
Hamalau taldek parte hartuko dute Bizkaiko Taldekako Bertso Txapelketan, tartean, Busturialdeko hiruk: Bypasseu, Haritz eta Itsaso eta Nik dakit ba. Lehenengo fasean bost kanporaketa lehiatuko dituzte, horietako bat, ekainaren 12an, Gernika-Lumon.

Gernika-Lumoko Sare Feministak eta Busturialdeko Itaiak elkarretaratzeak deitu dituzte bihar [maiatzak 21] arratsaldean, Merkurion: sare feministakoek 18:00ean ipini dute hitzordua eta Itaiakoek, 20:30ean.

Kalitate handiko proiektu digitalak gailendu dira aurtengo Kaixomundua.eus webgune lehiaketaren VII. edizioan. Euskal Herriko 1.400 ikaslek parte hartu dute, eta besteren artean, Bermeoko eta Mutrikuko ikasleek jaso dituzte sari nagusiak.

Udalhitz hitzarmenaren negoziazio mahaian oraindik ez dagoela "aurrerapen nahikorik" iritzita, LABek eta ELAk deituta, greba egin dute gaur (maiatzak 14) udal langileek. Grebaren jarraipenari buruzko balorazio "oso positiboa" egin dute sindikatuek, eta hurrengo maiatzaren 29ko mahai negoziatzailean aurrera pausurik egon ezean, sektoreak ekainaren 4ean berriz ere greba egingo duela iragarri dute.

Emakumezkoen Euskal Herriko txirrindulari lasterketarik entzutetsuena Busturialdetik pasatuko da, etzi [maiatzak 16].

San Isidro jaien atarian daude, ohituraren koordenatuetan, Forua, Murueta, Kortezubi, Mendata, Gautegiz Arteaga, Bedarona, Ibarrangelu, Natxitua, Nabarniz eta Muxikako herritarrak.

Bizkaiko Dantzari Eguna ospatuko dute domekan [maiatzak 17], Bermeon. 72 dantza talde eta 3.000 dantzaritik gora elkartuko dira Lameran.

Besteak beste, joan-etorri guztietan Bizkaibusa Goiko Kaletik pasatzea eta asteburu eta jai egunetan maiztasuna handitzea nahi dute. Herritarrak alegazioak aurkeztera animatu dituzte.

Gernika-Lumoko Bakearen Museoak eta Euskal Herria Museoak eta Kortezubiko Santimamiñek doako sarrera edukiko dute zenbait egunez.

BBK Klima tokiko gastronomiak, eskualdeko txakolinak eta zuzeneko musikak moda jasangarriarekin topo egiten duten espazio bihurtuko da zapatuan.

Musutruk Mundaka elkarteak Sabino Astigarraga arraun entrenatzaile mundakarra omendu du, bere kirol "ibilbide arrakastatsuagatik".

Euskal Herriko 30 gazte talde baino gehiagogaz batera izena eman dute TindEHEr proiektuan, eta dagoeneko 'Matx' egin dute: Busturialdeko Euskaltzaleek Usurbileko Aztarrika taldearekin egin dute bat, eta Artiako Gazte Asanbladakoek, berriz, Berriozar eta Piztu Lezo taldeekin.

Urriaren 6ra bitartean, egitaraua osatzeko proposamenak aurkeztu ditzakete sortzaileek, durangokoazoka.eus webguneko izen emateen atalean. Gainera, beste hainbat inskripzio ere zabaldu dira: Ikasle Goizerako, DA! PRO topaketarako eta Zu Non, Han DA! egitasmorako.

Barikuan [irailak 12] osatuko dute lehen etapa eta zapatuan [irailak 13] eta domekan [irailak 14] Busturialdean ariko dira.

Irailaren 14an Ernaik Donostian egingo duen manifestaziorako autobusa egongo da. Lea-Artibai eskualdean Lekeitio, Markina-Xemein eta Ondarroatik pasako da autobusa, eta Busturialdean Gernika-Lumotik aterako da.

Hamabost urtez etenik barik argitaratu dira Bizkaiko Hitza eta Gipuzkoako Hitza astekariak, baina uztailekoa izan zen euren papereko azken alea, eta, ondorioz, gaur (irailak 5), Lea-Artibai, Mutriku eta Busturialdeko Hitzako harpidedunek ez dute Bizkaiko Hitza papereko astekaria jaso, orain arte bezala. Beste etapa bat hasi dute, eta lurralde informazioa Berriaren webgunean jasoko dute.

Mundaka Arraun Taldeak 50. urtemuga jaialdia egingo du zapatuan [irailak 6]. Kideen lagunarteko estropada, talde argazki nahiz bazkaria eta kalejira antolatu dituzte, besteak beste.
