
Udaltzain batek bere etxeko langileagaz edukitako jarreraren aurrean, EH Bilduk gertatutakoa ikertzeko eskatu dio udalari. LAB sindikatuak eta Gernika-Lumoko Sare Feministak elkarretaratzea deitu dute etzi [urriak 9], 19:00etan, udaletxe aurrean.

Gernika-Lumoko Berbalagunek ikasturtea hasi du, «eskaintza zabalagaz», eta urriaren 15erako ‘Feminismoa eta euskalgintza’ hitzaldia antolatu dute. Helburuen artean, Paseolagun taldea «indartu» nahi dute.

Bermeoko Udaleko Berdintasun Sailak udazkeneko egitarau feminista aurkeztu du, urritik abendura bitartean hainbat jarduera egingo direla azalduz.

Herritarrek iritziak partekatzeko eta proposamenak egiteko asmoz, saio irekia egingo dute urriaren 15ean, eta galdetegia ere zabaldu du Gautegiz Arteagako Udalak.

Zortzi saio prestatu dituzte Bizkaiko zortzi herritan, bertsolari gazteek Bizkaiko Bertsolari Txapelketako finalistegaz jarduteko. Lea-Artibain Markina-Xemeinen eguenean [urriak 8] egingo da lehenengo bi saioetako bat eta Busturialdean Bermeok hartuko du urriaren 22ko saioetako bat.

Mendatako Cross Country Lasterketak 64 motozale elkartu ditu bere estreinaldian. Mikel Armas Perez izan da sailkapen nagusiko garailea; emakumezkoena Sandra Gomez Canterok jaso du; gazteena, Gernika Off-Roadeko kide Oier Santiso Aramaiok; beteranoena, David Kanibe Aretxagak; senior mailakoa, Armas berak.

2026 eta 2027an kiroldegia "handitzeko eta hobetzeko" proiektua planifikatzea eta udal-kirolean inbertsio handiagoa egitea eskatu dio alderdi jeltzaleak udal gobernuari. Guztiontzako Herriaren kontrako bozkekin eta EH Bilduren abstentzioagaz mozioak ez du aurrera egin.

Aste honetan egingo duten lehenengo saioa, eta aholkularitza teknikoa eskainiko dute.

Besteak beste, Bermeon eta Gernika-Lumon elkarretaratzeak egin zituzten atzo, Ernaik deituta. Mobilizazioak azken asteetan etxebizitza duinaren alde sortutako "olatu herritarraren" barruan kokatu ditu gazte erakundeak.

Gernikako Andra Mari eta San Roke jaiak direla eta, udalerriko hainbat kale nahiz auzunetan trafiko mozketak izango dira, baita Errenteriako San Bartolome jaien bueltan ere.

Busturialdeko Alkoholiko Anonimoek irailaren 12an herritarrentzako berbaldi irekia egingo dutela aurreratu dute.

1912ko galerna eta bertan hildako itsasgizonak omenduko dituzten eguazteneko [abuztuak 12] Galerna Egunean.

12. jardunaldiaren atarian, Bermeo-Urdaibai hirugarrena da EuskoLabel ligako sailkapen orokorrean. Zierbena bigarren sailkatua 5 puntura dauka.

Abuztuaren 14tik 15erako eta 15etik 16rako gauetan, tren bereziak ibiliko dira E4 linean, Amorebieta eta Bermeo artean. Eta abuztuaren 16tik 17rako gauean, Gernika-Bermeo tartean, bi noranzkoetan ariko da zerbitzu berezia.

Bermeok 38. Nazioarteko Folklore Jaialdia hartuko du abuztuaren 8an, zapatua, 20:30etik aurrera. Aurten ere aire zabalean ariko dira dantzariak, Lamera agertoki dela.

Euskal Herria eklipsearen lekuko izango dugu 2026ko abuztuaren 12 ilunabarrean. Segurtasunez behatzeko, beharrezkoa da horretarako berariaz diseinatutako betaurrekoak janztea.