251 postugaz, lehen sektorearen erakusleiho koloretsua izan da da gaur [urriak 26] Urriko Azken Astelehena. Udalak Gernika-Lumoren izena munduan zehar zabaltzen duten herriko zenbait kirolari, merkatari eta enpresa omendu ditu.
Hasi da Eusko Label Winter Seriesen seigarren aldia. Goixerri-Lekerika eta Urreisti-Atain bikoteek lortu dituzte lehenengo puntuak, zaleek beste behin ere goraino bete duten Jai Alai frontoian.
Maila handikoa izan da Xixili Torneoaren hogeitazortzigarren aldia. Gimnastika erritmikoak talentua eta lehiakortasunaz gain, pertsonak batzeko eta elkarlanean jarduteko gaitasuna ere baduela erakutsi zuten, zapatuan, Jai Alai Pilotalekuan.
'Etxebizitza eskubidea bermatzeko, espekulazioari ez!' lelopean aterako da kalera Euskal Herriko langileria azaroaren 11ko greba orokorrean. Mobilizazioak egingo dituzte goizean Hego Euskal Herriko hiriburu eta herrietan.
Mareak Jaialdiak iraun dituen bost eguneko marea biziak baretu berri, MB2000 elkarteko kideak "asebeteta" amaitu dute hamabigarren aldia, eta martxoan hamahirugarrenari begira jarriko direla nabarmendu dute.
Urriko Azken Astelehena abiada bete-betean da. 300 postutik gora edukiko ditu dagoeneko zabalik dagoen azokaguneak. Eguerdian iritsiko da eguneko une gorena, Merkurion: 12:00etan, bertsolarien txanda iritsiko da. Ostean, barazki, fruta, landare apaingarri, txakolin, ezti eta gazta sailetako lehiaketak egingo dituzte. Azkenik, gazta enkantearen unea helduko da.
Astelehentxutxuk jendetza bildu du eguerdiko lagunarteko paella txapelketan: 62 kuadrilla eta 619 lagun bildu dira Merkatu plazan. Beti Gaztez eta Mambo kuadrillak saritu dituzte paella lehiaketan, eta Pins bingo musikatuan.
'Elantxobe' lurrunontzia itsas hondora joan zenetik 90 urte beteta, instituzioek bertan "eta gainontzeko gerretan" zendutako merkatal marinelak omentzeko plaka ipini dute Talan.
Ricardo Remiro iazko gazta onenaren ekoizleak laugarrenez parte hartuko du Urriko Azken Astelehenean. Gazta "orekatua" aurkeztuko du.
Astelehentxutxuren azken aldia izan daiteke biharkoa [urriak 24]: Gernika-Lumoko gazteen saretzea sustatzeko jaiaren egungo antolakuntza taldearen azken aldia izango da aurtengoa, baina belaunaldi berriei "atea zabal-zabalik" uzten diete, testigua har dezaten.
Euskal Herriko Etxebizitza Sindikatu Sozialistak asanblada irekiak deitu du Gernika-Lumon, azaroaren 11ko Greba Orokorra antolatzeko.
Transfusio eta Giza Ehunen Euskal Zentroak 40 edo 50 odol emotetik gora egin dituzten Busturialdeko eta Lea-Artibaiko 108 odol-emaile omenduko ditu etzi [urriak 23], Gernika-Lumoko Elai Alai Areto Nagusian.
Bermeoko Berbalagunek ikasturte berriari hasiera emateko bi ekimen antolatu dituzte. Urriaren 25ean ibilaldi bat egingo dute Laida eta Atxarre artean, eta hilaren 29an hitzaldi-tertulia izango dute Euskal Gunean. Bietan ala bietan izen ematea beharrezkoa izango da.
Aintzatespenak zerbitzu publikoaren "etengabeko hobekuntza" eta erabakiak hartzeko datuen erabilera, digitalizazioa, jasangarritasuna eta behar ezberdinak dituzten bisitarientzako arreta uztartzen dituen kudeaketa-eredu bat ezarri izana egiaztatzen du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
