Eusko Jaurlaritzak 75.000 euro bideratuko ditu hiru baserri-eskolen instalazioak hobetzeko. Dirulaguntzaren onuradunak, besteak beste, Gautegiz Arteagako Baratze eta Ajangizko Lurraska izango dira.
Jabi Elortegi bermeotar zuzendariaren 'Gatibu, agur esan barik' dokumentala estreinatuko dute domekan, Donostiako Zinemaldian.
Bihar arratsaldean (irailak 18), beste herri batzuetan garatutako esperientziak ezagutuko dituzte, eta, horrez gain, Beatriz Egizabalek Gregoria bakarrizketa eskainiko du.
Bizikletaren Astea ate joka dago. Domeka honetatik hurrengora bitartean, denetariko jarduerak egingo dituzte eskualdean, txirrindua ardatz dela. Gernika-Lumo eta Muxika lotzeko bidegorria beharrezkoa dela aldarrikatuko dute etzi [irailak 19], Kurtzero auzoan. Autorik Gabeko Nazioarteko Egunez, martitzenean [irailak 22], eskolara zein lanpostuetara bizikletaz joateko deialdia egin dute.
Santa Eufemia egunez, tradizioa eta jai giroa nahastu dituzte bermeotarrek, euriari aurre eginez. Lamerako azokak, musikak eta bertsoek girotu dute goiza; arratsaldean, kirolak eta Xixiliren Doluzko ibilbideak ekarriko dute jaiaren amaiera.
Jai Alai Leagueko Lauko Finaleko lehen finalerdiak jokatu dira Donostiako Karmelo Balda pilotalekuan, eta sailkapeneko lehen bi bikoteek lortu dute finalerako txartela. Barandika-Basque eta Elaia-Arai bikoteek irailaren 28ko final handian izango dute hitzordua.
Ekarpen ekonomikoak biltzen egongo dira Santa Eufemia egunean, 10:00etatik 14:00etara bitartean, Taraskan eta Lameran.
Uda amaieragaz batera, Eusko Label ligaren amaiera ere ate joka dago. Horren erakusle izaten da urtez urte Bermeoko Banderaren lehia. Zapatuan [irailak 19] arraunaren epizentro bihurtuko da udalerria, "erreferente" bihurtu den egunaz gozatzeko. Gaur aurkeztu dute bandera, Arrantzaleen Museoan.
Arraun Lagunakek bere bosgarren Kontxako Bandera lortu zuen atzo. Oriok orain arteko nagusitasuna berretsi eta 131. Kontxako Bandera astindu zuen Donostian. Bermeo-Urdaibaik laugarren postua eskuratu zuen.
Zerbitzua astelehenean [irailak 21] jarriko dute martxan eta lanegunetan lau irteera izango ditu noranzko bakoitzean. Irteera gehigarri bat izango du Gernika eta ospitalea bitartean.
Eusko Jaurlaritzak 2,1 milioi euro bideratuko ditu Bizkai, Araba eta Gipuzkoako arrantza-eremuen "garapen jasangarrira". 17 udalerritan aplikatuko da estrategia, besteak beste, Bermeon, Mundakan eta Elantxoben.
Urriaren 5a [astelehena] izango da abenduaren 4tik 8ra bitartean egingo den Durangoko Azokaren guneetako programazioan parte hartzeko proposamenak aurkezteko epemuga. DA!PRO, Zu Non, Han DA! eta Ikasle Goiza egitasmoek ere zabalik dute izen ematea.
Eskualdeko Haritz eta Itsaso eta Bypasseu taldeek Bizkaiko Taldekakoaren finalaurrekoak lehiatu zituzten zapatuan [irailak 12] Zornotzan, baina ez zuten finalera sailkatzerik izan. Durangaldeko Lirio Loreak eta DuranGALDUEK izan ziren finalean.
Hamaika helburugaz heltzen dira ikasleak Gernika-Lumoko Aita Villasante Udal Euskaltegira eta, denen beharrak asetzeko, 2026/2027 ikasturtean ere, A0-tik eta C2 mailara arteko eskolak eskainiko dituzte. Matrikula irailaren 25a bitartean egin daiteke.
Proposamenak aurkezteko azken eguna irailaren 21a [astelehena] izango da. Sortzaile berriek banaka zein taldeka parte hartu ahal izango dute.
Obren helburua kontrol eta segurtasun sistemak gaurkotzea da, eta hamasei hilabeteko epea aurreikusi dute horretarako, 5,1 milioi euroko aurrekontuagaz.
Bizkaiko Bertsozaleon Egunaren barruan, Bizkaiko Taldekakoaren finalaurrekoak eta finala jokatuko dituzte zapatuan, Zornotzan. Busturialdeko Haritz eta Itsaso eta Bypasseu taldeak sailkatu dira finalaurrekoetara.
ETEek azaroaren 2ra eta 23ra arte eska ditzakete Adimen Artifizialaren eta Zibersegurtasun Industrialaren programetako dirulaguntzak, hurrenez hurren. Jaurlaritzak 28 milioi eurora igo du ETEentzako eraldaketa programa horien aurrekontua: 14 milioi euro bakoitzarentzat.
Bermeoko Andra Mari eta Santa Eufemia jaietako ohiko hitzorduari eutsiko diote aurten ere: playback txapelketa. Aurten, hilaren 15ean egingo dute, eta izena emateko epea zabalik egongo da irailaren 7ra (astelehena) arte.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
