Uda sasoia zerbait bada jai sasoia da, nonahi daude, zenbanahi… eta HITZA, zelan ez, bertan izango da. Egitarau, argazki edota bideoen bidez izan dezakezu jai herrikoien berri, herriz herri, jairik jai. Ez galdu JAIAK atala, bertan izango duzu informazio eta multimedia guztia esku-eskura.
Euskaraz bizitzeko eguna da gaurkoa. Elkarrekin egotekoa. Kantatzekoa. Eta dantzatzekoa. Hala, gernika-Lumotarrak XVII. Euskal Jaia goi-goitik ospatzen ari dira, euskal kultura eta ohiturak lehen lerroan jarriz.
Hamazazpigarren Euskal Jaia ospatuko da bihar, Gernika-Lumon. Iaz bezala, Urdaibai Kantagunea Kantuzaleen Alkatekoek botako dute kultur etxeko balkoitik pregoia.
Sanmigelak ospatzen ari dira eskualdeko hainbat herritan, tartean, Mendatan. Mozorroen egunean batuta [irailak 26]. betikoari eutsi eta,mozorroak soinean, Mendaturira bira egin dute mendatarrek bertan abarka jaurtiketa lehiaketa egiteko: Unax Kobeaga izan da onena.
Zuzeneko musika eta tokiko nortasuna uztartuz, rock, indie eta musika elektronikoaren jaialdiaz gozatzeko aukera egongo da Bermeon, urriaren 2an [barikua] eta 3an [zapatuan], VVSSNNk ekoitzitako eta Bermeoko Udalak babestutako Xixili Festibalaren baitan.
Andra Mari eta Santa Eufemia jaietako herritarren parte-hartze zabala eta herriko eragileen lana azpimarratu ditu Bermeoko Udalak, eta aurtengo jaien "balorazio positiboa" egin du. Bestalde, edozein motako eraso eta errespetu faltak "onartezinak" direla salatu du.
Bermeoko Andra Mari eta Santa Eufemia jaiak amaitu berri diren honetan, bermeotarrek mahonak gorde dituzte dagoeneko. Jaien amaiera, baina, ez da espero bezain ona izan: Errementa Armaidxue eta Txosna Batzordearen aurkako erasoak agertu dira herrian.
Domekan [irailak 20] jarri dute errigoitiarrek Bizkaigane eguna ospatzeko hitzordua. Musika, giro herrikoia eta hain esanguratsua den ardi-txakurren erakusketa izango dira nagusi.
Santa Eufemia egunez, tradizioa eta jai giroa nahastu dituzte bermeotarrek, euriari aurre eginez. Lamerako azokak, musikak eta bertsoek girotu dute goiza; arratsaldean, kirolak eta Xixiliren Doluzko ibilbideak ekarriko dute jaiaren amaiera.
Eleizalde Ikastolak eta udalak berriro antolatu dute pandemias geroztik egiten ez zuten Sukalki Eguneko sukalki lehiaketa herrikoia. Jai giroan eta "uste baino parte hartze handiagoagaz", gazte zein nagusia animatu dira lehiara.
Domekan [irailak 13] hasita bi asteburu hartuko dituzte Ariatzako Santa Kurtze jaiek eta askotariko ekitaldiez gozatzeko aukera izango dute auzotarrek. Urtero bezala, Saragiaren hiletak emango die jaiei amaiera.
Mahonak jantzi eta goizetik dabiltza bermeotarrak kalerik kale, Arrantzale Eguna ospatzen. Lamera Gane Txokoak antolatuta, hainbat lagun omendu dituzte, herriaren memoria eta nortasuna gogoratuz. Tradizioa eta jai-giroa uztartuz, eztanda egin du jaietako egun handiak, Bermeon.
Bermeoko Txosna Batzordeak Arrantzale Eguna baliatu du Palestinaren aldeko aldarria zabaltzeko. Hala, "Israelgo estatu genozidaren konplize" diren produktuekin edozein lotura eten egin dutela azaldu dute, bide batez "bertokoa sostengatuz".
Bermeotarrez gain, Andra Mari jaietan bete-betean sartuta daude Muruetan, Nabarnizen, Muxikako Gorozikan eta Kanalan. Andra Mari Egunaz gozatzen ari dira gaur [irailak 8], eta datozen egunetan ere jai giroak ez du behera egingo.
Hasi dira Bermeoko Andra Mari eta Santa Eufemia jaiak, eta horiei hasiera emateaz arduratu da Garoa Martinez Anasagasti, Nadia Nemeh Shomaly alkatea ondoan zuela. Gaur, Almikan batu dira, Andra Mari egunaz gozatzeko, eta biharko Arrantzale Egunerako motorrak berotzeko.
Bermeoko Txosna Batzordeak hiru txosna ipiniko ditu aurten, eta boluntario bila dabiltza.
Bihartik hilaren 19ra bitartean ospatuko dituzte bermeotarrek Andra Mari eta Santa Eufemia jaiak. Udalak, txosna batzordeak eta herriko eragileek ohitura eta berrikuntza uztartzen dituzten jarduerez osatutako egitaraua ehundu dute.
Tradizioz betetako egunak ospatuko dituzte Muxikako Gozorikan, Muruetan eta Nabarnizen Andra Mari jaietan.
MAIATZA
EKAINA
UZTAILA
ABUZTUA
IRAILA
AZAROA
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
