Herri txikietako ekonomiaz eta etorkizunaz hausnartzeko eta herri txikietan antzematen diren beharrei erantzungo dien "gizarte dinamika plurala" sortzeko asmoz sortu dute plataforma. Solasaldi batzuk antolatu dituzte, eta lehenengoa Gautegiz Arteagan izango da eguenean (ekainak 11), 19:30ean.
Bermeoko Udalak Biztu Bermeo Jarduera Fisikoaren Orientazio Zerbitzua aurkeztu du. Aholkularitza zerbitzuan, Iñigo Iriondo bermeotarrak erabiltzaile bakoitzaren egoera aztertuko du eta programa pertsonalizatua eskainiko die.
Ikamak ikasle jaialdia antolatu du gaur [ekainak 6] Astran, bost urteko ibilbidean egindako lana balioan jarri asmoz. Festa goizaldera arte luzatuko dute, Alarma Morea, Ganibet, Bad Sound eta Ainguraren kontzertuekin eta Lumatzak eta Alloxelets DJen emanaldiekin.
Hitzarmenik barik segitzen dute Udalhitzeko negoziazio mahaian, nahiz eta Eudelek zein agintari politikoek zenbait eduki egoki planteatu dituzten. Sindikatuen ustez oraindik "zehaztapenak eta funtsezko alderdiak" falta direnez, greba eguna izan dute gaur udal langileek, eta asko izan dira itxita gelditu diren udal zerbitzuak.
Bizi Festa ekimenaren laugarren aldian batuko dira domekan [ekainak 7], Bermeon. Parte hartzeko, bizikleta eta kaskoa eramateaz gain, Bizkaiko Elikagaien Bankuari elikagai ez galkorren dohaintza egitea eskatu dute.
Zaintzari buruzko lanketan sakontzeko beharrizana ikusi dute Bedarona, Ea eta Natxituko Andrak taldeko kideek, eta bide horretan, zapaturako antolatu duten hitzaldi-solasaldian, herritarren parte hartze zabala lortu nahi dute.
Udal liburutegi berriaren proiektua dela eta, Elai Alai Dantzari Taldeko, Gernikako Egurre Gazte Asanbladako eta Gernikako Txosna Batzordeko kideek Gernika-Lumoko Udalari "tarte edo geldiune bat" exijitu diote, "herritar eta eragiliek ganoraz informatu eta batera hausnartzeko aukera izan dezaten". Gainera, bizia daukan Pasealekua nahi dutenez, ekainaren 12rako Pasileku Egune antolatu dute.
Domeka goizaldean aurkitu zuten gorpua, hildakoaren Mundakako etxean. Autopsiaren zain, hipotesi guztiak zabalik ditu Ertzaintzak.
Pipergorri Elkarteak 269 In Memoriam oroimen ekitaldia egin du gaur [maiatzak 30], Zalloko hilerrian. Gernikako Gerra Presoen Ospitale Militarrean hildako preso errepublikarrei dagokien tokia gorde diete, beste urte batez. Aurten, zendutako presoen senide berriak bertaratu dira, eta beren bizipen zein testigantzak kontatu dituzte estreinakoz.
'La maleta de Urdaibai' liburua aurkeztu zuen iazko urrian Txema Garcia Paredes kazetariak, Ipes elkartearekin elkarlanean. Kaleratu bezain pronto adierazi zuten liburuak Palestinara laguntza bidaltzea zuela oinarrian, eta hala egin dute.
Rober Garaik bere "obsesio pertsonal" baten emaitza den 'Urdaibai: Nemo puntua' erakusketa aurkeztuko du eguen arratsaldean [ekainak 11], Foruko Udalbatza Aretoan.
Izen ematea urriaren 9ra bitartean zabalik egongo da, beti ere, plazak aurretik betetzen ez badira. Ikastaroa gainditzen dutenek Eusko Jaurlaritzak homologatutako Ume eta Gazteen Aisialdirako Begirale titulua eskuratuko dute.
Diru-laguntza Bermeoko Nautika eta Arrantzako LHIIn, Pasaiako Blas de Lezo LHIIn edota Ondarroako Antiguako Ama Arrantzako LHIn ikasten ari diren ikasleei zuzenduta dago; ikasle bakoitzak 2.404 euro jasoko ditu, gehienez.
Bizkaiko Foru Barriaren onarpenetik 500. urte igaro direla ospatu eta testuaren garrantza herritarrei hurbilteko asmoz Bizkaiko Foru Aldundiak eta Bizkaiko Batzar Nagusiek antolatutako erakusketa ibiltaria Lameran dago ikusgai, domekara [ekainak 7] bitartean.
Busturialdeko hainbat udalerri txikitan jarriko dituzte kutxazainak, baina batzuetara beste batzuetara baino lehenago ailegatuko dira: Eara, Elantxobera eta Foruara uda aurretik ailegatuko da.
Euskal Australiarren Alkarteak ekainaren 13rako [zapatua] deitu du aurten 'Australianoen bazkaria', eta domeka [maiatzak 31] da izena emateko azken eguna. Bazkarian 1929 eta 1945 urte bitartean jaiotako Australiara joandako euskal herritarrak omenduko dituzte.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
