealday Gernika Rugby Taldeak borrokatutako garaipena lortu du Valencia RC-ren kantxan: 46 eta 48. Hurrengo domekan [azaroak 8], Steelphalt Getxo Rugbyren aurka jokatuko dute, 12:30ean hasita, Urbietan.
Barandika eta Basque, Winter Seriesen poltsan akziodun nagusiak
Xabier Barandikak eta Thibault Basquek erabateko nagusitasunez, 2 eta 0ekoarekin, irabazi dute Eusko Label Winter Series txapelketaren bigarren jardunaldia. Ludovic Ladutxe eta Mikel Mantzisidor menpean hartuta, hautagai nagusiak B multzoaren buruzagi dira dagoeneko.
"Eragindako sutea" gertatu da San Katalinan
Santa Katalina baselizan "eragindako sutea" topatu dute goizaldean. Atea kiskali dute, baina kalteak "ozta-ozta" ez dira handiagoak izan. Udalak gertakariak "irmoki gaitzetsi" ditu, baina Musutruk Mundaka elkarteak "segurtasun neurriak hartzeko beharra" azpimarratu du.
"Ume koskorra nintzenetik, gurpilen mundua atsegin izan dut"
Oier Larrabe gernika-lumotarra, bere estreinaldian, III. Busturialde Kopako gidaririk bizkorrena izan da, Izei Ertzilla kopilotuak lagunduta. Euskal Koparen azken sailkapenean ere garaipen handia lortu du. Iragan zapatuan lehiatu zuen azken lasterketa, Amezketan, Espainiako onenen aurka arituz, gainera.
Ilusioaren harrobia isilean ustiatu duen meatzaria
Pello Bilbao Lopez de Armentiak merezitako agurra jasoko du zapatuan [urriak 31] gernika-lumotarren partetik. 10:00etan Pasealekuan bilduko dira txirrinduzaleak, eta Kanpantxuko Itzulia egingo dute erretiroa hartuberri den ziklistagaz. Lizeo Antzokian omenaldi beroa jasoko du, 12:00etan.
Urteko azoka nagusia abian da
Urriko Azken Astelehena abiada bete-betean da. 300 postutik gora edukiko ditu dagoeneko zabalik dagoen azokaguneak. Eguerdian iritsiko da eguneko une gorena, Merkurion: 12:00etan, bertsolarien txanda iritsiko da. Ostean, barazki, fruta, landare apaingarri, txakolin, ezti eta gazta sailetako lehiaketak egingo dituzte. Azkenik, gazta enkantearen unea helduko da.
600 gaztetik gora, komunikazioaren ardatzean
Astelehentxutxuk jendetza bildu du eguerdiko lagunarteko paella txapelketan: 62 kuadrilla eta 619 lagun bildu dira Merkatu plazan. Beti Gaztez eta Mambo kuadrillak saritu dituzte paella lehiaketan, eta Pins bingo musikatuan.
'Elantxobe'-koak zein beste guztiak, denak gogoan
'Elantxobe' lurrunontzia itsas hondora joan zenetik 90 urte beteta, instituzioek bertan "eta gainontzeko gerretan" zendutako merkatal marinelak omentzeko plaka ipini dute Talan.
Astelehentxutxu saretze jaiaren azken aldia... ala ez?
Astelehentxutxuren azken aldia izan daiteke biharkoa [urriak 24]: Gernika-Lumoko gazteen saretzea sustatzeko jaiaren egungo antolakuntza taldearen azken aldia izango da aurtengoa, baina belaunaldi berriei "atea zabal-zabalik" uzten diete, testigua har dezaten.
"Ameslarien bandora batzeko" deia: Errigoraren udazkeneko kanpaina abian da
Euskarari Puzka Errigoraren udazkeneko kanpaina martxan da, eta azaroaren 12ra bitartean egin daitezke eskariak. 'Sustraitik Espaziora' dokumentala ere aurkeztu dute, eta Lodosako Ibaialde Ikastola lagunduko dutela iragarri.
Arimen Gaba Baltza: beldurrak uxatu, kalabazak piztu eta Gau Beltza argitzeko deia
Seber Altube Ikastolako Seberbaz euskara batzordeak Arimen Gaba Baltza antolatu du biharko [urriak 30], bigarren aldiz. Ikastolako komunitatea osatzen duten ikasle, irakasle eta familiek elkarlanean prestatu dute ekimena.
4,75 kilo gaztaina, tonaka giro atsegin
Montorrealdea Guraso Elkarteak antolatutako Gaztañerre Eguna ospatu dute gaur [urriak 12] arteagarrek. Goizez, 4,75 kilo gaztaina bildu dituzte Atxarre aldean, eta, eguerdian, plazan bildu dira, haiek pisatu, dastatu eta jai giroan eguna ospatzeko.
Hamarkada bi, osasuna eta edertasuna uztartzen
Loreder Parafarmaziak bezero bakoitzari egokitutako zerbitzuak eskaintzen ditu. Bezeroak osasun fisikoari eta mentalari eragiteko denetariko produktuak topatuko ditu bertan, baina, batez ere, prozesuan modu integral eta indibidualizatuan lagun egingo dion hurbileko lantalde abegitsua.
Angel Txertudi, Nabarnizko 45. Zaldi Proba Txapelketaren garailea
Angel Txertudi izan da Nabarnizko 45. Zaldi Proba Txapelketaren garailea, proba nagusian 60 untza eginda. Kinttopekoa Rafa Alegriak poltsikoratu du, 57 untza, 5 metro eta 50 zentimetro lortuta.
Hilaren 24a, kultur eta kirol ikastaroetara izena emateko epemuga
Ibarrangeluko Udalak kultur eta kirol eskaintza zabala eskainiko die herritarrei 2026/2027 ikasturterako. Saioetara izena emateko epea irailaren 24ra artekoa da.
