'Urdaibaiko Soinuak. Lope Alberdi organogile' erakusketa aurkeztu dute gaur [uztailak 21], Euskal Herria Museoan. Gautegiz Arteagan jaiotako organogile handiaren "memoria eta legatua" berreskuratzeko eta ezagutara emateko helburuz sortu dute ikerketa lan sakona eta luzea oinarri duen bilduma.
Irailean hasiko dituzte Pasealekuko eskola zaharraren hegoaldeko eraikina udal liburutegi berri bihurtzeko lanak eta Gernika-Lumoko Udalak hamar hilabeteko epean amaituta egotea aurreikusten du.
Jose Mari Gorroño Gernika-Lumoko alkateak Bakearen, Gerren Amaieraren eta Nazioarteko Legezkotasunaren Errespetuaren aldeko Oihua foroaren hirugarren aldian parte hartu du Luandan (Angola), eta bakea "elkarrizketa, justizia eta aukerak exijitzen" dituen prozesua dela aldarrikatu du bertan.
A multzotik Xabi Barandikak eta Mikel Mantzisidorrek eta Aritz Erkiagak eta Iñigo Undak osatutako bikoteek lortu dute finalerdiak jokatzeko txartela. Datorren zapatuan (uztailak 25) erabakiko dira B multzoko bikote sailkatuak. Eñaut Urreistiren lesioak, bestalde, faboritoak txapelketatik kanpo utzi ditu.
Lagunak, lekuak, oroitzapenak, esperientziak... pilatu dituzte hiru astez Gaztemunduri Ateak Ireki programan parte hartu duten gazteek. Hunkituta eta eskertuta agurtu dira, eta bueltatzeko gogoz daudela azpimarratu dute.
Espetxe politika "arrunta" eta "euskal preso, iheslari eta deportaturik gabeko Euskal Herria" aldarrikatzeko mobilizazioak deitu dituzte Sare Herritarrak eta Etxeratek abuztuaren 2an [domeka], Euskal Herriko 11 hondartzatan, tartean, Laidan, Lagan, Ean eta Mundakan.
Durango Kirol Taldearekin lehiatu du atleta gernika-lumotarrak Kluben Espainiako Master Txapelketa, Coruñan. Guztira 150 puntu lortuz, lehenengo postua lortu du klubak.
Gernikako Merkatari Elkartuak elkarteak Summer Market udako azoka txikia antolatu du bariku [uztailak 17], zapatu eta astelehenererako [uztailak 20]
Hondakinak eta Ingurumena Kudeatzeko Elkarte Teknikoak Platinozko Erratza aitortu dio berriro ere Gernika-Lumori, eta udalak aitortzaren zergatiak herritarrei hurbiltzeko erakusketa ipini du Domingo Alegria plazan.
Gernikako Txosna Batzordeak udalaren "gardentasun falta" kritikatu, eta adierazi du herriko kultur eskaintza aberasteko, eragileekin elkarlanean eta jai batzordeko eskariak kontuan hartuta jardun beharko lukeela udalak.
Berrikuntzaren aldeko etengabeko apustuan berretsiz, Gernika-Lumoko CUES Entzumen Zentroak Oticon Zeal™ teknologia bere eskaintzan txertatzea erabaki du. Adimen artifiziala erabiltzen duen sistema berritzaileak teknologia aurreratuenak eskaintzen ditu, «ia ikusezina» den audifono batean.
Arteskolako bi ikasleek formatu handira eramango dute Julen Munitisek egindako diseinua. San Bartolome jaietarako amaituta egotea aurreikusten dute.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
