Pasek Belenosen aurka 42 eta 29 irabazita, liga jardunaldi bi geratzen zaizkio Gernika Rugby Taldeari. Sailkapeneko lidergoari eustea eta play-offak etxean jokatzea dute helburu basurdeek. Domekan [apirilak 19] Club de Rugby Sant Cugaten kontra jokatuko dute.
TAE Gernikako Unax Pollock eta Luken Soria Espainiako Taekwondo ITFko Selekzioagaz ariko dira gaurtik (martitzena) aurrera, Mariborren (Slovenia), Europako Txapelketan.
Inma Ruizek bere lehen Europako Txapelketan zilarrezko domina bi lortu ditu. Min hartuta lehiatu arren, txapelketa "bikaina" biribildu du 800 eta 1.500 metroko lasterketetan.
Astelehenetik zapatura lehiatuko dute Itzulia Basque Country. Lea-Artibai, Mutriku eta Busturialdetik igaroko da tropela. Pello Bilbao, Txomin Juaristi eta Ander Okamika irteeran egongo dira. Zapatuan, Miguel Indurain Sari Nagusian berotuko dituzte motorrak.
Sestaoko uretan lehiatutako txapelketatik kimu mailako kategoria mistoko eta emakumezkoen zein gizonezkoen kadete mailako banderekin itzuli dira mundakarrak; Bermeok bigarren bukatu du gizonezkoen absolutu mailako proba.
Eguraldi nahasiak baldintzatuta lehiatu dute asteburuan III. Urdaibai Rallya. Potentzia, teknika eta estrategia uztartze aparta egin ondoren, Ivan Muñoz gernika-lumotarrak etxeko proba maisuki irabazi du, Gabino Martinezegaz batera.
Bihartik [martxoak 27] etzira [martxoak 28] lehiatuko dute Busturialdeko automobilismo proba nagusia. Gidari eta kopilotuek "ederto" erantzun diote lehiarako izen emateari. Lau tarte eta zortzi saio kronometratu izango dituzte aurten. Errepide mozketak egongo dira tarteetan. Montorre Herri Eskolan egin dute aurtengo agerraldia.
Eskuldeko arraun taldeek maila handia uretaratu dute III. Alakrana Erronkan: Bermeok eta Elantxobek banderak altxatu dituzte, hurrenez hurren, gizonezko eta emakumezko nagusien lehietan; etxeko taldea, Mundaka, bigarrena izan da beteranoen estropadan.
2023tik da Sustabiz Fundazioa AEJeST elkarteko kide, eta aurten izango du administrazio kontseilua lehenengoz hartzeko ardura. Hori horrela, nazioarteko jardunaldia, eta, jolas eta kirol autoktonoen jardunaldia egingo dituzte barikutik eta domekara bitartean.
Afizionatuen mailakoen zesta-punta bultzatuko du Gernika Jai Alai Eskolak antolatu duen Eguenetan Jai Alai Txapelketak. Lehen mailako partiduak jokatuko dituzte eguenero, gaur (martxoak 5) hasita.
Zapatuan [martxoak 7], Busturialdeko errepideek XXIII. Ereñoko Udala Sari Nagusia hartuko dute. Elite eta 23 urtez azpikoentzako Euskaldun Torneoaren bigarren proba izango da Ereñokoa, baina urteko lehenengo benetako esamina ere bai. Izan ere, iragan asteburuko lehen lasterketa, Zumaiakoa, ez zen ibilbide aldetik gogorra izan.
Emakumezkoen Binakako Txapelketako Igorreko partiduan 22-2 nagusitu ziren Arrizabalaga eta Bergara Aldai eta Arrillagaren aurka. Ainhoa Ruiz de Infante eta Nora Mendizabal izango dituzte aurrez aurre.
TAE Gernikak antolatuta, Jai Alai pilotalekuak taekwondoko ITF Promozio Txapelketa hartuko du bihar [otsailak 14], bigarren urtez. Espainia osoko sei talde ariko dira bertan.
Espainiako taekwondo txapelketan urrezko lau domina lortu dituzte TAE Gernikakoek. Baina hori gutxi ez-eta, zilarrezko lau eta brontzezko bost domina ere ekarri dituzte udalerrira.
Gernika Rugby Taldeak A.D. Ingenieros Industriales Las Rozas taldearen aurka jokatuko du domekan, 12:30ean hasita, Urbietako berdegunean. Sailkapenean aurretik dituzte madrildarrak, baina puntu berberekin.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
