
Euskal kultura, tradizioa eta euskara oinarri hartuz egiten du lan egunez egun Bermeoko Alkartasuna Dantza Taldeak. Aurten, mende erdi betetzen ditu dantza talde herrikoiak, eta orain arteko bideagaz harro agertu da zuzendaritza batzordea. Dantzaz harago dagoena lehen lerroan jarriz, familia bat osatu dutela diote. Dantzaren eta herrigintzaren koordenatuetan mugituz, bidea egiten jarraitzeko asmoa daukate, eta erritmoak luzerako emango du oraindik.

Kurtzeroko aparkaleku nagusia itxuraldatuta, plaza eta jolasgune berdea eraikiko dituzte. Proiektua bi fasetan egingo dute, eta lehenengo faseko lanak urtea amaitu aurretik esleitzea aurreikusi dute.

Itsas Salbamendu Humanitarioaren ‘Aita Mari’ itsasontziak geldialdia egin du Bermeon. Herritar askok bertako kideen lana eta ontzia bera bertatik bertara ezagutzeko aukera aprobetxatu dute egunotan, Jon Garcia Andonegi boluntario bermeotarraren eskutik.

Udalhitz hitzarmenaren negoziazio mahaian oraindik ez dagoela "aurrerapen nahikorik" iritzita, LABek eta ELAk deituta, greba egin dute gaur (maiatzak 14) udal langileek. Grebaren jarraipenari buruzko balorazio "oso positiboa" egin dute sindikatuek, eta hurrengo maiatzaren 29ko mahai negoziatzailean aurrera pausurik egon ezean, sektoreak ekainaren 4ean berriz ere greba egingo duela iragarri dute.

Emakumezkoen Euskal Herriko txirrindulari lasterketarik entzutetsuena Busturialdetik pasatuko da, etzi [maiatzak 16].

Urdaitri Triatloi Taldeak zapaturako (maiatzak 16) hitzordua prestatu du: duatloi txikia. Eta, bertan parte hartuko dute 230 gazte kirolarik. Aurreikuspenak bete dituzte Urdaitrikoek.

San Isidro jaien atarian daude, ohituraren koordenatuetan, Forua, Murueta, Kortezubi, Mendata, Gautegiz Arteaga, Bedarona, Ibarrangelu, Natxitua, Nabarniz eta Muxikako herritarrak.

Bizkaiko Dantzari Eguna ospatuko dute domekan [maiatzak 17], Bermeon. 72 dantza talde eta 3.000 dantzaritik gora elkartuko dira Lameran.

Muxikan eta Gernika-Lumon ospatuko dute zapatuan (maiatzak 16) Baso Bizien Eguna. Bertoko basoen garrantzia aldarrikatu eta kontzientziazioa sustatzeko helburuarekin, egun osoko egitaraua prestatu dute, txangoak, hitzaldiak eta solasaldiak uztartuz.

Azaroaren 20ra arteko epea edukiko dute hala gazteen, nola nagusien lehiaketetako parte hartzaileek.

Gernika-Lumoko Udalean negoziazio mahairik gabe segitzen dutela salatu du LABek. Ondorioz, borroka eta mobilizazioak aktibatuko dituztela jakinarazi dute, "barruan bizi duten egoera kalean ere ezagutzeko".

Lurgaia Fundazioak zapatuan [azaroak 8] egingo du 2025-2026 aldiko lehen baso landaketa. Mendatako Berrekondo ibarrean ariko dira beharrean.

Gautegiz Arteagako Gazte Asanbladak bere bigarren mendi irteera antolatu du, Atxarrera. Pozarren bildu dira herritarrak, inguruko "baso, bidezidor, auzo eta tontorrak" ezagutzeko.

Bero boladei aurre egiteko sarea osatu gura du Gernika-Lumoko Udalak eragile eta herritarrekin elkarlanean. Eta, horretarako, parte-hartze prozesu bati ekin dio. Hala, gaur erretiratuekin, eta kultur eta osasun eragileekin egongo dira, baina beste zenbait hitzordu ere zehaztu dituzte hilabete honetarako.