Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.




Bi kamioik talka egin zuten atzo; hiru ordu behar izan zituzten suhiltzaileek gidariak kamioitik ateratzeko

Saskibaloiaren bigarren mailan jokatzen duten Gernika KESBeko neskek, ezustekoa emon dute ligaren lehenengo jardunaldian UPVri 64-62 irabazita. UPV ligako “talde sendoenetako bat” da, eta aurten be, igoera lortzeko hautagaietako bat izango da. Hala, gernikarrek “garaipen handia” lortu dute, partidaren azken minutuetan “uste baino gehiago” sufritu arren. “Sufritzen jakin genuen, eta azkenean, etxean geratu ziren denboraldiko lehenengo puntuak” nabarmendu du Mario Lopez entrenatzaile gernikarrak. Lopezek azaldu duenez, “pozarren” daude, prestigiodun garaipen bat lortu baitu taldeak. UPVri irabaztea “oso zaila” dela nabarmendu du, eta horrenbestez, joan den sasoiko arantza kendu dutela deritzo entrenatzaileak, 2011-2012 denboraldian alde txikiagatik galdu baitzituzten UPVren kontrako bi partidak. Ligaren talde indartsuenetako bati irabazteko gakoa, “defentsako lan ikaragarria” izan da, Lopezen ustez. KESBekoek bikain defendatu zituzten donostiarren jokalari hoberenak.

Mugikortasun plana garatuko du Gernika-Lumko Udalak, eta herritarren iritzia jaso gura du horretarako. Hala, inkesta bat helaraziko die asteon etxeetara. Hain zuzen, euren mugikortasun ohiturak, zenbat joan-etorri egiten dituzten eta zenbatero egiten d...

Gernika-Lumoko Kirol Patronatuak multikirol programa eratu du herriko txikitxoenei begira, eta, dagoeneko, Gernika-Lumoko ikastetxeetako benjamin mailako 13 taldek emon dute izena. Beste hainbaten artean, honako kirol hauek praktikatu ditzakete program...

Gernika KESBen emakumezkoen nagusien taldeak ligako lehenengo partida jokatuko du etzi, 18:30etik aurrera. Joan den denboraldian Espainiako Bigarren Mailan mantentzea lortu ostean, aurten, hazten jarraitu gura du gernikarrek. Liga asko orekatu dela eta, jeitsiera postuetatik ihes egitea ez da erraza izango Mario Lopez entrenatzailearen ustez, baina “erronkari heltzeko irrikitan” azaldu da. Gainditu beharreko lehenengo oztopoa UPV izango da. Lopezen berbetan, “partida gogorra” izango da etzikoa. UPVk liga erregularra irabazi du azken bi denboraldietan, eta aurten be, mailaz igotzeko hautagaietako bat izango da. Hala, gernikarrek “partida bikaina” jokatu beharko dute garaile irtetzeko. KESBekoak “ilusioz gainezka” daude, eta partida irabazteko aukera izango dutela deritzo entrenatzaileak. Iragan denboraldian, esaterako, bertokoek alde txikiagatik galdu zituzten UPVren kontrako partidak, eta horrenbestez, bihar arantza kendu gura dute. Lopezek dioenez, “ondo” prestatu dute denboraldia, eta sasoiko heltzen dira liga hasierara. Aurrendenboraldian “partida onak eta txarrak” jokatu dituztela dio, baina konfiantza osoa du Gernika-Lumoko neskengan. Hala, ezustekoa emoten ahaleginduko dira

Urriko Azken Astelehena gerturatzen doan heinean, bezperako zapatuan Gernika-Lumon ospatzen den Astelehentxutxu ari dira prestatzen gazteak duela zenbait hilabete. Hainbat batzar egin ostean, gorpuztuz doa elkarregaz antolatutako egitaraua, eta ia dena...

Bizkaiko Foru Aldundiko Kultura Sailak iragarri legez, azaroaren 5ean hasiko dira Bermeoko Arrantzaleen Museoko zaharbarritze lanak. Lanok iraun bitartean, gutxi gorabehera hiru hilabete, museoak bisitarientzat itxita egon beharko duela jakinarazi dute. Foru Aldundiak 1,4 milioi euroko inbertsioa egingo du Arrantzaleen Museoari «aurpegi barria» emoteko. Egingo dituzten lanen bitartez, itxura barria agertuko du Ertzilla Dorrean kokatuta dagoen Arrantzaleen Museoak. Bestalde, espazioa be berrantolatuko dute; izan be, Aldunditik azaldu duten moduan, «Bermeoren bihotzean egonda, eraikinak itsasoari begira duen kokaleku aparta aprobetxatu gura da». Museoa zaharbarritzeko lanetan, eraikinaren barrualdea birmoldatuko dutelala esan dute, «egiturak dituen gabeziak konpontze aldera». Hortaz, egurrezko arotzeria zaharbarrituko da eta gaur egun hormaz estalita dauden zenbait leiho irekiko dituzte, besteak beste. Gainera, Museoak Torrontero plazatik duen sarrera utziko badute be, larrialdietarako irteera bat zabalduko dute. Ate horrek Ertzilla kalera emongo du. Halaber, fatxadan agerian dauden kableak kenduko dituzte eta harria be garbituko dute, eraikin barrurako iragazketak ekiditeko. Ontziak ikusteko pasabidea Proiektuak, bestalde, fatxadaren barrutik joango den pasabide bat egitea aurreikusten du. Pasabide hori lau metro inguruko altueran kokatuko dute eta horri esker museoaren barruan dauden itsasontziak ikusi ahalko direla zehaztu dute. Erakustaretoa berrantolatuko dute azalera handitzeko eta bertan dagoen argia gehitzeko be. Lanok egin ostean museoak argi natural gehiago [...]

Bularreko Minbiziaren Nazioarteko Eguna da barikuan eta aurten informazioa eta lazo arrosak banatzeaz gain, zapi arrosak buruan ipinita herritarrekin osatutako lazo erraldoi bat irudikatuko dute Lameran. Minbiziaren Aurkako Elkarteko kide diren Bermeok...

Ausartu zaitez! Aldatu eta bihurtu zure ametsak egia. Hautatu zure norabidea liburua aurkeztuko du Juanjo Lertxundik gaur, Astran. Yoga irakaslea eta terapeuta transpertsonala da Lertxundi. Bere berbaldia 19:30ean hasiko da.

Udazkenera begira antolatutako egitarauaren barruan, domekan, hilaren 21ean, perretxikoen eta onddoen bila joango dira Kortezubiko herritarrak. 09:45ean ipini dute hitzordua, Lezika jatetxearen inguruan, eta 10:00etan abiatuko dira mendira. Nork bere h...