Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Ikastaroa, batez ere, irakasleei zuzenduta dago

Ertzaintzak kalamua hazteko bi kabina aurkitu ditu baserriaren barruan



‘Mugi daitezen harriak, euskal presoak Euskal Herria! Giza eskubideak, konponbidea, bakea!’ lelopean egingo dira Bilboko eta Baionako manifestazioak, 17:00etan hasita

2012-2013 ikasturtea barikuan hasiko dute Gernika-Lumoko Arteskolako ikasleek, hilaren 19an. Izena emateko gutxienez 10 urte eduki behar direla eman dute jakitera Arteskolako arduradunek; dena den, lekua egonez gero, 10 urtez azpikoak be onartuko dituz...

Zapatuko loteria zozketak 5,5 milioi euro utzi ditu Bizkaian; horietatik 4,3 milioi, hain zuzen be, Foruan geratuko dira. Izan be, herriko peña batek zituen zenbaki irabazlea: 41.095a. Gernika-Lumoko San Juan kalean dagoen administrazioak 41.095 zenbakiko 70 dezimo saldu zituen, horietatik 24 Foruko peña bati; gainontzekoak leihatilan saldu zituen. Zenbaki irabazlea izateaz gain, 3 milioi eurorekin saritua izaten den zatiki berezia be foruarrek izan dute. Dezimo irabazle bakoitzagatik 60.000 euro jasoko dute.

Beste behin be, «herriko historia zabaltzea» helburu duen Bermistorian iristear dago; izan be, Erdi Arora bueltatzeko aukera izango dute bermeotarrek asteburuan. Ohiko Erdi Aroko azokaz gain, beste hainbat jarduera be antolatu dituzte egunotarako. Zapatuan, 12:00etan Idurre Bideguren alkatearen pregoiarekin emongo diote hasiera Bermistoriani. Ordutik aurrera, «bai herritarrek eta bai kanpotik datozenak be Bermeoko iragana ezagutu ahalko dute, giro alaian murgilduta, gainera», esan du alkateak. Asteburuko protagonista nagusia Alde Zaharrean kokatzen duten Erdi Aroko azoka izaten dela azaldu dute Bermeoko alkateak eta Aingeru Astui kultura zinegotziak. Urtero legez, hainbat produktu izango dira salgai 60 saltoki ingurutan; gaztak, eztia, txokolateak, kremak, xaboia, bitxiak izango dira beste hainbaten artean. Erdi Aroko azoka zapatuan 10:00etatik 15:00etara eta 17:00etatik 21:00etara izango da zabalik eta domekan, barriz, goizez bakarrik 10:00etatik 15:00etara. Kale animazioa Asteburuan, gainera, Alde Zaharretik kale animazioa ez dela falta izango jakinarazi dute jaialdiaren aurkezpen ekitaldian. Arkuzko tiroaren taldeak antolatutako jaurtiketak, zeramika tailerrak, loren tailerrak izango dira, besteak beste. Zapatuan, Izaro Abesbatzaren kalejira be izango da Alde Zaharretik. Horiek herrian «giro polita» sortuko dutela esan du kultura zinegotziak, «Bermeo Erdi Arora eroaten lagunduko dute». Herriko umeek be ez dute aspertzeko denborarik izango, oholezko jokoekin jolasteko aukera izango baitute. Ludotekak, gainera, zapaturako jarduera bereziak prestatu [...]

Bizkaia Gernika Rugbyren debuta Europako Amlin Cup txapelketan ez da gura bezain ona izan. Worcester Warriors taldeak errez irabazi zuen zapatuko partida, basurdeek dena eman arren. 5-85 amaitu zen partida, ingelesen alde.


Herrizaingo Sailak baieztatu duenez, gizonezko bat atxilotu zuen Ertzaintzak bart, bikotea jotzea egotzita. 22:00ak aldera jazo zen erasoa, Juan Calzada kalean. Gizonezkoa atxilotuta eroan ondoren, emakumeak ez zuen medikuek artatzerik gura izan.

Ez da gauza bera izango. Hala diote, behintzat, Francisco Jabier Gerrikaetxebarria puntistaren heriotzaren ostean hainbat eta hainbatek egindako adierazpenek. «Berezia» zela diote, gainera, horietako askok; hori dela eta, arrastoa utziko duela argi baino argiago dute. 60 urtegaz zendu da Ajangizko tigrea ezizenez ezaguna zen puntista, gaixotasun luze baten ondorioz. Gerrika legez be ezaguna zen Euskal Herrian eta Gerny legez ezagutzen zuten, ostera, AEBetan. Ezizenak ezizen, aski ezaguna puntisten artean. 16 urtegaz aritu zen Gerri estreinakoz profesionalen artean, eta, geroztik, hainbat frontoi bisitatu ditu; besteak beste, AEBetakoak; Ocala, Tampa, Miami, For Pierce eta Hartford. 1976an, gainera, 24 urte zituela, Miamiko atzelari onena legez izendatu zuten. Atzean jokatzeko txikia bazen be, sasoi izugarrikoa omen zen. Ajangizko Tigrearen heriotzak Euskal Herrian ez ezik, AEBetan be min handia eragin duela diote askok; izan be, horien arabera, «oso maitatua zen eta miresmen handia zioten». «Bera joan da, eta, aldi berean, gutako parte bat be joan denaren sentsazioagaz geratu naiz», dio harekin jokatutako puntista batek. Gerrika zendu arren, haren joko indartsua ez dute aise ahaztuko hura ezagutzen zutenek. Kantxa barruan «ikusgarria» zela diote: beti erasora jokatzen zuen bakarretakoa. Gainera, jokoaz gain, beste zerbait be emoten zuen, antza, kantxan: diotenez, ikuskizuna eskaintzen zuen. Jarraitzaileak zutik barik belauniko [...]

Portu Zaharreko Olatua eskulturaren ondoan zegoen aparkalekua oinezkoentzako gune modura uztea erabaki du Eusko Jaurlaritzako Etxebizitza, Herri Lan eta Garraio Sailak, «aparkaleku horren jatorria kontuan izatekoa da. Hasieran, oinezkoentzako gunea zen, paseatzeko aproposa, eskulturekin eta elementu arkitektonikoekin eta horretara bueltatzea erabaki dugu». Udara arte Bermeoko Portu Zaharra kudeatzen zuen Euskadiko Kirol Portuak (EKP) elkarteak, bere erabiltzaileentzako bakarrik ziren bi aparkaleku zituen. Jaurlaritzak hartu zuenean portuaren kudeaketa, hartutako lehenengo neurrietako bat kateekin zegoen aparkalekua herritar guztiei zabaltzea izan zen, «kirol portuko erabiltzaile izan zein ez izan», diote. Bigarren neurria, ostera, Olatua eskulturaren ondoko aparkalekua ixtea izan zen. Gutxi gorabehera 80 plaza zituela jakinarazi dute eta ia gehienetan hutsik zegoela diote. «Gainera, gehienetan, erabiltzaileek lurrean egin beharreko gauzetarako gehiago erabiltzen zuten itsasorako irteeretarako baino». Beste bi aparkaleku Jaurlaritzatik azaldutakoaren arabera, «Portu Zaharraren helburua ezin daiteke izan aparkalekuen plaza kopurua gehitzea, baizik eta portuak izan behar duen irudi egoki bat agertzea, paseatzeko, ikuspen onarekin…». Azken aldian portuak aparkalekuetan bihurtzeko joera dutela diote Jaurlaritzatik eta «hori ezin daitekeela» onartu nabarmendu dute, gainera. Horregatik, Bermeon, Portu Zaharraren jatorria kontuan izan, eta haratera bueltatzea erabaki dute. Nahiz eta olatua eskulturaren ondoko aparkalekua kendu duten, portuan beste bi aparkaleku daudela gogorarazi gura dute: Izotz fabrikaren atzekaldekoa eta [...]

1976an Londresko mendebaldean sortutako The Lurkers taldea Bermeoko Kapillako oholtza gainean ikusteko aukera egongo da bihar gauean. Nuntxaku Gauen bederatzigarren tenporada, beraz, «punk autentiko eta koipeztoenagaz» hasiko dela iragarri dute antol...

Amlin Challenge Cup-eko lehenengo partida jokatuko du Bizkaia Gernika Rugbyk bihar. Europako txapelketa batean jokatzen duen lehenengo aldia da aurtengoa, eta Erresuma Batuko Worcester Warriors izango du aurrez aurre. Etxean jokatzearen abantaila iza...