Herri txikietako ekonomiaz eta etorkizunaz hausnartzeko eta herri txikietan antzematen diren beharrei erantzungo dien "gizarte dinamika plurala" sortzeko asmoz sortu dute plataforma. Solasaldi batzuk antolatu dituzte, eta lehenengoa Gautegiz Arteagan izango da eguenean (ekainak 11), 19:30ean.
Irailaren 19tik abenduaren 20ra izango da Euskal Herriko Bertsolari Txapelketa, eta saio guztietarako sarrerak ekainaren 17an jarriko dira salgai bertsosarrerak.eus atarian. Busturialdeko ordezkari diren Onintza Enbeitak eta Aitor Etxebarriazarragak urriaren 10ean jokatuko dute kanporaketa, Gotaine-Irabarnen. Bestalde, azaroaren 7an Gernika-Lumok hartuko du finalerdietako bat.
EAJ-PNVk eta PSE-EEk ekimen legegile bat aurkeztu dute Eusko Legebiltzarrean, "interes publikoko proiektu industrialetarako epeak %75era arte murrizteko". Urdaibaiko Biosfera Erreserba Babestu eta Antolatzeko 5/1989 Legeari eragiten dioten atal guztiak "kentzea edo sakon aldatzea" eskatu du Guggenheim Urdaibai Stop plataformak.
Iruñea euskararen aldeko mobilizazio handi baten epizentroa izango da zapatuan (ekainak 13), 'Euskaltzaleon Martxa' lelopean mobilizatuko baitira Euskal Herri osoko euskaltzaleak. Bertara joateko autobusa antolatu dute euskaltzaleek Gernika eta Bermeotik; tiketak eskuragarri daude.
Ikamak ikasle jaialdia antolatu du gaur [ekainak 6] Astran, bost urteko ibilbidean egindako lana balioan jarri asmoz. Festa goizaldera arte luzatuko dute, Alarma Morea, Ganibet, Bad Sound eta Ainguraren kontzertuekin eta Lumatzak eta Alloxelets DJen emanaldiekin.
Gorputzaren eta teknologiaren arteko etengabe hizketan ari den 'Lattice' dantza ikuskizuna aurkeztuko du gaur (ekainak 5) Ziomara Hormaetxe dantzari gernika-lumotarrak Lizeo Antzokian. Pieza honek grabitatea esploratzen du, gorputza geruza askotan zeharkatzen duen nonahiko indar gisa: fisikotik kuantikora, espazioa eta mugimendua esperimentatzeko moduak konfiguratuz.
Hitzarmenik barik segitzen dute Udalhitzeko negoziazio mahaian, nahiz eta Eudelek zein agintari politikoek zenbait eduki egoki planteatu dituzten. Sindikatuen ustez oraindik "zehaztapenak eta funtsezko alderdiak" falta direnez, greba eguna izan dute gaur udal langileek, eta asko izan dira itxita gelditu diren udal zerbitzuak.
Mendatan abiatuko dute domekan (ekainak 7) ekaineko lehen hiru domekak bertsolari gazteen bertsoz beteko dituen sariketa: Argi Baltza. Mendatan hasi, Ajangiz eta Gautegiz Arteaga zeharkatu eta, ohi legez, Muxikan amaituko dute ekainaren 27ean.
56.00 segundotan amaitu zuen Gernika Atletismo Taldeko kirolariak 400 metroko lasterketa, Euskadiko Txapelketako podiuma osatzea lortuz. Denbora horrekin bere markarik onena hobetu eta marka berria ezarri du.
'La maleta de Urdaibai' liburua aurkeztu zuen iazko urrian Txema Garcia Paredes kazetariak, Ipes elkartearekin elkarlanean. Kaleratu bezain pronto adierazi zuten liburuak Palestinara laguntza bidaltzea zuela oinarrian, eta hala egin dute.
Euskara sustatzea helburu daukan Ezetz Jakin lehiaketan 52 lagunek parte hartu dute maiatzean, eta, Bego Zabaletak jaso du saria. Ikasturteko azken galdetegia ekainaren 19a [barikua] bitartean erantzun ahalko da.
Zapatuan [ekainak 6] ospatuko da Gernika-Lumoko Azoka Berezia, 09:00etatik aurrera, Merkatu Plazan. 29 postu egongo dira, eta ikusteko, erosteko eta dastatzeko aukera egongo da.
Lanbide Ekimenak Zentroak adimen artifizialean eta tresna digitaletan oinarritutako lau tailer praktiko eskainiko dizkie udalerriko autonomo eta enpresa txikiei. Lehenengo saioa ekainaren 9an (martitzena) izango da.
Udaleku teknologikoetan bilduko dira Gernika-Lumon udan. Guztira 56 leku eskainiko dituzte bi astetan, aste bakoitzeko 28.
Busturialdeko hainbat udalerri txikitan jarriko dituzte kutxazainak, baina batzuetara beste batzuetara baino lehenago ailegatuko dira: Eara, Elantxobera eta Foruara uda aurretik ailegatuko da.
Euspot lehiaketaren publikoaren sarirako barikutik astelehenera bitartean botoa eman beharko da.
Nik Gernikan Sarien aurtengo VI. edizioak 1.000 euroko lau sari banatuko ditu, ohi legez: ibilbidea, berrikuntza, auzoko merkataritza eta tokiko ostalaritza aitortuko dituzte. Interesdunek abuztuaren 28ra arteko epea dute hautagaitzak proposatzeko.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
