Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.



Gernikako suhiltzaileen parkea 1970. urtean eraiki zuten

Arrain Azoka dela eta, 41 tabernek erabili ahalko dute zerbitzua

Bildu izango da Gernika-Lumoko udalean datozen lau urteetan, eta Jose Mari Gorroño izango da alkatea. Bigarren agintaldia izango du Gorroñok alkate legez. Hautagai bakarra izan da alkatetzarako, EAJk bere hautagaiari uko egin diolako. Botoa emoterakoan abstenitu egin dira alderdi horretako zinegotziak. Aldaketa garaian herritarrek indar berezia dutela azaldu du Bilduren bozeramale Begoña Landak, “eta pozez eta ardura osoz hartuko dugu mandatua”. Bildu aldaketaren giltza izango dela esan du, “aldaketa politikoarena, sozialarena eta instituzionalarena”. Hitzetatik ekintzetara pasatzeko garaia dela esan du Landak. Eta erronka egoera demokratikoa lortzea izango dela aipatu du, “guztion eskubide zibilak eta politikoak onartzeko lan egingo du udal honek”. Hala, indarkeria oro desagertu behar dela aipatu du Bilduk, “mehatxuak, presioak, jazarpenak, atxiloketak, torturak…” eta ilegalizazioekin amaitzeko be eskatu du. Gainera, preso politikoen egoerari irtenbidea emon behar zaiola aipatu du Bilduk, “eta biktimei oro har”. Udala eraldatu Aukera historikoa du Bilduk, eta hori bururaino eramateko prest agertu da. “Udala eraldatzea, proiektu abertzalea, ezkertiarra eta soberanista garatuz, herritarren parte-hartzeagaz eta egun bizi dugun krisi ekonomikoa kontuan hartuta, kaltetuenen eta behartsuenen mesedetan arituz”. Herrian txertatutako Udala gura du Bilduk, “herritar aktiboak gura ditugu”. Jose Mari Gorroño alkateak, bere aldetik, danontzako gobernua egiteko konpromisoa hartu du, inor baztertu barik, “udal parte-hartzailea eta [...]

Goizean goiz egin dute Nabarnizen kargu hartze ekitaldia. 10:00etan zuten hitzordua, eta ordu hori pixka bat gaindituta eratu dute adineko mahaia. Behin hori eginda, bozketari ekin diote, hautetsi guztiek –EAJkoak barne– emonaz Lorena Zubizarretare...

Zehaztu gabe zegoen Busturialdeko alkatetza bakarra Bildu koalizioarentzat izango da. Iñaki Markuerkiaga Muxika Garbiko zinegotziak Bilduren aldeko botoa emon ostean, EAJk Muxikako gidaritza galdu du, eta alkate barria Aitor Goldaraz izango da. Kargu-hartze ekitaldian, Bilduk aldeko bost boto izan ditu eta EAJk, barriz, aldeko lau boto. Muxikako udalbatzan hainbat pertsona batu dira eta txalo artean emon diote ongi etorria Goldarazi. Alkate barriak kargua hartu ostean azaldu duenez, “bide luzea izan da, baina azkenean lortu dugu”. Hauteskunde garaia hasi zenetik, “hainbat arazo” izan dituzte eta “ibilbide gogor bati” egin diote aurre alkatetza lortzeko. Horregatik, pozik azaldu da alkatetza Bilduren esku dagoelako. Goldarazen ustez, iraganeko akatsak alde batera utzita, “elkarlanaren bidea” hartu behar du udalbatzak herriaren mesedetan lan egiteko. “Bertan gaudenok eta bertan ez daudenak herriak dituen arazoak konpondu behar ditugu” nabarmendu du gainontzekoei berba egiteko aukera emon aurretik. Alkate barriak amaitu duenean, Markuerkiagak hartu du hitza. Goldaraz zoriondu ostean azaldu duenez, “legegintzaldi barri honetan, azken lau urteetako arazoak ahaztu behar dira bide barri bat zabaltzeko”. Amaitzeko, osoko bilkura aretoan zegoen herritar batek hartu du hitza. Datorren urtean, Josune Onaindia Muxikako euskal preso politikoak kartzela utziko duela gogoratu du. “Lau urte barru bat gehiago izango gara herrian” nabarmendu du. Muxikako udalbatza barria [...]

Bizkaiko Probintzia Auzitegiko fiskalak bi urteko kartzela zigorra eta lau urteko inabilitazioa eskatu du Iñaki Madariaga Errigoitiko alkatearentzat. Fiskaltzak, epaiketa zabaltzea eskatu du, alkateak Errigoiti Arrieta Garbi plataformako kide bat kotxeagaz kolpatu zuelako iazko Bilbao Bilbao martxa zikloturista Olabarritik pasatzen zenean. Bestalde, kolpea hartu zuen plataformako kidearentzat be, 150 euroko isuna eta 624 euroko kalteak ordaintzea eskatu du fiskalak, alkatearen kotxea taket bategaz jotzeagatik. Joaquin Iragorri plataformako kideak azaldu duenez, “pozik” daude fiskaltzaren erabakia “ona” izan delako. “Errigoitiko alkatearen benetako aurpegia zein den erakusten ari gara” nabarmendu du. Plataformakoen ustez, “Madariagak gura duena egin du legearen betearazpena kontuan izan barik”. Hala, “pozarren” daude alkatea “justiziaren begiradapean” dagoelako. Ez dute ulertzen nolatan alkateak arau guztiak gainetik pasatzen dituen, herritar arruntek legea betetzeko obligazioa dutenean. Iragorrik azaldu duenez, “badirudi aurrerapausoak emoten jarraitzen dugula”. Borroka baketsuaren bitartez, biomasa zentralaren “proiektua geratzea” ahalbidetu dezaketela uste du. Kontrakoa gertatuko balitz, bestalde, kolpe gogorra izango litzateke plataformakoentzat. Izan be, “mila eta bat lege-hauste aurkitu ostean, justiziak gure eskaerak aintzat ez hartzea latza izango lizateke” dio. Industriguneko lanak geldi Errigoitiko alkatearen eta plataformakoen arteko auziak aurrea jarraitzen duen bitartean, Malluki industriguneko lanak geldirik daude. Iragorrik dioenez, “Madariagak hainbat aldiz esan du obrak maiatzean hasi behar zituztela, baina [...]

Domekan Mugari Bira mendi irteera egingo dute ajangiztarrek, laugarren urtez antolatu baitute herriko mugak ezagutzeko ibilaldia. Aurten, gainera, barritasun bategaz dator mendi irteera, parte-hartzaileek ez dute-eta asfaltoa zapalduko. Izan be, ibilbi...

Herritarrek herritarrentzako egindakoa. Horrelakoa da lehenengoz duela hamar urte egindako Natxituko Txakolin eguna, Angelutxun mahasti txiki bat dela-eta «jendea batzea eta domeka eguerdi alai bat antolatzea» bururatu baitzitzaien orduko hartan Natx...


Errigoitiko alkate Iñaki Madariagaren aurka epiategian salaketa jartzearen aukera aztertzen ari da Errigoitiko Bildu. Izan be, huateskunde egunean zenbait irregulartasun ikusi eta salatu zituzten, Madariagaren aurkakoak. Besteak beste, herritarren botoan eragin zuela diote Bilduko kideek. «Kanpoan ginela autoan heldu zen, eta edadeko andra bati botoa eskura zelan emoten zion ikusi genuen»,azaldu du Bildu. Bertan zen ertzain batek be hori bera ikusi zuela eta deklaratzeko prest zegoela azaldu zien Bilduko kideei. Gertaera hori aktan jasotzeko eskatu zuten koaliziokoek. Ordubetera be antzeko zerbaait ikusi zutela azaldu dute. «Botoaren itxura eta tamaina zuen gauza zuri bat emon zzion alkateak andra bati. Madariagak dio ez zela botoa izan, baina hori be aktan jasotzeko eskatu genuen». Errolda inpugnatu Hauteskunde egunean aktan jasotako irregulartasunak argudiatuz, Errigoitin egindako udal hauteskundeak inpugnatu zituen Bilduk astelehenean. Hauteskunde egunean grabatutako bideo bat be aurkeztu zuen Bilduk epaitegian. «Halanda be, gure salaketak ez du aurrera egin eta hauteskundeak ontzat emon dituzte». Era berean, hauteskunde-errolda be inpugnatu egin zuen Bilduk, bertan «susmagarriak» ziruditen zenbait errolda zeudelako. «Herrian bizi ez den jendea agertzen zen erroldatuta; horietako batzuk, gainera, debora gutxitik hona erroldatutakoak». Guztira 22 lagun zenbatu zituzten Bildukoek, «eta horietatik zortzi ziur geunden ez direla Errigoitin bizi». Hala, hauteskundeetan boto gehiago lortzeko rroldatu [...]

«Espainiak gure jabegoak konfiskatu egin ditu, giza eskubideak urratuz». Hala mintzatu zen Jon Iturribarria Europako parlamentarien aurrean, atzo. «Espainiar Estatuak Giza Eskubideak eta Etxebizitza eskubidea urratzen ditu Kosten Legeagaz». Horrega...

Emakumezko batek hartuko du hurrengo agintaldian Xabier Legarreta jeltzalearen erreleboa Bermeoko alkatetzan, 4.419 boto lortu baititu Idurre Bideguren buru duen Bilduren zerrendak. EAJk, aldiz, 3.985 boto lortu ditu 2011ko Udal eta Foru hauteskundeetan; koalizioak baino 434 gutxiago, zehazki. Horrenbestez, Bilduk Bermeon bertan egindako ekitaldi nazionalean Pello Urizarrek esandakoa bete egingo da; alegia, Madalen egunean Idurre Bidegurenek botako duela teila Izaro aurrean. Jasotako botoen arabera, bederatzi zinegotzi izango ditu Bilduk Bermeoko Udalean, EAJk bat gutxiago izango duen artean. Aralarrek, PSE-EEk eta PPk, bestalde, ez dute ordezkaritzarik izango datozen lau urteetan, 386 boto, 236 boto eta 130 boto lortu baitzituzten atzo, hurrenez hurren. Kafe Antzokian ospatu dute Bildukoek hautestontzietan lortutako garaipena. Bideguren be han izan zen, pozarren. Boto zenbaketa amaitu eta gutxira esan duenez, «Bermeoko alkate izatea ohore bat da eta hori lortzen duen lehenengo emakumea izatea, are gehiago». Bideguren oso pozik agertu da lortutako emaitzekin. Gaurko eguna «ospatzekoa» dela esan du bermeotarrak: halanda be, aurrerantzean lan gogorra egiteke dagoela be aitortu du. Lan guzti hori ondorengo lau urteetan «ahalik eta hoberen» egiten saiatu behar direla be adierazi du. «Nik uste dut herritarrengana gehiago hurbilduz gero, emaitza positiboak lortuko ditugula; hemendik lau urtera, gainera, are positiboagoak», adierazi du ondorengo lau urteetan Bermeoko [...]