
Koldo Berasaluze Ibarzabal SD Gernika Clubeko jokalari historikoen zerrendara igaro da. Lehen taldeagaz 338 norgehiagoka jokatutako kapitainak kirol erretiroa hartu du, eta zaleek zein taldekideek omenaldi sentikorra egin diote etxean, Urbietan.

Maitane Uriarte adimen artifiziala itzulpengintzan eta interpretazioan "edozelan" txertatzeak dakartzan ondorioekin kezkatuta dago. Euskal itzultzaileak eta interpreteak "erne" daude, haren "erabilera desegokiak "ondorio oso larriak" sor ditzakeelako.

Aingura Bermeon botata dauka Itziar Rekaldek. Gasteizen bizi den arren, Bermeo «arnasa hartzeko» babeslekutzat du. Kontalaritza ezagutzera emateko bidean, bere ibilbidea izan du mintzagai gaurkoan.

Gernika-Palestina Deialdi Herritarrak deituta, elkarretaratzeak egin dituzte gaur arratsaldean. ‘1.096 egun eta gau’ izenburupean, Palestinatik jasotako testigantza irakurri dute. Rabab Abdulhadi palestinar aktibistak bizi duten egoera kontatu du Gernika-Lumon.

'Ikasleok desobedientzia' lelopean, ikasleak antolatzeko herri eskolak antolatu ditu Ikamak astelehenerako [urriak 12].

Izen ematea urriaren 15a aurretik egin beharko dute eta sortutako ikus-entzunezkoak urriaren 30rako bidali beharko dituzte. Lau lan sarituko dituzte 500 euroko bonuarekin.

Udaletako langileek beraien lan-baldintzak hobetuko dituen akordioa aldarrikatzeko greba eguna dute gaur Bizkaia, Araba eta Gipuzkoan. Udal batzuk "guztiz itxi" dituzte eta beste hainbat udal zerbitzu "baldintzatuta" gelditu dira.

Inversus Gernika Bizkaiak ezin izan du marea granatearen aurrean garaipena lortu: 72 eta 108 galdu du bere historiako puntuzio handiena lortu duen Casademont Zaragoaren aurkako partidua. Domekan [urriak 11] Meins Avenidaren aurka jokatuko dute Endesa Ligako 3. jardunaldia.

Eusko Jaurlaritzaren sorreraren 90. urteurrena ospatu dute gaur [urriak 7] Gernika-Lumoko Batzar Etxean. Jose Antonio Agirre Jaurlaritzako lehen lehendakariaren eta bere gobernuaren «balioa» nabarmendu du Imanol Pradales hamahirugarren legealdiko lehendakariak.

Osakidetzak sindikatuen ordezkaritzari gaur-gaurkoz emandako erantzuna "ezinbesteko gutxieneko legalera" mugatzen dela eta, osasun sektoreko beharginek deituak dituzten mobilizazioekin aurrera egiteko asmoa berretsi dute gaurkoan [urriak 7].

Itsasoratu programaren bidez, Bermeoko Nautika Eskolako, Ondarroako Itsas Arrantza Eskolako eta Pasaiako Blas de Lezo Arrantzako CIFP Nautiko-Arrantzaleko ikasleei prestakuntza-egonaldiak ontzietan egiteko aukera eskaintzen dieten arrantza-enpresei zuzendutako laguntza aurkeztu du Eusko Jaurlaritzak. Ikasleko 5.850 eurora arteko laguntza jaso ahalko dute.

Aitor Etxebarriazarragak, Ibai Amillategik, Nerea Ibarzabalek eta Maialen Lujanbiok bertso saio ederra eman dute Ibarrangeluko Elizalden.

Hilaren 27an egingo dute Gautegiz Arteagako Gazte Eguna, bertako gazte asanbladaren eskutik. Egun osorako egitaraua prestatu dute, paella txapelketa herrikoiagaz hasi eta kontzertuekin biribilduta.

Hilaren 17an egindako azken kontrolaren ostean, Eusko Jaurlaritzaren Osasun sailak Laidatxu hareatzan bainua "ez hartzeko gomendioa" egin du, eremuak bainu uretako kalitate irizpideak "puntualki betetzen ez dituelako".

Ereñoko Udalak udaletxe alboko desfibriladorea "prestazio hobedun" batengatik ordezkatu du, eta Gabikan berri bat jarri. Herritarrek, gainera, larrialdietan zelan jardun ikasteko formakuntza saioa jaso ahalko dute.

Unai Lekerika gernika-lumotarra Lekeitio Jai Alai Udako Master Seriesean ariko da. Zapatuan [abuztuak 22] finalerdiak lehiatuko dituzte, eta finala hurrengo barikuan [abuztuak 28] jokatuko dute. Gernikako Grand Slameko garaile Mikel Mantzisidorrek Lekeition estreinatuko du azken txapela.