
Dabid Martinez Perez: Hack.in#badakiguko kidea Bermeok hartuko du Euskal Herriko hurrengo jardunaldi teknopolitikoa: ud4kamp. Asteburu batean burutzen duten kanpaldia da berori. Bermeoko Hack.in#badakigu informatika elkarteak antolatu du jardunaldia eta uztailaren 27an, 28an eta 29an bilduko dira antzinako Jose Done ikastetxean. Jardunaldi horiei buruzko informazio zehatzagoa eta zuzenagoa eduki gura izanez gero, www.udakamp.hackinbadakigu.net webgunean edota Twitter sare sozialean (http://twitter.com-/ud4kamp) aurki daitekeela azaldu dute antolatzaileek. Zer da ud4kamp? Teknologia barrien, politikaren eta kulturgintzaren inguruan sortuko den asteburu askea da. Zenbait eragile sozial-politikok baliabide teknologiko batzuen beharra zutela nabaritu genuen. Horregatik, asteburu horretan, eragile horien beharrizan teknologikoak zeintzuk diren aztertuko dugu, batetik, hurrengo urteetara begirako lanketa bat garatzeagaz batera. Bestetik, hacktibisten munduan mugitzen direnen arteko jardunaldia be izango da. Egunean zehar ikastaro eta hitzaldiak egongo dira, eta gauean ondo pasatzeko aukera be egongo da. Antolatzen den lehenengo aldia da? Bai, baina beste leku batetik dator. Garrotxan (Girona, Herrialde Katalanak) egiten zen Summer Campetik dator. Arazo batzuk medio, ezin izango dute aurton bertan antolatu, eta, beraz, Euskal Herrira ekartzea pentsatu genuen; Bermeon horretarako aukera zegoela uste genuen, gainera. Halanda be, denbora daroagu herrian horrelako jardunaldi teknopolitiko bat antolatzeko gogoagaz. Zergatik Bermeon? Elkartea Bermeokoa delako eta udalagaz harremanetan ipini ginenean arazorik jarri ez zuelako. Baina, [...]

Laneko arriskuen prebentzioa integratzeko zereginean enpresak duen erantzukizunari buruzko jardunaldi teknikoa egingo dute bihar Nestor Basterretxea aretoan 10:00etatik 13:00etara. Laneko arriskuen prebentzioari buruzko jardunaldi zikloaren lehenengoa ...



Aurtengo denboraldiari amaiera emoteko Txapel Festa antolatu du Nuntxaku Kultur Elkarteak. Aurtengoa Txapel Festa antolatzen duten bosgarren urtea izango da. Goizean, Hermanuetako Kapilla ezagutu gura duen guztientzako ateak irekiko dituzte. Horrela, N...

Eguzki babesaren eta azaleko minbiziaren kanpaina beste behin be Bermeora iritsiko da datorren astelehenean. Eguzki egonaldi egokiak egiteko aholkuak emongo dituzte bertan eta egonaldi desegokiak egiteak eragin ditzakeen ondorioen arriskuei buruzko inf...


Gaur bertan ekingo dio Bermeoko Udalak Euskara Biziberritzeko Plan Nagusiaren bigarren faseari. Lehenengo fasean egin moduan, bigarrenean be, lau lan-mahai antolatu dituzte. Horietan, zinegotziek, teknikariek eta herritarrek hurrengo urteetan Bermeon euskararen erabilera sustatzeko lehentasunak zeintzuk izan behar diren aztertuko dituzte. Lehenengo fasean euskararen diagnostikoa egin dute. Lan taldeek egun Bermeon euskararen erabilera zelan dagoen aztertu zuten. Ondoren, lan taldeetatik ateratako lau diagnostikoak Euskara Aholku Batzordeak aztertu ditu ikuspegi orokor bat aurkezteko helburuarekin. Orain, euskararen egoera zein den badakite, beraz, bigarren faseari ekingo diote. Fase horretan, euskararen etorkizunaren nondik norakoak zehaztu gura dira Bermeoko Udaleko Euskara sailetik aderazi legez. “Bermeon datozen bost urteetan euskara erabiltzeko eta entzuteko zer egin behar den jakin gura dugu”, diote. Oraingoan be, lau lan-mahai egingo dituztela zehaztu dute, eta egun desberdinetan bilduko dira Gizarte eta Kultura Etxean 19:00etatik 21:00etara: Familia, transmisioa, euskalduntzea eta etorkinak: gaur. Gazteak: barikuan Aisia, kirola, kulturgintza eta teknologia barriak: ekainaren 12an. Lan-mundua eta komunikabideak: ekainaren 13an.

Ekainagaz batera iritsi da urteroko hitzordua Gernika-Lumora: Euskadiko Fitness Txapelketa. Urtero legez, jendez gainezka egon zen joan den zapatuan Lizeo Antzokia, eta parte hartzaileek maila ona emon zuten. Beste behin be, Gernika-Lumokoa gisa horretako txapelketetan hoberenetarikoa dela utzi zuten agerian taula gainera igo ziren kirolari guzti-guztiek. 35 parte hartzaile izan ziren denetara; eta tartean, zelan ez, Busturialdekoak. Urtero legez, gainera, sariren batzuk eskualdean geratu ziren. Esate baterako, Amalur Arriaga gernikarrak emakumezkoen fitness kategoriako lehenengo saria irabazi zuen, eta Bego Kanobasek hirugarrena andrazkoen bodyline mailan. Bermeoko Arene polikiroldegiko Aitor Madariak, bestetik, bosgarren saria irabazi zuen gizonezkoen bodyline kategorian. Eskualdez kanpokoei dagokienez, Zornotzako O-Zone gimnasioko Omer Alvarez nagusitu zen Athletic Bodybuilding kategorian; Fullgas Sporteko Jon Ander Talabera gizonezkoen Bodyline kategorian; Amurrioko Mellido gimnasioko Raquel Arranz emakumezkoen Bodyline kategorian eta Bilboko C-21 gimnasioko Alvaro Sauca gizonezkoen Fitness kategorian. Sailkapena BODYLINE-GIZONEZKOAK 1. Jon Ander Talabera (Fullgas Sport) 2. Aitor Goikoetxea (Fit-Bai gimnasioa, Mungia) 3. Jon Labaka (Orbea polikiroldegia) 4. Mikel Marroqui (Kabiazes polikiroldegia, Santurtzi) 5. Aitor Madariaga (Bermeoko polikiroldegia) 6. Jon Ander Crego (Imagen gimnasioa, Algorta) BODYLINE-EMAKUMEZKOAK 1. Raquel Arranz (Mellido gimnasioa, Amurrio) 2. Nagore Uriarte (Beti-Ona gimnasioa, Arrasate) 3. Bego Kanobas (Gernika-Lumoko Santanape polikiroldegia) FITNESS-GIZONEZKOAK 1. Alvaro Sauca (C-21 gimnasioa, Bilbo) 2. Francisco [...]


Beste urtebetez, Busturian kokatuta dagoen Euskadiko Biodibertsitate Zentroa-Madariaga Dorretxeak bilketa solidarioa egingo du azaroaren 17tik aurrera, erabilitako jostailu eta erropak eta galtzen ez diren elikagaiak batzeko. 2013ko urtarrilaren 2ra ar...

Hileko lehen zapatuko azoka berezia hartu du Gernika-Lumoko Merkatu plazak zapatuan. Oraingoan, herriko indaba eta Errioxako ardoa izan dira nagusi azokan; hala, zapatuan plazara bertaratu zirenekhorielk dastatzeko aukera aprobetxatu zuten. Horrez gain...

Urriaren 10ean Izurdia atunontzia erasotu zuten ustezko sei pirata somaliarrak kartzelan sartuko dituzte. Horrela agindu du Espainiako Auzitegi Nazionaleko epaile Javier Gomez Bermudezek. Itsas-lapurreta egitea egotzi diote ustezko piratei. Ustezko sei...

Amlin Challenge Cup txapelketa eta Kopa alde batera utzita, Bizkaia Gernika Rugby taldeak jarraipena emon gura dio ligako bolada onari asteburuan. Basurdeek irabaziz gero, ligako seigarren partida irabaziko lukete jarraian, eta hala gertatuz gero sailkapenaren buruan jarraituko luke, partidarik galdu barik. Bertokoek La Vilaren (Villajoyosa, Valentzia, Herrialde Katalanak) kontra jokatu beharko dute etzi. La Vilak partida bakarra irabazi du 2012-2013 denboraldian, eta hamargarren sailkatua da ligan. Hala, basurdeek ez lukete arazo handirik izan beharko etxera garaipenagaz bueltatzeko. Hain zuzen, hemeretzi puntuko aldea dute basurdeek sailkapen orokorrean. Partida irabaztea, halanda be, ez da erraza izango bertokoentzat. La Vila Koparen finalaurrekoetan sartu zen joan den asteburuan, eta moralez gainezka helduko da etziko partidara. Liderrari irabazita, ligan emondako itxura kaxkarrari buelta emoten ahaleginduko dira valentziarrak. Gernika-Lumoko errugbi taldea Ohorezko Mailara bueltatu zenetik, gainera, bertokoek ez dute garaipenik lortu valentziarren zelaian. Joan zen denboraldian, esaterako, 30-17 irabazi zuen La Vilak.

Umeei eta gazteei euskaraz bizitzeko aukerak zabaldu asmoz, Bermeoko Udalak herriko ikastetxeekin batera, bi ekimen abiarazi dituzte. Lehenengoa 15 eta 16 urte bitarteko gazteei bideratuta dago eta euskaraz irakurtzeko zaletasuna bultzatzea du helburu, Gaztezulo aldizkaria tresna moduan erabilita. Bigarrena, barriz, eskola agenda da. Hori 6 eta 12 urte bitartekoei zuzenduta dago. Irakurri gozatuz ekimenaren bitartez, gazteen irakurzaletasuna sustatu gura da. Horretarako, azken urteetan egin moduan, aurten be, 132 gaztek Gaztezulo aldizkaria jasoko dute datozen sei hilabeteetan. Hainbat dira Gaztezulo aldizkariak jorratzen dituen gaiak: kirola, musika, elkarrizketak, bideojokoak, horoskopoa, sexua, zinema, literatura… «gazteek gustoko dituzten gaiak lantzen dituzte horretan», azaldu du Maite Alvarez de Zarate Bermeoko Udaleko Euskara teknikariak. Gainera, paperea ez ezik, euskarri elektronikoan be jaso daiteke aldizkaria Iritziak jaso Sei hilabeteko epea amaitzerakoan, iritzia galdetu eta harpidedun egiteko eskaintza egingo diote gazteei, bai papereko aldizkariarena, baita aldizkari elektronikoarena be. Asier Abaroa Sagrado Corazon ikastetxeko euskara normalkuntzarako arduradunak adierazi legez, «irakurketa modu ludiko batean lantzeko aukera eskaintzen du Gaztezulok. Ez dute zertan derrigortuta irakurri behar. Gainera, hurbileko gaien barri emoten die gazteei». Bestalde, Amaia Erekatxo Institutuko euskara normalkuntzarako arduradunak gurasoak animatu ditu harpidetza egitera, «ez da diru asko eta adin desberdinetarako baliogarria da aldizkaria». Orain arte ekimen honek gazteen artean [...]

San Martin kaleko 7. atarian dauden bost etxebizitza tasatu alokairuan ipintzeko erabakia hartu du Bermeoko Udalak. Saldu barik gelditu diren 1B, 1C, 2B, 3B eta 4B dira, hain zuzen be, alokairuan jarriko dituztenak. Bermeoko Udaletik azaldu duten modua...

Sancti Spiritus Bermeoko Zaharren Egoitzak jaia egin zuen atzo. Jaialdiaren baitan bi egoiliar omendu zituzten, Eloisa Astiazaran eta Miren Bastegieta 96 eta 86 urte dituztenak, hurrenez hurren. Lora sorta bana jaso zuten. Bermeoko Udaleko ordezka...

