Ernaik deituta, Bizkargin batuko dira gazteak zapatuan, eta, urtero legez, egun osoko egitaraua prestatu du Bizkargi Gogoratuz Elkarteak domekarako.
Gernika-Lumon Lorategieta izaten da jaiak ospatzen lehen auzoa. Gaur botako dute festen hasierako txupina, eta zapatu iluntzera arte iraungo dute jai egunek. Egun handia, baina, biharkoa (maiatzak 1) izango da.
Etxebizitza eskubidea, kalitatezko zerbitzu publikoak eta soldata eta pentsio duinak aldarrikatuko ditu LAB Sindikatuak Maiatzaren Lehenean.
EHUN - Bizitzaz josita aurkeztu dute gaur [apirilak 29], eskualdeko nekazaritza-elikagaien sektoreari "ikusgarritasuna, kohesioa eta proiekzioa" ematen laguntzeko marka berria.
Kortezubiko Udalbatzak aho batez onartu du 2026rako udal aurrekontua. Euskalduntzean eta kultur sustapenean ipiniko dute fokua, eta azpiegituretan egin beharreko inbertsioei edota udal zerbitzuen hobekuntzari ere erreparatuko diote.
Gernika sortu zeneko 660. urteurrenean San Fidel Ikastola izan da On Tello kondearen eskulturari zapia eskuan jartzeko arduraduna. 125 urte betetzen ditu ikastolak aurten, eta urteurrena aprobetxatu dute Gernikazarrakoek San Fideleko ordezkariei zapia jartzeko gonbidapena egiteko.
Muxikan “bide segurtasuna bultzatu eta mugikortasun jasangarriaren alde” egin zuten domekan (apirilak 26). Herritar talde batek deitutako martxa deialdiari erantzunez, 120 lagun baino gehiago batu ziren, herri eta auzoen arteko bidegorriak nahi dituztela aldarrikatzeko eta mugikortasun jasangarria bultzatzeko. Horretarako behar diren inbertsioei "lehentasuna" ematea eskatu zuten.
Mendiko eskian gailurra konkistatu du Oriol Cardona Collek. Olinpiar Jokoetan urrezko eta brontzezko dominak irabaztearekin batera, kirol modalitate horri oihartzuna eman eta ezagutaraztea lortu du.
28 emakumek parte hartu zuten domekan [apirilak 26] Aixerrotape Zikloturista Elkarteak deitutako emakume txirrindularien lehen irteeran. 2026an zehar "beste hiruzpalau irteera" egitea aurreikusten dute.
Herriguneko argiteria publikoa berritzen jarraitzen du EAJren udal gobernuak. Atxeta, Dantzarien Plaza, Askatasuna Bidea eta J.M. Torrealdai Kultur Etxearen inguruan egingo dituzte hurrengo esku hartzeak.
Gernikako gaztetxean Langile Kontrolpeko Espazioen Defentsa Komunitateari laguntzeko kontzertu solidarioak egingo dituzte zapatuan [maiatzak 2]. Kontzertuak 22:30ean hasiko dira, eta sarrera 3 eurokoa izango da. Aurretiaz ere eros daitezke, Katu tabernan.
Bermeoko 15 tabernak I. Bermeo Tuna Pintxo Lehiaketan parte hartuko dute barikutik [maiatzak 1] domekara [maiatzak 3] bitartean. Bezero eta establezimenduentzat sariak egongo dira.
Gernikako Institutuak I. Irakurketa Eguna ospatu du aurten, martxoaren 20an. Erronka horren aurrean, ikasleak izan dira dinamizatzaile nagusiak. Egun berezi hartan, irakurzaletasuna bultzatzeko hainbat jarduera egin zituzten, 135 ikasleren lankidetza sustatuz. Irakurketa Egunak aurten martxan jarritako irakurketa plana biribildu du.
Trainerillen Bizkaiko Ligako III. eta IV. estropadak zapatu eta domekan [apirilak 25 eta 26] jokatu ziren Lekeition, Isuntza Arraun Taldearen antolakuntzapean, kadete, gazte eta absolutu mailetan hainbat kluben nagusitasunagaz.
Zapatuan [apirilak 25] Olesko Motor Fest egin zuten. Lagunarteko ibilbidea egin zuten lehenik, eta Herri Torrontegi omendu zuten amaieran.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
