Erabakitzeko garaian herritarren parte hartze aktiboa bultzatuko du Izartu Bermeok

Olaia Zabalondo

2015/05/13

Oskar Uribarri zerrendaburua asteburuko agerraldian

«Herritik eta herriarentzat sortutako» mugimendu modura aurkezten da Izartu, «gainontzeko alderdi eta sigletatik kanpo» daudela gaineratuta. Oskar Uribarri bermeotarra dute zerrendaburu, eta herritarren ongizatea eta bizi kalitatea hobetzeko helburuagaz antolatu direla dio. Izarturen ustez, udal proiektuak «herritar guztien artean» eraiki behar dira, horregatik, erabakitzeko garaian parte hartze aktiboa bultzatuko du plataforma berriak. Gai garrantzitsuetarako kontsulta lotesleen edota erreferendumen aldekoak dira. Udala da horien arabera, Bermeo berri bat eraikitzeko tresna. Hori dela eta, gardentasuna ezinbestekotzat jotzen dute. Diotenez, kontu ikuskatze independente bat egitea beharrezkoa da «benetako emaitzak ezagutzeko». Hala, udalaren kontrol «zuzena eta etengabea» lortu ahalko litzateke. Era berean, udala «interes politiko eta ekonomiko guztien gainetik egotea beharrezkoa» dela diote, «guztien eskura egon beharko luke». Erakunde sozialekin koordinatuta, pertsonen oinarrizko beharrizanak bermatzea beharrezkoa dela dio Izartuk. Gainera, etxe kaleratzeak ekiditeko, udalak banketxeen eta kaltetuen arteko konponbidean lagundu beharko lukeela azaltzen dute, eta beharrezko kasuetarako larrialdietarako etxebizitzak edukitzea ondo legokeela uste dute. Etxebizitza berriak eraiki beharrean, etxebizitza hutsei lehentasuna emateko prest agertzen dira, «%18 baitira hutsik daudenak». Turismo jasangarria eta arduratsua bultzatzen dute eta Sollubeko tunelen proiektua berreskuratzeko lan egingo lukete, «herriko isolamenduagaz amaitzeko». Euskara sustatuko du Izartuk, hala ere, «inongo diskriminaziorik barik, era positibo eta bateratzailean». Kaleko jendeak lekukoa berreskuratu behar duela eta, Bermeo berri baten alde lan egin gura duten horien guztien botoa eskatzen dute.

Erabakitzeko garaian herritarren parte hartze aktiboa bultzatuko du Izartu Bermeok

Bizkaia

Bizkaiak oso-osorik eutsi dio bere zerga erreformari, neurririk polemikoenak barne

Bilbok ondare babesa emango dio Zabalguneari proiektuaren 150. urteurrenean

Adingabeen zentroak «tentsiopean» daudela eta, Bizkaiak salbuespen egoera izendatu du berriro

Garraio publikoaren erabilerak %9 egin zuen gora iaz Bilbon

Juanjo Menak bertan behera utzi ditu Bilbon ematekoak zituen agur kontzertuak, alzheimerraren ondorioz

Diviparen Derioko lantokia itxi nahi dutela salatu du ELAk

Gizon bat espetxeratu dute, ustez hiru emakumeri sexu erasoak egiteagatik Gorlizen

Berriro ere itsasoratu da ‘Kate’, Vigo helmuga

Paperezko 21 soineko lehiatuko dira zapatuan Gueñesen

Teresa Laespada hautatu dute PSE-EEren Bizkaiko ahaldungai nagusi izateko

Rigoberta Menchu eta Shirin Ebadi Bakearen Nobel saridunak omenduko ditu Fair Saturday fundazioak Bilbon

Freedom Flotillak herritarren berotasuna jaso du Bilbon, Gazara abiatu baino lehen

Gazte bat hil da istripuz Lekeitioko antzara proba ikusten ari zela

«Erreparazio publikoa» eskatu du Agirre alkateak Getxoko jauregiaren auzirako

Epaileak behin-behinean espetxeratu du ostegunean Barakaldon gizon bat hiltzeagatik atxilotutakoa