
Aipatutako alderdi politikoen aldeko zazpi botoekin eta Herritar Alternatibaren kontrako biekin, aurtengo aurrekontua "giltzarri" izango da, zabor bilketa eta garbiketa zerbitzu berriaren lizitaziorako "beharrezkoa" baita.

Lurgune euskaldunenerako lege babesa eta plan integrala bultzatuko ditu UEMAk, Lurralde Estrategia garatzeko bidean. "Euskara nagusi den lurralde eremua babestea, sendotzea eta hedatzea, horren bidez euskararen indarberritzea" helburu izanda arituko dira lanean.

Abiatu dute Errigoraren nafar helgoaldeko uztaren 'Eskutik Eskura' kanpaina, eta martxoaren 18ra egongo da martxan. Kontsumitzaleei hausnarketa eragiteko asmoz, 'Eragin saskiari!' ekimena egingo dute aurten.

Jon Urutxurtuk ‘Manuel de Ynchausti Lurdes Euzko Aur-Etxea Kolonia (Jatsu, 1937-1939). 34 euskal gerrako haurren babes etxea’ liburua ondu du. Bertan, gerra aldian Jatsun sortutako umeen etxearen nondik norakoak azaldu ditu egile zeanuriztarrak.

Emakume langileen problematikak erdigunean ipini gura ditu Itaiak, "agenda instituzionaletik kanpo". Etzi [otsailak 27], ‘Emakume langileon askapenerako erronkak eta proposamena’ hitzaldia emango dute, 19:00etan, gaztetxean.

Aldundiak Kirolur erronka, Bizkaiko udalerrien arteko kirol liga, plazaratu du. Jarduera fisikoa sustatu asmoz, 39 udalerrik parte hartuko dute, desplazamendu aktiboa eskatzen duten kirol alorrak praktikatuz. Puntuazio sistema doitua izango du, urteko hiru alditan banatutako egutegiagaz.

Arabako, Bizkaiko eta Gipuzkoako eskola publikoetako jangeletako langileek greba egingo dute otsailaren 24, 25 eta 26an. "Soldata igoerak aplikatu eta ratioak, funtzioak eta lanaldiak hobetzeko" eskatu diote patronalari.

Miren Billelabeitia Bengoak ‘Eguna hasteko olerkiak’ lana plazaratu du. Mundakako irakurle klubaren dinamizatzaile ere dihardu mungiarrak, eta martitzenean [otsailak 24], 18:00etan hasita, bere ikasleei aurkeztuko die obra hori, udal liburutegian.

18 bertsolariz osatuko da Busturialdeko Bertsolari Txapelketa, eta bihar [otsailak 20] abiatuko dute, Belendizen. Martxoaren 14ean Astran lehiatuko duten finalaren aurretik, Belendizkoaz gain, beste bi kanporaketa saio egongo dira Muruetan eta Errigoitin.

Euskal Karabanaren 22. aldirako 2.815 kilo jaki, 31 kilo osasun-material eta elikagaiak erostera bideratuko diren 990 euro bildu dira Busturialdean. Besalde Elkartetik "oso oso pozik" agertu dira, kanpaina "bikain" atera delako.

Eusko Jaurlaritzak eta Bizkaiko Foru Aldundiak aurkeztutako entzute prozesua "irudia garbitzeko” estrategiatzat jo du Podemos Euskadik.

Busturialdeko EH Bilduko alkateek "berri positibotzat" hartu dute Eusko Jaurlaritzak eta aldundiak gaur aurkeztu duten Guggenheim Urdaibairi buruzko entzute prozesua. Hala ere, "zuhurtziaz" hartu dute, ze uste dute entzuten zaionari bermea eman behar zaiola entzundakoa kontuan hartuko dela.

Zabalik dago euren jarduera diskurtso garaikideen esparruan gauzatzen duten banakako egileen zein egile kolektiboen proposamen artistikoentzako deialdia, eta proposamenak jasotzen jarraituko dute martxoaren 2ra (domeka) bitartean.

Ikasleen gaitasunak goraipatzeko eta haurren emozioei beharrezko tokia emateko etengabeko elkarlanean ari dira Allende Salazar Herri Eskola eta Eskola Komunitatea. Aniztasunaren erantzun izan nahi dute, Amara Berri proiektua eta beste hainbat funtsezko ezaugarri oinarritzat hartuz.

Minbiziaren Aurkako Nazioarteko Eguna da gaurkoa, eta horri buruzko datuak emateko lehen espazio irekia aurkeztu dute. Horrez gain, gaitzari buruzko informazioa zabaltzen ari dira zenbait herritan, tartean Bermeon.

Barikuan [urtarrilak 31] aurkeztu zuten ‘Pueblos de pelicula’ saileko kupoia, herriko udaletxean.

Goiko kaleko mediku kontsultategiaren lehen eta bigarren solairuak konponduko ditu Mundakako Udalak. 240.000 euroko kostua eta bederatzi hilabeteko iraupena aurreikusten dituzte.

Herritarrek otsailaren 19ra arteko epea dute Busturialdea-Urdaibaiko Plan Estrategikoan parte hartzeko; galdetegi baten bitartez egin beharko dute hori.

Lea-Artibai, Mutriku eta Busturialdeko HITZAk parte hartze saioak deitu ditu otsailerako.