Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Luzapenean garaipenak ihes egin dio talde gernikarrari



Bigarren postuan sailkatuta, Busturialdea Arraun Elkarteak ezustekoa emon zuen zapatuan, 2012ko ARC1 ligako lehenengo estropadan. Elantxobeko taldea iaz igo zen mailaz denboraldi bikaina egin ostean, eta aurten be, edarto hasi du denboraldia. Hala, aurreikuspenei kontra eginez, elantxobetarrek faborito nagusiei aurrea hartzea lortu zuten. Santurtzi, Isuntza, Camargo, Ondarroa eta Donostiarra, esaterako, atzean utzi zituen Busturialdeak. Hain zuzen, Elantxobeko taldeak lehia estua izan zuen Isuntzagaz. Lekeitiarrak Busturialdearen aurretik joan ziren azkenengo ziabogaraino, baina azkenengo luze ikaragarria eginda, etxeko taldeak Isuntzari aurrea hartzea lortu zuen. Helmuga lerroan elantxobetarrek lau segunduko aldea atera zioten Isuntzari. Patxi Egurrola Busturialdeako presidenteak jakinarazi duenez, “ezusteko pozgarria” izan da bigarren postuan sailkatzea. Busturialdea bezalako talde txiki batentzat horren maila ona emotea «ikaragarri pozgarria» dela dio. Nabarmendu duenez, “ia-ia miraria izan da Orioren atzetik bigarren sailkatzea”. Etxeko estropadan maila oso ona emon arren, halanda be, elantxobetarrek ez dute burua galdu gura, bigarren postua errepikatzea “oso zaila” izango dela baitakite.


Xixili Gimnasia Taldeak ikasturte amaierako jaialdia egingo du Gernika-Lumon. Taldeko kideek ikasturtean zehar ikasitakoa erakutsiko dute gaur, 19:00etatik aurrera. Taldetik jakinarazi dutenez, jai giroan pasatzeko egun bat da ikasturte amaierako jaia eta, beraz, bildutakoek ondo pasatzea da helburua. Joan den asteburuan, bestalde, Xixilik ikasturte amaierako jaia egin zuen Bermeon. Ohiko dantza saioez gain, Xixiliren eskulturari lore sorta bat eskaini zioten taldekideek.



Urdaibike martxak Euskal Herriko eta inguruko erkidegoetako 250 mendi bizikleta zale inguru batzen ditu urtero, eta aurten be bide beretik jarraitu gura dute antolatzaileek. Hala, etziko martxan parte hartzaile asko batzea espero dute. Irteera eta helm...

Antoliñape Kultur Elkarteak antolatuta, Gautegiz Arteagako herritarrek zortzigarren baseliza ibilaldian parte hartzeko uakera izango dute asteburuan. Zapatuan egingo dute martxa, eta urtero bezala, herriko baselizak bisitatuko dituzte: San Antolin, Ka...


Atzerako kontaketa hasi da jada. Oscar Gangoiti bermeotarrak idatzi duen El Arquitecto del Tiempo liburuaren egungo zein etorkizuneko irakurleek hitzordua dute zapatuan, Bermeoko portuan, 23:30ean. Horretarako deialdia egiten baitu bermeotarrak liburuaren azken orrialdean. San Juan bezpera aukeratu du Gangoitik udako solstizioarekin duen hurbiltasunagatik eta gau horrek duen sinbologiagatik. Liburuan garatzen duen profezia batekin lotzen du, gainera, gau hori. Izan be, horrek kontatzen duenaren arabera, «herriko plazan egiten diren gaueko dantzen ostean, zeruan izar urdin bat agertuko da. Izar horrek aldaketarako deia egiten du, hau da, atzera egin beharra daukagula naturara». Profeziak aipatzen dituen dantza horiek San Juan gauan Goiko Plazan egiten den sorgin dantzarekin lotu ditu. Horregatik, Gangoitik zapaturako egindako deialdian su artifizial urdinek hartuko dute zerua. «Batera etorri diren» gauzak direla dio bermeotarrak. Ukitu misteriotsua emon dio zitari, gainera, «jendeak kasualitate horietan arreta ipintzea izan da nire helburua». Liburuan agertzen den profezia hori egi bihurtu gura du era horretara idazleak. Munduan eragina Deialdiak mundu osoan zehar izango du erantzuna; Gaingoitik duen blogean izan dute horren barri eta ordu berean su artifizial urdinak botako dituzte «Tokiotik, Sydneitik, Hego Ameriketatik, Amerikako Estatu Batuetatik (AEB), Europako zenbait herrialdeetatik eta Espainiako zein Euskal Herriko herrialde batzuetatik be», azaldu du Gangoitik. Bere baitan mezuak [...]