
Pintxopote ekimena hasiko dute barriz zapatuan Gernika-Lumoko 12 tabernak. Ekimenari jarraiki, zapaturo potea eta pintxoa euro batean hartzeko aukera izango dute herritarrek 20:00etatik 22:00etara. Aurten, gainera, 00:00etatik 01:00era potea euroan hartu ahal izango dute.

Gernika-Lumoko XXVIII. Milla Herrikoia jokatuko dute zapatuan, 16:00etan hasita. Urtero lez, gazteek zein nagusiek parte hartu ahal izango dute lasterketa horretan. Dagoeneko ikastetxeetako ikasleek eman dute izena lasterketan parte hartzeko; guztira, hain zuzen, 544 ikaslek. Merkurio iturritik abiatuko dira parte hartzaileak; lehenengo aurrebenjamin mutilak irtengo dira, eta, horien ostean aterako dira hurrengo kategorietakoak. Guztira, sei kategoriatan banatuta egingo dute lasterka korrikalariek. Umeak eta gaztetxoek bost mailatan banatuta parte hartuko dute: aurrebenjaminetan, benjaminetan, alebinetan, infantiletan eta kadeteetan. Horiek guztiek 40 txandatan egingo dute lasterka eta txanda bakoitzetik hurrengora hiru minutuko aldea izango dute. Txikoetxenek bukatzerakoan, nagusien txanda izango da. Horiek, bestalde, maila bakarrean lehiatuko dira; gizonezkoak eta emakumezkoak batera. Ikastetxeen bitartez izena emon ez duten korrikalariek zapatuan bertan eman ahalko dute izena; 14:30etik 16:00etara, Merkurio iturriaren parean. Proba bukatutakoan, lasterkari guztiek domina hartuko dutela azaldu dute Gernika-Lumoko Kirol Patronatukoek. Bestalde, ez dela sailkapenik egongo be esan dute. Mailak Umeak Aurrebenjaminak. 2005 eta 2006 urteetan jaiotakoak. 300 metro egin beharko dituzte. Benjaminak. 2003 eta 2004 urteetan jaiotakoak. 400 metro egin beharko dituzte. Alebinak. 2001 eta 2002 urteetan jaiotakoak. 500 metro egin beharko dituzte. Infantilak. 1999 eta 2000 urteetan jaiotakoak. 900 metro egin beharko dituzte. Kadeteak. 1997 eta 1998 urteetan jaiotakoak. 1560 metro [...]

Sukarrietako Udalak herriko frontoia birmoldatzeko proiektuaren lehenengo faseko lanak abiaraziko ditu. Eguaztenean egin zuten osoko bilkuran onartu zuten horiek martxan ipintzea. Insatalazioa barrizteaz gain, euskal kulturara egokitutako itxura emongo...

Urtarrilaren 12an Bilbon egingo duten manifestazioari begira, kultur arloko ekimen bereziak antolatu ditu Herrira mugimenduak. Lau ekimen berezi egingo dituzte, eta horietako lehena Gernika-Lumon egingo dute, azaroaren 18an. 18:00etatik aurrera, eta Go...

Mundakako Udalak etxeetan erabilitako olioaren birziklapena bultzatzeko kanpaina abiarazi du gaur bertan. Sentsibilizazio eta kontzientziazio kanpaina dela adierazi dute eta Lehen Hezkuntzako (L.H.) ikasleei zuzendutakoa da. Batu egin laranjetan lelope...

36ko gerraren aurretik eta ondoren idatzi duten euskal poeta bakanetako bat izan zen Balendin Aurre Apraiz. 1912ko azaroaren 3an jaioa, mende bat bete zen joan den zapatuan Ajangizko Mendieta-Agerre baserriko semea sortu zenetik. 2007ko apirilaren 7an hil zen, euskal kulturari ekarpen handia egin ondoren. Ekin astekarian jarduen zuen gerra aurretik, bere sorterriko albisteak jorratuz. Gudari izan zen gerra sasoian, eta 1937ko ekainean zauritu egin zuten, Artxanda defendatzen ari zela. Egun batzuk geroago, zaurietatik sendatzen ari zela, Basurtuko ospitalean atxilotu zuten faxistek. Une latzak ziren kartzelakoak, eta olerkiak idatziz husten zuen barrua. 1940an askatu zuten, eta baserriko lanari ekin zion, beti be, irakurtzeari eta idazteari erabat utzi gabe. Euzkadin, Euzko Gogoan eta beste hainbat aldizkaritan argitaratu zituen bere olerkiak, eta 50eko hamarkadan Olerti eta Karmel aldizkarietara hurreratu zen. 1958an Venezuelara joan zen, eta 1964an itzuli zen Euskal Herrira. Urte horietan Errimiña poema sorta eta Ekaitza poema idatzi zituen, Rabindranath Tagoreren Txitra eta Txori galduak euskaratzeaz gain. Olerkaria izan arren, prosan ere hainbat lan egin zituen. Hasieran ezizen asko erabili zituen Aurre Apraizek bere olerkiak aldizkarietan argitaratzeko: Mendi-bide, Agerreko Balendin, Balendin Agerreko, Aurraitz… Azkeneko hori hobetsi zuen gerora. Olerti eta Karmel aldizkarien inguruko karmeldarren eta gainerako idazle batzuen adiskide min egin zen [...]

Duela zenbait urte hasitako lanari jarraipena emate aldera, Bizkaiko Foru Aldundiak eta Ereñoko Udalak Ereñozar mendiko gazteluaren indusketaren ikerketa zientifikoa egiteko hitzarmen bat sinatu dute. Zehaztu dutenez, izenpetutakoari esker, «eraikun...

Errenteriatik Ajangizerako bidegurutzean segurtasuna hobetu gura du Gernika-Lumoko udalak, eta inguru horretan ibilgailuak astiroago joateko neurriak hartu gura ditu. Hala, inguru horretan hobekuntzak egiteko baimena eskatu dio Bizkaiko Foru Aldundiari, eta erantzunaren zain dira oraindik. Proiektua, baina, oraindik zehaztu barik du udalak, “erantzuna jasotzen dugunean pentsatuko dugu hobekuntza horiek nola egin daitezkeen”, zehaztu du Jose Mari Gorroño alkateak. Errenteriako gurutzea be lekuz aldatu gura du udalak: “Konponduta dagoenean, gorago ipini gura dugu”; hala, ondasun hori babestuago egongo dela uste du Gorroñok. Gaur gaurkoz, joan den urtean kamioi batek aurretik eroan zuen gurutze historiko hori konpontzen eta berreskuratzen ari dira, eta urtarril amaierarako berreskuratuta egotea espero du udalak. Gurutzearen aurrekontua 36.203,23 eurokoa dela esan du Gorroñok; “aseguru etxeak ordaindu beharrekoa be jaso du udalak”.

Gernika-Lumoko Ezker Abertzaleak beste herri asanblada bat egingo du. Eguenean izango da hori, azaroaren 8an, 19:00etatik aurerra, Harizpe txokoan. Bertan, hauteskundeen balorazioa eta Sorturen eratze prozesua izango dituzte aztergai.

Bosgarren Halloween Metal Fest jaialdiak emon duenarekin «izugarri pozik» geratu dira Spookypheria Productions elkarteko kideak. «Ziurrenik, aurtengoa kalitate zein kantitate aldetik onenetarikoa izan da», azaldu dute. Bermeoko Kafe Antzokia bete e...



Beste urtebetez, Busturian kokatuta dagoen Euskadiko Biodibertsitate Zentroa-Madariaga Dorretxeak bilketa solidarioa egingo du azaroaren 17tik aurrera, erabilitako jostailu eta erropak eta galtzen ez diren elikagaiak batzeko. 2013ko urtarrilaren 2ra ar...


Bilbao Exhibition Centerren (BEC) egunotan egiten ari den Turismo Enogastronomikoaren I. Kongresuan parte hartzen ari diren zenbait lagun Bermeon izan dira bisitan gaur. Zenbait kontserba enpresa eta arrantzaleen kofradia bisitatu dituzte, besteak best...

Astra koordinadorak 2km parte hartze prozesuaren asanblea egingo du zapatuan, azaroaren 10ean. 17:00etan ipini du hitzordua, Astra kulturarako fabrika sozialean bertan, eta parte hartzeko deialdia egin du. Besteak beste, bitartekariaren aukeraketaz ari...


Gabonak ailegatzeko hilabete baino gehiago falta arren, Kortezubiko ume eta gaztetxoak dagoeneko hasiak dira postalak egiten, udalak antolatutako Gabonetako postal lehiaketari begira. Hain zuzen be, Kortezubiko 3 eta 12 urte bitartekoek izango dute auk...

Astra kulturarako fabrika sozialaren inaugurazioa antolatzeko bidean, batzarra egingo dute gaur, arma lantegia izandakoan bertan. 19:30ean ipini dute hitzordua, eta parte hartzeko deia egin dute. Azaldu dutenez, inaugurazioaren inguruko egitaraua edo...