Andra Mari eta Santa Eufemia jaietako kartel txapelketara aurkeztu dituzten 11 kartelen artean Iker Bengoetxea bermeotarraren kartela aukeratu dute aurtengo jaiak iragartzeko. Jai batzordeko kideek eta artearen munduan mugitzen diren zenbait lagunek os...
Emakumezkoen bigarren mailan mantentzeko helburua bete ostean, Gernika KESBeko arduradunak 2012-2013 denboraldiko taldea prestatzen hasi dira. Zentzu horretan, Yaiza Lazaro bilbotarra fitxatu du Gernika-Lumoko saskibaloi taldeak. Bilbotarrak 190 zentimetro dauzka altueran, eta barruko jokoan lagun dezan ekarri dute Gernika-Lumora. Gernika KESBetik jakinarazi dutenez, Lazaro taldeko jokalaririk altuena izango da. 2011-2012 denboraldian jokalari garaiak defendatzerakoan arazoak izan dituztela eta, Lazaro “fitxaketa garrantzitsua” izango dela deritzote taldeko arduradunek. Hala, barruko jokoagaz “joan den denboraldian baino gutxiago” sufritzea espero dute.
Bermeoko Eusko Alderdi Jeltzaleko (EAJ) udal taldeak Bilduk Bermeoko Udalean agertzen duen jokabide «diktatoriala eta autoritarioa» salatu du. Adierazpen horiek egin dituzte azken osoko bilkurako gai ordenan zeuden zenbait gai onartu zituztelako «aurretiaz inongo batzorde informatiboetan tratatu, aztertu eta eztabaidatu barik», adierazi dute EAJko zinegotziek. Horregatik, Bermeoko EAJk «iraingarri» ikusten du Bilduren jokabidea. Gernika-Markina Lurralde Zatikako Planari (LZP) eta Bizkaibus zerbitzua berrantolatzeko planari aurkeztutako alegazioi buruz mintzatu da EAJko udal taldea. «Gure harridura handiagoa izan da Udal Gobernu Taldeak alegazio horiek udalak martxan duen Bermeo Erabaki prozesu parte hartzailean tratatuak eta aztertuak izan direla erantzun digutenean», esan dute. Parte hartze prozesuaren alde EAJko zinegotziek argi utzi gura izan dute udal taldea parte hartze prozesuaren alde dagoela, baina Bilduk «ezin duela batzorde informatiboetan emoten den eztabaida politikoa saihestu beste foro batzuetara eroanda». Xabier Legarretak adierazi legez, «Udalean horrelako gauza bat gertatzen den lehen aldia da, izan be, orain arte gai guztiak aurretiaz landu izan dira batzordeetan». Gogorarazi dutenez, «ia 4.000 bermeotar ordezkatzen dute», eta horien esanetan, «behin eta barriz gertatzen ari den moduan, Bilduk gutxiezteko ahalegina egin du Udalean gure lana aurrera eroateko aukerak murriztuta». Udal taldea osatzen duten EAJko zinegotziek «udalean dagokien lana egiteko ahaleginetan jarraituko dutela» diote, «beti erantzukizunetik [...]
Palestina Euskal Herria Sareak Jose Mari Gorroño Gernika-Lumoko alkatearen jarrera ulertezina dela salatu dute. Jakinarazi dutenez, alkatea Alor Bar Israelgo Kanpo Arazoetarako Ministerioko zuzendari nagusi izandakoagaz batzeak “harridura eta ha...
Amaiur alderdi politiko abertzaleak Euskal gatazkaren biktima guztiak omendu ditu Gernika-Lumoko Batzar Etxean. Maite Aristegi Amaiurren diputatuak jakinarazi duenez, “hainbeste basakeria eta eskubide urraketaren lekuko izan den herrian batu gara indarkeria mota guztien biktimei errekonozimendua adieraztera”. Azaldu duenez, biktimek merezi duten kalte-ordaina da, eta horrenbestez, Amaiurrek “egia osoaren ezagutza” defendatuko du aurrerantzean be. Aristegik nabarmendu duenez, Amaiurrek argia ikusi zuen lehenengo egunetik, biktima guztiei “atsekaberik sentikorrena” adierazi die alderdiak. Hala, “oroimenean, errekonozimendua eta errespetuan oinarritutako adiskidetzaren alde” lanean jarraitzeko borondatea berretsi du Aristegik. Amaiurreko kideen ustez, “elkarrizketa eta akordioa” dira gatazkaren erabateko konponbidea lortzeko modu bakarra, eta horrenbestez, ekimen demokratikoen eta baketsuen alde pausoak emongo ditu alderdi politikoak. “Indarkeriaren eta mehatxuen kontrako gure konpromisoa adierazten dugu beste behin” esan du Aristegik. Hitzaldi labur baten, Espainaiko Kongresuak antolatutako ekitaldira ez joateko arrazoiak azaldu ditu Aristegik. Alderdiko kideen ustez, ekitaldi horrek ez du aintzat hartzen Euskal Herriak jasan duen sufrimendu guztia. Hala, biktima guztiak onartzen ez dituela eta, Madrilgo (Espainia) ekitaldira ez joatea erabaki dute. “Alderdikeriaz antolatutako ekitaldia da, eta ez du ekarpen positiborik egiten euskal gatazkaren konponbidean” salatu du Aristegik. Aristegik euskarazko testua irakurri ostean, amaiurreko ordezkariek gaztelaniaz, frantsesez eta ingelesez irakurrik zuten adierazpen bera.
Dagoeneko zenbait mihise ikus daitezke Gernika-Lumoko kaleetan zehar, eta, oraindik, zintzilikatze daude beste hainbat; guztira, 22 margolan inguru jarriko dituzte datorren astea bukatu orduko. Munduko toki ezberdinetako haurrek egindako lanak dira ikusgai dauden horiek, eta guztiak Kids’ Gernika nazioarteko bakearen aldeko proiektuaren baitako margolanak dira. Herritarrek urriaren 14ra arte izango dute horiek ikusteko aukera. Gernikako bonbardaketaren 75. urteurrenaren harira, Gernikako Bakearen Museoak, Gernika Gogoratuz Bakearen aldeko ikerketa zentroak eta Gernika-Lumoko kultur etxeak antolatu dute Kids’ Gernika delakoa, eta horren aurkezpena egiteko batu dira gaur Gernika-Lumoko Elai Alai aretoan, Jose Mari Gorroño herriko alkatea, Ricardo Abaunza Gernika-Lumoko kultur etxeko zuzendaria, Iratxe Momoitio Bakearen Museoko zuzendaria, Maria Oianguren Gernika Gogoratuzeko zuzendaria eta Boris Tissot Kids Gernika Internationaleko kidea. Kids’ Gernika nazioarteko bakearen aldeko arte proiektua 1995. urtean sortu zuten Japoniako Toshifumi Abek Tadashi Yasudak eta Kaoru Mizuguchik eta AEBtako Tom Andersonek, Hiroshimako bonbaren 50. urteurrena gogoratze asmoz. Lan gehienak Picassoren Gernika margolanaren tamaina berekoak dira; alegia, 3,50×7,80 tamainakoak. Izan be, Tissotek azaldu duenez, «Picassoren Gernikari erantzuna emoteko sortutako proiektua da». Gorroñoren berbetan, «mundu osoko umeen eta gazteen artean bakearen kultura zabaltzea eta bultzatzea du helburutzat proiektuak». Era berean, herrien arteko ulermena eta elkartasuna bultzatzeko asmoa duen proiektua dela esan du Tissotek. Ikastetxeen [...]
Zakilizut Mendi Taldeak antolatuta, inguruetako mendi bizikleta zaleek XXL Txipiroi martxan parte hartzeko aukera izango dute, etzi. Antolatzaileek jakinarazi dutenez, 150 parte hartzaile inguru batzea espero dute, iazko kopurua handituz. Aurten, lau k...
Gernika Futbol Taldeak sei jokalari fitxatu ditu dagoeneko, datorren denboraldiko taldea indartzeko asmoagaz. Hain zuzen, Beasaingo (Gipuzkoa) hiru jokalari, Amorebietako bi jokalari, eta Zamudioko jokalari bat fitxatu dituzte taldearen arduradunek. Fitxaketarik entzutetsuena Oier Artolarena izan da. Alegiarra (Gipuzkoa) hirugarren mailako aurrelari hoberenetako bat izan da, eta horrenbestez, golak sartzeko ardura izango du datorren denboraldian. Aurten, hamazazpi gol sartu ditu Beasainegaz, eta denboraldi bikaina egin ostean, erregioen Europako txapelketan parte hartzeko aukera izan zuen Euskal Selekzioagaz. Artolagaz batera, Iñaki Urkizu berastegiarrak (Gipuzkoa) eta Ander Urdangarin Kolo hernaniarrak (Gipuzkoa) be, Beasaingo taldea utzi dute datorren denboraldian Gernika-Lumon jokatzeko. Urkizu eta Urdangarin atzelariak dira, baina lehenengoak eskuin hegalean jokatzen du, eta bigarrenak, atzealdearen erdian. Bi atzelariek maila ona emon dute Beasainen, eta Urkizuk, esaterako, 2B mailako eskaintzak izan ditu. Real Unionek eta Logroñesek taldean eduki gura zuten berastegiarra, baina Gernika-Lumora etortzea erabaki du. Amorebieta utzi, eta Gernikan jokatuko duten jokalarien kasua ezberdina izango da, etxeko bi jokalariren itzulera izango baita. Hain zuzen, Iñaki Zarandona eta Oier San Migel taldera bueltatuko dira, 2.B mailan jokatu ostean. Zarandonak, esaterako, zazpi gol sartu ditu 2011-2012 denboraldian. San Migel, bestalde, atezain postua betetzeko fitxatu dute. Azkenik, gernikarrek Jon Carracedo fitxatu dute Zamudiotik. Abadiñoarrak 25 urte ditu, eta [...]
Bermeoko Udalak 876.763 euro gutxiago izango ditu aurtengo aurrekontuan. Gainera, hurrengo urteko aurrekontua superabitagaz onartzea aurreikusi dute; 509.840 eurokoa, hain zuzen be. Neurri hori hartu behar izan dute 2011ko aurrekontuaren likidazioa 1,3 milioi eurotan izan delako negatiboa. Bada, erabaki hori osoko bilkuran onartu zuten astelehenean, Bilduren aldeko botoekin. Eusko Alderdi Jeltzaleko (EAJ) zinegotziek, aldiz, neurri horren aurka bozkatu zuten. Nahiz eta 2011ko likidazioa 1,3 milioitan izan den negatiboa, Bermeoko alkate Idurre Bidegurenen esanetan, «gaur egungo testuinguru ekonomikoa kontuan hartuta, ez da hain txarra izan, hainbat arrazoirengatik». Batetik, udalak aurreikusita zuena baino gutxiago gastatu du; hau da, «17,5 milioiko gastuak egitea aurreikusi genuen, baina 17,2 milioi gastatu ditugu». Diru hori aurrezteko zenbait neurri hartu behar izan dituztela jakinarazi du alkateak; adibidez, «nahiz eta erabaki polemikoa izan zen», Gabonetako argiak ez ipintzea erabaki zuen udalak, 55.000 euro aurreztuz. Bestetik, patronatuetarako udal aportazioak jaitsi egin ziren, «ikusita superabitagaz amaitzen zutela urtea». «Ahaleginak egin dituzte» Iazko kitapena, halanda be, negatiboa izan da, «ahaleginak egin» dituzten arren. Batetik, negatiboa izan da 2008ko, 2009ko eta 2010eko gastuak ordaintzeko ez zelako diru nahikorik egon urte horietan, eta 2011ko diruagaz ordaindu behar izan dutelako, Bidegurenek azaldu moduan. Bestetik, Berualaren «egoera ekonomiko larria» aipatu du alkateak. «Elkarteak udalari ordaindu [...]
Bihar goizean Kids Gernika arte ekimena aurkeztuko dute Gernika-Lumoko Elai Alai aretoan. Aurkezpena 11:00etan egingo dute, eta bildutakoek antolatzaileen azalpenak entzuteko aukera izango dute aretora joanez gero. Hain zuzen, Boris Tissot Kids Gernika Internationaleko kideak, Maria Oianguren Gernika Gogoratuzeko kideak, Ricardo Abaunza kultur etxeko ordezkariak, Iratxe Momoitio Bakearen Museoko ordezkariak, eta Jose Maria Gorroño Gernika-Lumoko alkateak parte hartuko dute Kids Gernika nazioarteko proiektua da, eta munduko herrialde ezberdinetako umeek egindako muralez osatuta dago. Mural horiek 3,5 metro dituzte altueran eta 7,8 metro luzeeran, eta herriko zenbait lekutan jarriko dituzte ikusgai. Urriaren 14a arte jarriko dituzte ikusgai mural erraldoiak.
Osakidetzako iturriek jakinarazi dutenez, Gernika-Lumoko bereizmen handiko zentroa zabaltzea ez dago euren «lehentasun handienen» artean; izan be, horien ustetan, «nahiko ondo erantzuten zaie eskualdeko herritarren premiei». Halaber, eskualdean hainbat bide-proiektu daudela, eta horiek abiaraztean Galdakaoko ospitalera joateko herritarrek errezago izango dutela diote. Orain bost urte ireki behar zuten Gernikaldea bereizmen handiko zentroa. Halanda be, arazoak izan ditu hasieratik, eta horrenbestez, atzerapenak izan ditu. Erradiologia gunea izan da, besteak beste, arazo gehien sorrarazi dituena. Gaur egun, baina, gune hori egokituta dago, Osakidetzakoen arabera; orain, zentroko higiezinak adjudikatzeko lehiaketa abiaraziko dutela jakinarazi dute. Dena den, zentro barria 2012. urtearen amaieran zabaltzea aurreikusten dute Osakidetzakoek. Zazpi urte igaro dira bereizmen handiko zentroa eraikitzen hasi zirenetik, eta bertan 70 ohe izango zirela jasotzen zuen hasierako proiektuak. Dena den, oherik ez du izango zentro barriak; hala baieztatu zuen bere garaian Galdakaoko ospitaleko gerenteak. «Han egingo diren ebakuntza guztiak ospitalizaziorik behar ez dituzten ebakuntzak izango dira». Bereizmen handiko zentroa «berehala» zabal dezan eskatu dio EAJk Eusko Jaurlaritzari 70.000 herritarrei zerbitzua emoteko aukera izango duen Gernika-Lumoko bereizmen handiko zentroa «berehala» zabal dezan eskatu dio EAJ taldeak Eusko Jaurlaritzari, Unai Rementeria EAJko bozeramaileak aurkeztutako Ez Arauzko Proposamena Bizkaiko Batzar Nagusietan onartuta. Proposamen horren bitartez, «beharrrezkoak diren izapideak egin [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
