Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Bosgarren edukiontzia jarriko du herritarren eskura




Ariatza auzoko kantu afarian parte hartu gura dutenek, txartelak erosteko aukera dute dagoeneko. Garriko Bertso Eskolatik azaldu dutenez hiru modu egongo dira txartelak erosteko.
Alde batetik Atxelipe Elkartean edo Auzokoa Tabernan lortu daitezke sarrerak. Bestetik, 649.338.747 telefono zenbakira deituz emon …

Hainbat mendizale batu ziren joan den barikuan, Alex Txikonek emon zuen hitzadia entzuteko gogotsu. Saragia Kultur Alkarteak antolatuta, Ariatzako eskola zaharrean emon zuen hitzaldia lemoarrak. Gasherbrum I-era neguan igotzeko lehen saiakeran parte hartu zuen, eta han bizitakoaren berri emongo zuen Muxikan.

Berbalagunek mendi irteera antolatu du zapaturako. Irteeran parte hartzen duten mendizaleek hamalau kilometroko ibilbideari egingo diote aurre. Berbalagunkideek Gernika-Lumon hasiko dute ibilaldia, Errigoitirantz joanez. Errigoitiko zenbait auzo bisitatu ostean, bestalde, Gernika-Lumora bajatuko dira barriro. AEK edo Udal Euskaltegian emon beharko dute izena interesatuek. 09:00etan hasiko da mendi irteera.

Errigoiti Arrieta Garbi plataformak hiru urte beteko ditu egunotan. Hala, data berezia gogorratzeko, lagunarteko afaria antolatu dute plataformako kideek, zapaturako. Afaria Morgako Poli Jatetxean egingo dute, eta jatetxean bertan emon behar dute izena interesatuek. Hain zuzen, barikua izango da izena emoteko azken eguna. Afaria 22:00etan hasiko da,baina aurretik, poteoa egingo dute bildutakoek.

Urtero egin moduan, Eusko Alderdi Jeltzaleak (EAJ) Sabino Aranari omenaldia egingo dio Sukarrietako kanposantuan. Aurtengoa, Arana hil zeneko 109. urteurreneko ekitaldia izango da eta domekan egingo dute, hain zuzen be. 10:10ean Sukarrietako kanposantu...

Gastronomian adituak diren hamabost kazetari inguru Bermeon izan ziren joan den zapatuan. Herria bisitatzeko aukera izan zuten baina batez be, Bermeoko produktuak eta beraien balio gastronomikoa ezagutzeko helburuarekin egin zuten bisita. Zallo kontserberan izan ziren. Eusko Jaurlaritzak sustatutako Euskadi Gastronomiak(Turismo enogastronomikoaren elkarteak) arlo horretan adituak diren kazetariekin bidai bat antolatu zuen Euskadiko gastronomia ezagutarazi asmoz. Horrela izanik, bidaia horretan Bermeo izan zuten geldialdietako bat. Bermeoko produktuak eta horien elaborazioa ezagutzera hurbildu ziren. Bidai horren baitan, Bilbo, Donostia eta Tolosa be bisitatu dituzte. Gutxi gorabehera hamabost kazetari aditu izan ziren Bermeon. Herriak itsasoarekin duen lotura azaldu eta Bermeon dauden bederatzi kontserba enpresek egiten duten produktuen kalitatearen barri be emon zitzaien. Azaldutakoaren arabera, «Bermeoko produktuak turismo enogastronomikoaren esparruan garrantzi handikoak dira. Horretarako, beraiek duten balio erantsia azaltzea ezinbestekoa da; arrainak arrantzen diren momentutik eta platerera heldu arte egiten den prozesua ezagutara emonaz». Bisitariek, hortaz, Zallo kontserbera bisitatzeko aukera izan zuten. Bisita horretan Idurre Bideguren, Bermeoko alkateak, eta Udal Turismo bulegoko teknikariek be parte hartu zuten. Hegaluzearen zein bokartaren elaborazio prozesuaren barri emon zitzaien batetik, eta bestetik, produktu desbardinak dastatzeko aukera izan zuten, bokartak gatzetan edo ozpin-oliotan edo hegaluzea, besteak beste. Zallo enpresa bisitatu ondoren, kazetariek Bermeoko Tala eta portua ezagutzeko aukera be [...]

Busturialdeak dagoeneko badu elikagai banku bat. Horri esker, Busturialdeko bizilagun diren 28 familiak galtzen ez diren hainbat elikagai jasotzeko aukera izan zuten joan den astean. Guztira, 1.222 kilo elikagai banatu zituzten beharrizana duten 28 fam...

Joan den asteburuan, Bizkaia Gernikak aurreratutako liga jardunaldia irabazi zuen, Complutense Cisneros talde madrildarraren kontra. Bertokoek Amlin Challenge txapelketaren harira aurreratu behar izan zuten liga jardunaldia, eta ez zuten hutsik egin. J...

Gaur goizean ekarri dute Mundakako etxera Egoitz Koto Etxeandia preso politikoa. Aita izan da Koto, eta alaba ezagutzeko ekarri dute herrira. Bi orduz izan dute presoa etxean, bere senideekin. Granadako (Espainia) Albolote kartzelan dute preso Egoitz K...