Muxikan “bide segurtasuna bultzatu eta mugikortasun jasangarriaren alde” egin zuten domekan (apirilak 26). Herritar talde batek deitutako martxa deialdiari erantzunez, 120 lagun baino gehiago batu ziren, herri eta auzoen arteko bidegorriak nahi dituztela aldarrikatzeko eta mugikortasun jasangarria bultzatzeko. Horretarako behar diren inbertsioei "lehentasuna" ematea eskatu zuten.
Gernika sortu zeneko 660. urteurrenean San Fidel Ikastola izan da On Tello kondearen eskulturari zapia eskuan jartzeko arduraduna. 125 urte betetzen ditu ikastolak aurten, eta urteurrena aprobetxatu dute Gernikazarrakoek San Fideleko ordezkariei zapia jartzeko gonbidapena egiteko.
Armeniaren eta Azerbaijanen arteko bake akordioa eta Global Sumud Flotilla omendu dituzte Gernika Sariek aurten.
'Memoria demokratikoaren Lekua' eskultura inauguratu dute Gernikako Bonbardaketaren 89. urteurrenean.
George Steer kazetariak Gernikako bonbardaketa mundura zabaltzeko erakutsitako "ausardia" azpimarratu zuten atzo [apirilak 26], bere monolito aurrean egindako omenaldian. Kazetariaren semeak gerra kazetariak "eguneroko historialariak" direla nabarmendu zuen, "ohore guztia" merezi dutela iritzita.
4 minutuko sirena hotsak hartu ditu, apirilaren 26ro modura, Pasealekua, Astrako babeslekua, Errenteriako zubia edota Merkurio ingurua.
Memoria, artea eta egungo gerren aurkako salaketa uztartu zituen atzo Gernika garretan antzerkiak, Gernikako bonbardaketaren 89. urteurrenean. Herri antzerkiak herriaren memoria plazaratu zuen, herritik sortutakoa. Eta Kandelen ibilbidea amaitzerakoan mende erdiko salaketek bere horreta dirautela adierazi zuten Gernika Batzordekoek: "Gerra bat eta beste bat eta beste bat. Elkarren gainean, elkar estaltzen diren geruza informatiko soil bihurtuta".
'Giza eskubideen aldeko sormena: kartel politikoak' izeneko erakusketa inauguratu dute gaur [apirilak 25], Elai Alai areto txikian. 2024ko International Socio-Political Poster Biennalen saritutako artelanek osatuta dago.
Ernaik manifestazioa egin du Gernika-Lumoko kaleetan barrena. Gernikako bonbardaketaren 89. urtemugaren harira, atzoko eta gaurko "gerra hotsak" salatu dituzte. Akorduan eduki dituzte Palestina, NATOren "sinisgarritasun krisialdia", feminismoaren aurkako oldarraldia edota AEBen gerra politika "inperialista".
Gernikako gaztetxean Langile Kontrolpeko Espazioen Defentsa Komunitateari laguntzeko kontzertu solidarioak egingo dituzte zapatuan [maiatzak 2]. Kontzertuak 22:30ean hasiko dira, eta sarrera 3 eurokoa izango da. Aurretiaz ere eros daitezke, Katu tabernan.
Bermeoko 15 tabernak I. Bermeo Tuna Pintxo Lehiaketan parte hartuko dute barikutik [maiatzak 1] domekara [maiatzak 3] bitartean. Bezero eta establezimenduentzat sariak egongo dira.
Gernikako Institutuak I. Irakurketa Eguna ospatu du aurten, martxoaren 20an. Erronka horren aurrean, ikasleak izan dira dinamizatzaile nagusiak. Egun berezi hartan, irakurzaletasuna bultzatzeko hainbat jarduera egin zituzten, 135 ikasleren lankidetza sustatuz. Irakurketa Egunak aurten martxan jarritako irakurketa plana biribildu du.
Muxikako herri eta auzoen arteko bidegorriak eta mugikortasun jasangarriaren aldeko pausoak eskatzeko asmoz, auzotar talde batek martxak deitu ditu hurrengo domeketarako. Domeka honetan (apirilak 26) hasi eta maiatzaren 31ra arteko domeka guztietan, 11:30ean bilduko dira Kurtzeroko bidegurutzean, martxak egiteko.
Rosa Mari Gabantxo margolari bermeotarraren margolan erakusketa Busturiko Kultur Etxean egongo da ikusgai apirilaren 30a [eguena] bitartean.
Internet bidez erantzun daitekeen galdetegiarekin Busturiko emakumeen parte hartze aktiboa sustatu eta "ahalduntze kolektiboa indartu" nahi ditu Busturiko Udalak.
Etorkizun ekosoziala aztertu eta Ramon Zallo gizarte ekintzaileak eskualdeari egindako ekarpenak aztergai izango dituzte eguenean (apirilak 23) Gernika-Lumoko Elai Alai aretoan egingo dituzten 36. Kultura eta Bakearen Nazioarteko Jardunaldiek.
Baimenak eskatzeko epea ekainaren 15a bitartekoa izango da, eta eskaerak astebeteko epean ebatziko dira. Egun horretatik aurrera, sarbidearen kontrola bideo-zaintzaren bidez egingo dute.
Bizkaia Gazteak Busturialdea proiektuaren barruan, unibertsitateko zein Lanbide Heziketako prestakuntza aukerak eta horiek eskaintzen dituzten lan-irteerak "modu argi eta praktikoan" ezagutzeko aukera egongo da zapatuan [apirilak 18] Artzan, gurasoei zuzendutako lehen jardunaldian.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
