Mahonak jantzi eta goizetik dabiltza bermeotarrak kalerik kale, Arrantzale Eguna ospatzen. Lamera Gane Txokoak antolatuta, hainbat lagun omendu dituzte, herriaren memoria eta nortasuna gogoratuz. Tradizioa eta jai-giroa uztartuz, eztanda egin du jaietako egun handiak, Bermeon.
Irailean erabakiko da, Donostian, Jai Alai Liga erabakiko duen Lauko Finala. Xabier Barandikak bere hirugarren garaipena lortzeko borroka egingo du. Unai Lekerika ere lehian ariko da.
Domekan [irailak 13] egingo dute Mendatako 28. Nekazal Azoka. Txerriki pintxoen salmentaren dirua Axularri emango diote, Perthes gaixotasunari aurre egiten laguntzeko. Bihar [irailak 11], Euskal Oiloaren Lagunen II. Topaketa egingo dute.
Domekan [irailak 13] hasita bi asteburu hartuko dituzte Ariatzako Santa Kurtze jaiek eta askotariko ekitaldiez gozatzeko aukera izango dute auzotarrek. Urtero bezala, Saragiaren hiletak emango die jaiei amaiera.
Bermeoko Benito Barrueta Arte Elkarteak 75 urte betetzen ditu aurten. Begirada atzera bota, eta ibilbideaz "harro" dauden heinean, Andra Mari eta Santa Eufemia jaien baitan irailaren 16ra bitartean ikusgai egongo diren hiru erakusketa plazaratu dituzte.
Bermeoko Txosna Batzordeak Arrantzale Eguna baliatu du Palestinaren aldeko aldarria zabaltzeko. Hala, "Israelgo estatu genozidaren konplize" diren produktuekin edozein lotura eten egin dutela azaldu dute, bide batez "bertokoa sostengatuz".
Gu Kostaldea Herrigintzan plataformak «jardunaldi esperimentalak» egingo ditu irailaren 14an eta 19an, Elantxoben. «Parte-hartzeari, memoriari, lurraldeari eta narratiba digitalen elkarkidetzari» buruzko saioak izango dira.
Bermeotarrez gain, Andra Mari jaietan bete-betean sartuta daude Muruetan, Nabarnizen, Muxikako Gorozikan eta Kanalan. Andra Mari Egunaz gozatzen ari dira gaur [irailak 8], eta datozen egunetan ere jai giroak ez du behera egingo.
Hasi dira Bermeoko Andra Mari eta Santa Eufemia jaiak, eta horiei hasiera emateaz arduratu da Garoa Martinez Anasagasti, Nadia Nemeh Shomaly alkatea ondoan zuela. Gaur, Almikan batu dira, Andra Mari egunaz gozatzeko, eta biharko Arrantzale Egunerako motorrak berotzeko.
Udalerri "inklusibogoa, irisgarriagoa eta bizi kalitate hobeduna" izateko asmoz, Ea Lagunkoia programaren fase berri bat hasiko dute eguenean [irailak 10], 18:00retan, Eskolondon. Udalak hainbat bilerako egutegia eta programaren ekintza plana aurreratu ditu.
Arrakastatsua izan da uda, beste behin, Klima Abenturarentzako. Ez dira, baina, jardunaldiak bukatu: iraileko asteburuetan zabalik mantenduko da parkea, eta urrian ere jardunaldi berezi bat egingo dute.
Bermeoko Udalak beste behin antolatu du helduentzako antzerki tailerra herrian, eta irailaren 30era arte egongo da zabalik izena emateko epea.
Proposamenak aurkezteko azken eguna irailaren 21a [astelehena] izango da. Sortzaile berriek banaka zein taldeka parte hartu ahal izango dute.
Ibarrangeluko Udalak kultur eta kirol eskaintza zabala eskainiko die herritarrei 2026/2027 ikasturterako. Saioetara izena emateko epea irailaren 24ra artekoa da.
Obren helburua kontrol eta segurtasun sistemak gaurkotzea da, eta hamasei hilabeteko epea aurreikusi dute horretarako, 5,1 milioi euroko aurrekontuagaz.
Bizkaiko Bertsozaleon Egunaren barruan, Bizkaiko Taldekakoaren finalaurrekoak eta finala jokatuko dituzte zapatuan, Zornotzan. Busturialdeko Haritz eta Itsaso eta Bypasseu taldeak sailkatu dira finalaurrekoetara.
Urriko Lehen Asteleheneko azokan parte hartu gura duten baserritar, ekoizle eta artisauek irailaren 18ra [barikua] bitartean aurkeztu ditzakete eskaerak; Urriko Azken Astelehenerako izen emotea, berriz, irailaren 30ean [eguaztena] itxiko dute.
50-60 lagun animatu dira III. Nabarnizko Igoeran parte hartzera. Iluntzar tontorreko ikurrina berritu dute, eta herrian poteo giroagaz biribildu dute ibilaldia.
ETEek azaroaren 2ra eta 23ra arte eska ditzakete Adimen Artifizialaren eta Zibersegurtasun Industrialaren programetako dirulaguntzak, hurrenez hurren. Jaurlaritzak 28 milioi eurora igo du ETEentzako eraldaketa programa horien aurrekontua: 14 milioi euro bakoitzarentzat.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
