VI. Argi Baltza Bertsolari Gazteen Sariketa "oso lehiatua" izan da, eta seigarren aldiagaz etapa bat itxi du Lilibertsok.
Interpretazio eta ikus-entzunezko baliabide berriekin babesleku antiaereoen balioa azpimarratu gura izan du Gernika-Lumoko Udalak. Hobekuntza horiek eginda, Astra eta Pasealekuko babeslekuak Memoriaren Ibilbideko bi puntu nagusi bezala sendotu direla uste dute udal arduradunek.
Ospatzeko, gogoratzeko eta aldarrikatzeko Harrotasun Asteburuan elkartu dira Bermeon. Herritarren konpromisoaren, hezkuntza inklusiboaren, espazio seguruen eta politika ausarten beharra plazaratu dute Errementa Armaidxue taldeko kideek.
Elantxobek eta Mutrikuk hartu dituzte ETE eta KAE 2 ligetako estropadak asteburuan [ekainak 27 eta 28]. Elantxobeko emaitza bikainagaz, Busturialdeko traineruak bigarren txandan lehiatzeko aukera izan zuen Mutrikun.
Gaur (ekainak 29), San Pedro eguna ospatzen dabiltza Busturialdeko hainbat herritan. Hala ere, ospakizunak ez dira gaur hasi, asteburuan ere egon baita zer ospatu. Elantxobe eta Mundaka herriko jai nagusiak ospatzen dabiltza, eta jai giroa nabaritu da Lumon, Ibarrurin, Mendatan eta Bermeon ere.
Oriok eta Arraun Lagunak-ek Eusko Label eta Euskotren ligetako lehen garaipenak lortu dituzte Madrilen. Bai emakumezkoen, bai gizonezkoen faboritoak erabateko sendotasunez aritu dira. Bermeo-Urdaibai laugarren sailkatu da, hamar segundoko denbora zigorra jasota.
Bizkaiko Minbiziaren Aurkako Elkarteak 'Babestuta dago, baina bere larruazala ez' kanpaina jarri du martxan, eta gaur (ekainak 29) sentsibilizazio kanpaina egin dute Bermeon, larruazala babesteko eta zaintzeko prebentzio neurrien berri emanez.
Gernika-Lumoko Udalak udalerriko zortzi puntutan bide segurtasuna hobetzeko lanak egin gura ditu, eta aurrekontua bideratu du horretarako.
Madalen Egunean udalbatzagaz Izarora joateko zozketarako izen ematea bihartik [uztailak 1] uztailaren 10era [bitartean] egongo da zabalik. Uztailaren 14an [martitzena] egingo dute zozketa.
Bermeoko Portuaren Babeserako Aholku Batzordeak ISPS Segurtasun Planaren ebaluazioa baliozkotzea onartu du. Eusko Jaurlaritzako Portuen, Itsas Gaietako eta Kostaldeko Zuzendaritzak merkataritza-portuaren babes-sistema eguneratu du.
Herri txikietako ekonomiaz eta etorkizunaz hausnartzeko beste bi aurkezpen antolatu dituzte Gu Kostaldea Herrigintzan plataformako kideek: zapatuan (uztailak 4) Elantxoben, eta uztailaren 10ean (eguaztena) Ereñon.
Nagore Andrinuak jaso du parte hartzaile guztien artean zozkatzen den saria. Ikasturteko azken saria izan delarik, orain artekoaren "balorazio positiboa" egin dute Gernikako Berbalagunek.
Arbolapean kultur programa abiatu du beste urte batez Gernika-Lumoko Kultur Etxeak. Eguenean (ekainak 25) hasi eta uztailaren 30era bitartean, sei musika talde igoko dira Seber Altubeko Auditorioko oholtzara. Zugak abiatuko du aurtengo egitaraua, eta Intensidades Ortega taldea arduratuko da biribiltzeaz. Bitartean, Ziraun, Sueder, Naz eta Mikosis taldekoek ere emanaldia eskainiko dute.
Gernika-Lumoko Andra Mari eta San Roke jaietako kartela Janire Arrizabalagarena da, eta jai batzordekoek "denetariko musika" bermatu gura izan dute musika emanaldietan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
