Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


EH Bilduk nahi du udalak argitzea erromesek ordaintzen duten dirua nora doan


Enpresarekin zorra nola kitatu negoziatu behar dutela esan du alkateak

Antartikako 100 kilometroko maratoian hirugarren postua lortu du Julen Urdaibai bermeotarrak. 13.08.56ko denboragaz amaitu zuen lasterketa, zero azpiko 16 graduko tenperaturarekin. Marc De Keyser belgiarrak irabazi zuen lasterketa (12.06.51), eta Hirof...

Calzada zaharren egoitzako jai handia aprobetxatuz, urriko azken asteleheneko gaztaren enkantean ateratako dirua eman diote sor Visi egoitza horretako arduradunari. Domeka eguerdian jaso zituen txekeak, Kamiñoko jatetxearen eta Xaiborren eskutik. Hai...

Maria Zorrozuak, Irati Etxebarriak eta Maite Izagirrek irabazi dute Gernika-Lumoko Beldur Barik lehiaketa. Eneritz Artetxe aktoreak gidatuta, gaur eguerdian egin dute sari banaketa, jendez gainezka zegoen Elai Alai aretoan. Irabazleek Iñaki Gorroño zinegotziaren eskutik jaso dute 250 eurook saria. Aurten lau bideo aurkeztu dituzte herriko gazteek, eta Artetxek azaldu duenez, epaimahaiari asko kosta zaio irabazle bat aukeratzea. Lan guztiak kalitate handikoak izan direla nabarmendu dute epaileek. Artetxeren berbetan, Beldur Barik lehiaketaren mamia hoberen adierazten duen bideoa izan da Milaka bide berdintasun batera iristeko. Hala, emakumeenganako indarkeriaren kontrako egunaren harira antolatutako lehiaketa irabazi dute Gernika-Lumoko BHI institutuko ikasleek. Gizarteak emakumeekiko duen kritikatu du Gernika-Lumoko aktoreak, aurkezpen labur baten. Barby panpin bat eskuan hartuta, emakumeen askatsun falta salatu du, ironia erabiliz.

Azken hilabeteetako lanaren ostean, bosgarren diskoa kaleratuko du Gatibuk aurki. Gaur gaoizean, baina, horren aurrerapentxo batez gozatzeko aukera izan dute gernikarrek; izan be, disko horretako aurrerapen kantaren –Bixotza suten–bideoklipa grabat...

VRAC bigarren sailkatuaren kontra jokatuko du Bizkaia Gernikak ligako zazpigarren jardunaldia. Basurdeak sailkapenaren buruan daude, baina VRAC talde gaztelarrari irabazita, aldea gehiago handituko lukete. Espainiarrek ez dute partidarik galdu denboral...

Bermeon Erabaki parte hartze prozesuaren ikasturte barria abiaraziko dutela azaldu dute prentsaurreko batean Idurre Bideguren Bermeoko alkateak eta Juan Karlos Agirre Partaidetza Saileko zinegotziak. Lau lan taldek jarraituko dutela jakinarazi dute, eta oraingoan, «bizikidetza-araudia landuko eta eztabaidatuko da, pertsona ezinduentzako bizi kalitatea hobetzeko proposamenak egingo dira, turismoa nola bultza daitekeen eztabaidatu eta kirola sustatzeko egin daitezkeen jarduerei buruz» ariko direla zehaztu dute. Bermeoko etorkizuna «guztion artean» landu gura dutelako herritarrak parte hartze prozesuan parte hartzera gonbidatu gura dituzte, «zure kolorea ekartzea» garrantzitsua delako, adierazi du Partaidetza saileko zinegotziak, «emakumeak, gizonak, nagusiak, etorkinak…denon iritziak onak dira. Baina batez be, gazteei dei egiten diegu beraien kezkak eta iritziak benetan garrantzitsuak direlako». Aurreko ikasturtean 80 herritar inguruk parte hartu zutela azaldu dute, ikasturte barriari begira, horiek jarraitzea espero dutela iragarri dute, «baina orain arte parte hartu ez duten herritarrak animatzea be» espero dutela esan dute. Lan taldeak Orain arte aritu diren lau lan taldek elkartzen jarraituko dute: kultura eta nortasuna, ekonomia eta lan mundua, ingurumena eta giza garapena. Giza garapena lantzen duen lan taldea izango da lehena batzen, azaroaren 28an izango baitute lehenengo batzarra. Horretan, pertsona ezinduak dituzten zailtasunak gainditzen laguntzeko proposamenak landuko dituzte. Azaroaren 30ean, barriz, turismoa landuko dute Ekonomia eta Lan [...]

Naia Mandaluniz gernikarra taldekide duen Naica taldea ikusteko aukera egongo da bihar gauean Bermeoko Kafe Antzokian. Boskotearen musikak ez ezik, Mursegoren freskotasunez beteriko doinuek girotuko dute aretoa, 23:00etatik aurrera. Carlos Noain hondar...

Cesar Carmona gernikarrari gurpildun aulki berri bat erosteko kanpainagaz lotuta, Xaiborrek eta Eroskik elikagaien bilketa ipiniko dute abian. Bihar eta etzi egongo da Carmonaren alde elikagaiak emateko aukera, Maxi Eroski supermerkatuan, Txaporta auzo...

Santa Katalina santuaren eguna ospatuko dute asteburuan mundakarrek. Barikuan surfa gaitzat duten filmak ikusteko aukera izango dute bai nagusiek zein umeek eta zapaturako eta domekarako hainbat dira antolatutako jarduerak. Barikuan, 19:00etan hasiko da surf filmen emonaldia. Lehenik eta behin, umeentzako saioa izango da, Locos por el Surf eta Bob Esponja y la ola gigante ikusteko aukera izango dute. Ondoren, nagusiek, 20:30ean, 2012ko urrian izandako surf biltzar lokala ikusi ahalko dute. Zapatuan goiz goizetik martxan hasiko dira sukaldari asko; izan be, XXVIII. bakailao pil-pilean txapelketa 10:00etan hasiko da. Parte hartu ahal izateko aurretiaz izena emon behar zen, eta hain zuzen be, 12 lagunek emon dutela azaldu dute Mundakako Turismo Bulegoan. 13:00etan, bakailoak prest egon beharko du ordu horretan aurkeztu beharko baitituzte kazolak. Dastaketa egin ondoren egingo dute sari banaketa ekitaldia. 20:00etan Zarata non nahi Pasakale ohiturazkoa egingo dute Plazuelatik. 21:30ean, barriz, Casus Belli musika talde mundakarraren kontzertuaz gozatzeko aukera izango dute bertaratutakoek. Gainera, egunean zehar Mundakako Surf Taldeak, taldearen XXV. urteurrena ospatzeko ekitaldi desberdinak antolatuko dituela jakinarazi dute. Domekan, santuaren eguna 10:30ean emongo diote hasiera Santa Katalina egunari bolanderekin eta altzaferoekin. 12:00etan, Mesa Nagusia egongo da Santa Katalina baselizan eta bertan bilduko baita urtero legez udalbatza. Jarraian, Gazte Zar Dantza Taldeak [...]