'Bizkaian bagara. Berbak zubi' programaren barruan, herriko eragile, herritar eta euskaltzaleekin batera hurrengo hamarkadarako lehentasunak adostea izango du helburu 'Batera Jauzi' prozesu parte-hartzaileak.
Izendapenak, Bermeoko Udalaren berbetan, "alokairuen prezioak mugatzeko neurriak aplikatzea" ahalbidetuko du, batik bat, bermeotarrek etxebizitza eskuratzeko dituzten zailtasunei aurre egiteko tresna berriak eskainiz.
Bizitzen Fundazioarekin elkarlanean eta Bizkaiko Foru Aldundiaren laguntzarekin egingo du udalak diagnostikoa. Batzar desberdinak antolatu dituzte adinekoekin batera diagnostikoa egiteko.
Etxebizitzaren auziari "buelta emateko", langile klase "antolatua eta indartsua" behar dela azpimarratu dute arratsaldeko manifestazioetan. 'Etxebizitza eskubidea bermatzeko, espekulazioari ez!' lelopean, kalera atera dira Bermeon zein Gernika-Lumon.
Sindikatuen arabera, "erantzun zabala" edukitzen ari da etxebizitza eskubidearen aldeko greba orokorra Busturialdean. Goizean piketeak egin dituzte, eta Muxikan errepidea moztu dute Busturialdeko Kontseilu Sozialistako kideek. Ertzaintzak gutxienez hiru pertsona identifikatu ditu.
Euskal Herriko etxebizitza sindikatuek eta lan arloko sindikatu nagusiek greba orokorra deitu dute eguaztenerako [azaroak 11]. Busturialdeko herritarrak Gernika-Lumon batuko dira 18:00etarako deitu duten manifsetazioan.
Gaur aurkeztu du Bermeo Tunak 'Bermeo Tuna Lagunak' ostalaritza-sare berria. Ekimenaren bidez, atunaren eta hegaluzearen kultura gastronomikoa eta kontsumo jasangarria sustatu nahi dituzte sarea osatzen duten herriko 17 establezimenduek.
Bermeoko San Martin auzoak, Foruak eta Kanalak hartuko dute jaien testigua datozen egunotan. Foruarrek asteburu honetan izango dute gozatzeko aukera; bermeotarren txanda, aldiz, hurrengo asteburuan izango da.
Bermeoko Kafe Antzokiak Bloodhunter, Rise To Fall, Quaoar eta Somnambula taldeen kontzertuak hartuko ditu zapatuan [azaroak 7]. Sarrerak 20 euroren truke daude eskuragarri.
Bermeoko Udalak 8.000 esku-orri banatuko ditu hiriguneko etxebizitzetan, eta bi ingurumen-hezitzailek etxez etxeko bisitak egingo dituzte herritarren zalantzak argitzeko eta birziklatzea bultzatzeko.
Azaroaren 24an eta 26an egingo dituzte musika eta haurrentzako ikuskizunak eskaintzen dituzten sortzaileen, profesionalen eta programatzaileen topagune izango diren topaketak. Programatzaileek azaroaren 23ra arte [astelehena] izena eman dezakete,
Bermeoko Udala Ahalduntzerako Gune Feminista sortzeko prozesua garatzen ari da, herriko eragile desberdinekin elkarlanean. Horretarako, beste herri batzuetako emakumeen etxeak ezagutzeko txangoa egingo dute datorren zapatuan [azaroak 21]
Bost taldek joko dute zapatuan burutuko den jaialdian, 21:00etatik aurrera: The Dogs, Plastic Meat, Tūmba, Time and Punishment eta Couture. Punk, metal, oi! eta hardcore doinuak izango dira protagonista, Bermeoko Kafe Antzokian.
Alde batetik, udazkeneko lehiaketa martxan dagoela eta parte hartzeko azken eguna azaroaren 13a izango dela esan dute. Bestetik, zapatuan (azaroak 7) Bermeotik Burgoara, Burgoatik Matxitxakora eta Matxitxakotik berriro Bermeora itzultzeko irteera aurreikusi dute.
Bilbao Bizkaia Ur Partzuergoak 57,7 milioi euroko diru saila bideratuko du Busturialdea Zadorra sistemara lotzera, eskaria bermetzeko arazoei irtenbidea emateko helburuagaz.
'Trajea' antzerkia egongo da barikuan [urriak 30] Bermeoko Nestor Basterretxea aretoan. Sarrerak salgai daude Gizarte eta Kultura Etxean eta udalaren webgunean.
Bermeoko Berbalagunek ikasturte berriari hasiera emateko bi ekimen antolatu dituzte. Urriaren 25ean ibilaldi bat egingo dute Laida eta Atxarre artean, eta hilaren 29an hitzaldi-tertulia izango dute Euskal Gunean. Bietan ala bietan izen ematea beharrezkoa izango da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
