Etxeko aurrelaria, etxekoen aurrean handi

Xabier Barandika gernika-lumotarrak eta Mikel Mantzisidor mutrikuarrak irabazi dute Gernikako Grand Slama, finalean Aritz Erkiaga ispastertarra eta Iñigo Unda gernika-lumotarra menperatuta. Azken tantoan erabaki da txapelak noren burura joko ote duen.

"Gaztetxe honetan hasi den guztiak gaztetxe honetan jarraituko du"

Egurre Gazte Asanbladak deituta, Gernikako Gaztetxearen aldeko manifestazio jendetsua egin dute, jaien testuinguruan. Hilaren 24an, gaztetxearen aldeko "defentsara" deitu dituzte herritarrak, udalaren "xantaietan" jauziko ez direla nabarmenduta.

Organoen soinu udatiarraz gozatzeko azken aukera

Bihar [abuztuak 15] biribilduko dute, 20:00retatik aurrera eta Mundakako Andra Mari elizan, 22. Urdaibaiko Organoak musika zikloa.

Bizkaiko ahaldun nagusiak atun industria bertatik bertara ezagutu du

Elixabete Etxanobek atun industriaren txoko eta xehetasun oro ezagutu du gaur [abuztuak 14], Bermeoko Serrats Kontserbak enpresaren lantegira egindako bisitaldian eta Bermeo Tuna World Capital elkarteko kideekin egindako bileran.

Bihar beranduegi da: erresistentzia, argazki bat bailitzan, gaur hasten da

Gernika-Palestinak deituta, palestinar herriarekiko elkartasun argazki herrikoia egin dute gaur [abuztuak 13], Seber Altube Auditorioan. Epe labur eta erdi-luzeko egitasmoetara deitu dituzte herritarrak.

Aurrelari sasoikoena eta atzelari plazagizonena, etxeko Grand Slamaren finalean elkarren aurka

Domekan [abuztuak 16] lehiatuko dute Gernika-Lumoko Grand Slamaren final handia. Xabier Barandika gernika-lumotarrak eta Mikel Mantzisidor mutrikuarrak Aritz Erkiaga ispastertarra eta Iñigo Unda gernika-lumotarra izango dituzte aurrez aurre jendez gainezka egongo den plazan.

Egoitz Atxikallende eta Maite Izagirre - Andra Mari eta San Roke jaietako pregoilariak

"Elai Alai pregoilari izatea ezustean iritsi da, baina errekonozimendu modura ulertzen dugu"

Elai Alai Dantzari Taldeak irakurriko du aurtengo Andra Mari eta San Roke jaietako pregoia, barikuan [abuztuak 14]. Pregoia hiru belaunalditako kideren artean irakurtzea aurreikusten dute; horietako bi Egoitz Atxikallende eta Maite Izagirre dira, eta hirugarrena Rosa Elena Bilbao.

Andra Mari eta Santa Eufemia jaiak, berritasunez beteta

Irailaren 7tik 16ra artean egingo dituzten Andra Mari eta Santa Eufemia jaiak aurkeztu dituzte gaur [abuztuak 12]. Ohiturari eutsiz eta berritasunak txertatuz prestatu dituzte Bermeoko jai nagusiak. Garoa Martinez halterofiliako txapelduna izango da aurtengo jaietako pregoilaria.

Inoiz baino tortilla eta gilda gehiago

San Lorentzotxu egunez, Lurgorriko kale eta bazterrak sukalde ibiltari bihurtu dira gaur [abuztuak 11]: tortilla eta gilda txapelketa herrikoia egin dute, orain arteko parte hartzerik handienagaz.

LED teknologiaren ezarpena "ia udalerri osora" zabaldu du Foruko Udalak

Herriguneko argiteria publikoa berritzen jarraitzen du EAJren udal gobernuak. Atxeta, Dantzarien Plaza, Askatasuna Bidea eta J.M. Torrealdai Kultur Etxearen inguruan egingo dituzte hurrengo esku hartzeak.

Dena eta Lukiek taldeek defentsa jaialdiari doinua ipiniko diote gaztetxean

Gernikako gaztetxean Langile Kontrolpeko Espazioen Defentsa Komunitateari laguntzeko kontzertu solidarioak egingo dituzte zapatuan [maiatzak 2]. Kontzertuak 22:30ean hasiko dira, eta sarrera 3 eurokoa izango da. Aurretiaz ere eros daitezke, Katu tabernan.

Atuna balioan jartzeko pintxo lehiaketa antolatu dute

Bermeoko 15 tabernak I. Bermeo Tuna Pintxo Lehiaketan parte hartuko dute barikutik [maiatzak 1] domekara [maiatzak 3] bitartean. Bezero eta establezimenduentzat sariak egongo dira.

Eduki babestua

Irakurketari bultzada, Gernikako Institutuan

Gernikako Institutuak I. Irakurketa Eguna ospatu du aurten, martxoaren 20an. Erronka horren aurrean, ikasleak izan dira dinamizatzaile nagusiak. Egun berezi hartan, irakurzaletasuna bultzatzeko hainbat jarduera egin zituzten, 135 ikasleren lankidetza sustatuz. Irakurketa Egunak aurten martxan jarritako irakurketa plana biribildu du.

Lekeitiok Trainerillen Bizkaiko Ligako asteburu bizia hartu du, Bermeo eta Mundakaren garaipenekin

Trainerillen Bizkaiko Ligako III. eta IV. estropadak zapatu eta domekan [apirilak 25 eta 26] jokatu ziren Lekeition, Isuntza Arraun Taldearen antolakuntzapean, kadete, gazte eta absolutu mailetan hainbat kluben nagusitasunagaz.

Motoziklismoa, omenaldia eta lagunarteko giroa

Zapatuan [apirilak 25] Olesko Motor Fest egin zuten. Lagunarteko ibilbidea egin zuten lehenik, eta Herri Torrontegi omendu zuten amaieran.

Busturia Ur-Zelai Futbol Kluba, bigarren mailara

Busturiko Udalak Ur-Zelaiko jokalarien "ahalegina, konstantzia eta konpromisoa" aitortu ditu.

Gehiago