Marimar Agirre artista eta ilustratzaileak ‘Emakumaliak’ erakusketa estreinatu du Mundakako Kasinoan. Emakumearen eta animalia zein natur elementuen arteko hibridazioa du ardatz, denetariko teknikak zein inspirazio artistikoak baliatuta. Hurrengo astera arte egongo da ikusgai, doan.
Irudiaren eta hitzaren bidez, komikia historia lantzeko tresna izan daiteke, baita hori belaunaldi berrietara hurbiltzeko ere. Hala, gerra aurreko hastapenetatik gaur egunera arte, komikiak historia kontatzeko eta hausnarketa kritikoa sustatzeko izan duen rola azaleratu du Mikel Begoñak, Astran. Etorkizunari begira, euskal komikigintza laguntzeko beharra plazaratu du.
Euskal kultura, tradizioa eta euskara oinarri hartuz egiten du lan egunez egun Bermeoko Alkartasuna Dantza Taldeak. Aurten, mende erdi betetzen ditu dantza talde herrikoiak, eta orain arteko bideagaz harro agertu da zuzendaritza batzordea. Dantzaz harago dagoena lehen lerroan jarriz, familia bat osatu dutela diote. Dantzaren eta herrigintzaren koordenatuetan mugituz, bidea egiten jarraitzeko asmoa daukate, eta erritmoak luzerako emango du oraindik.
Itsas Salbamendu Humanitarioaren ‘Aita Mari’ itsasontziak geldialdia egin du Bermeon. Herritar askok bertako kideen lana eta ontzia bera bertatik bertara ezagutzeko aukera aprobetxatu dute egunotan, Jon Garcia Andonegi boluntario bermeotarraren eskutik.
Busturialdeko Eskola Txikien Jaia ospatu dute gaur, Gautegiz Arteagan. Eskualdeko bost hezkuntza zentrotako 500 ikasle inguru elkartu dira bertan.
Elantxobeko portuko Tinglaupean ikusgai dago ‘De Bizkaia de toda la vida’ erakusketa. Jon Uriarte eta Tomas Ondarraren izenburu bereko liburua du oinarri erakusketa ibiltariak, baina Elantxobera doitutako panelak ere baditu. Interesdunek domeka bitarteko epea dute doan bisitatzeko. Ondare erakusketak, gainera, audiodun atala eta herriko interesguneak biltzen dituen ibilbidea ere baditu.
Memoria ariketa xume bezain beharrezkoa egiten ari da Herrijeri Emon Arnasa Kultura Taldea. Emakumeen Egunaren harira, Bedarona, Ea eta Natxituko Andrak talde feministarekin elkarlanean egin zuten lanketa. Asteburu honetan, berriz, gehiago sakonduko dute, hitzaldi, berbaldi eta erakusketaren bidez.
Euskal Herriaren presentzia nazioartean sendotuz, Euskal Selekzioak ardi mozteko Munduko Txapelketan parte hartu du. Joseba Attard bedarutarra izan da taldeburua, eta berak esan bezala, "hasieratik esperientzia berezia" izan da eurentzat.
'Egin nirekin ere euskaraz!' kanpaina egiten ari da Udalerri Euskaldunen Mankomunitatea hirugarren urtez.
Erretiroa hartzeagaz batera margolanak egiteko interesa piztu zitzaion Nekane Mendez Ormaetxea sukarrietarrari. Geroztik gelditu barik margotzen ibili da eta abuztuaren 31ra arte [domeka], 21 margolanez osatutako erakusketa du ikusgai Sukarrietako jubilatuen lokalean.
Sergi Reboredi bidaien kazetaritzan espezializatutako kazetari grafikoaren 'Antropozeno: izotz-urtze polarra' ikusgai dago Busturiko Ekoetxea Urdaibai zentroan.
Ballena Blanca ingurumen aldizkariak sortutako ‘Klima aldaketak ez du graziarik’, erakusketa ikusgai dago Busturiko Ekoetxea Urdaibai ingurumen-zentroan. Umorista grafikoek egindako hamabost binetak osatzen dute klima aldaketaren inguruan gizartearen inplikazioa areagotzea helburu duen bineta bilduma.
Euskal Herriko paisaia ikusgarriak, agerian daudenak eta ezkutuan egon nahi dutenak bildu ditu Paul Etxebarrietak, Road Bidea proiektuan. Orrialde honetan zentzumenak pizten dituzten argazki horietako batzuk bildu ditu HITZAk.
Urdaibaiko Biosfera Erreserbaren bihotzean kokatutako BBK Klima parke esperientzialak, murgiltze esperientzia eta kanpo instalazio berriekin ireki ditu ateak, hirugarren urtez jarraian. Dibertimenduaren eta hezkuntzaren bidez, ohituren eraldaketa bultzatzea du asmo, krisi honi aurre egiteko.
Itsas Garapen Elkarteak ireki du arrantza sektorea dibertsifikatzeko eta ekonomia urdina bultzatzeko proiektuak aurkezteko epea. Ekintzaileek abuztuaren 2a arteko epea dute, beraien egitasmoak aurkezteko.
Ibai-ekosistema ezagutu eta horretan ematen diren aldaketek izan dezaketen eragina aztertzea du helburu maiatzaren 22ra arte Busturiko Kultur Etxean ikusgai dagoen Aztertu programaren ‘Ibaialde’ erakusketak
Hiru urte bete ditu arreta pertsonalizatua eta integrala eskaintzen duen Zure Alde kooperatibak. Zaintzaren munduan gauzak desberdin egiteko asmoarekin jaio ziren.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
