Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


'Bou Bizkaia'-ko tripulazioa zegokion moduan jantzita ez joateagatik zabaldu diote, hain zuzen ere


Bakearen Astean Bakearen Museoak Minecraft joko interaktiboan parte hartzeko deia egin die ume eta gazteei

Irailaren 30era arte eman ahalko da izena

Toyoichi Ihara, Terumi Kuramori eta Kiyomi Iguro. Nagasakitik etorritako hiru japoniar dira. Bonba atomikoak sortutako kalteak pairatu zituztenak, hain zuzen be. Adin ezberdina zuten ezbeharra Nagasakira ailegatu zenean; urte bete, 9 eta 19 urte zituzten. Bakoitzak leku ezberdinetik bizi izan zuen zorigaitza; bakoitzak mosu ezberdinean. Baia guztiek dute gogoan 1945eko abuztuaren 9 hura. « Bonba atomikoa erori zen momentu hartan –1945eko abuztuaren 9an, 11:02an– zuhaitz baten gainean nengoen ni, mendian. 9 urte nituen nik orduan. Eguzkiaren izpia baino 1.000 aldiz argi gogorragoa nabaritu nuen orduan. Gainera, haize gogorraren ondorioz, lurrera erori eta konortea galdu nuen», gogoratuz azaldu zuen bizitako esperientzia. Zorionez, ez zuen zauri larririk izan Iharak, baina zerutik objektuak erortzen ikusten jarraitzen zuen. Nagasaki erdialdean gertatzen ari zenaz jabetzen hasi zen orduan Ihara. Leherkataren ondorengo orduak be ez ziren xamurrak izan Nagasakikoarentzat: «Jendea alde egiten ikusi nuen, norabiderik barik; arropa eta ilea erre-erre eginda zuten, ia-ia biluzik zeuden». Momentu hartan ez zuen Nagasakin jaurtitako bonba atomikoa ezagutzen; ezta bere ahalmen suntsitzailea be. Denbora tarte labur batean Nagasaki guztia suntsituta ikusi zuen. Guztia hegan, erreta… Bero ikaragarria zegoela gogoan du Iharak; «4.000 gradutara zegoen». 240.000 biztanle zituen orduan Nagasakik; horietatik 74.000 momentuan hil ziren eta beste 75.000, ostera, zauritu. Ezbeharra [...]


Beste batez, George L. Steer kazetariari omenaldia egin diote haren bustoaren parean. Jose Maria Gorroño Gernika-Lumoko alkatea, Nicholas Rankin Steeren biografoa, Graham Keeley The Times egunkariko korrespontsala Espainian, Mateo Malaxetxebarria bonbardaketatik bizirik ateratakoa, Gernikazarrako kideak eta hainbat euskal politikari izan dira, besteak beste, kazetariari egindako omenaldian. Omenaldiari hasiera emoteko, Graham Keeley berriemaileak eta Jose Maria Gorroño Gernika-Lumoko alkateak lore eskaintza egin diote Steer kazetariari. Horren segidan, Alberto Iturriarte Gernikazarrako kideak hartu du hitza. “Aurten be George Steer omendu nahi dugu, Gernikako bonbardaketa nazioartean hedatu eta ezagutzera emon zuelako” esanez hasi du berbaldia. “Kazetari horrek Gernika bisitatu zuen bonbardaketa gertatu eta ordu batzuk geroago; hala, krimen nazkagarri hura The Times egunkarian jakinaraziz”, gogorarazi du. “Gerraren lehen biktima egia dela esan ohi da, eta Steerrek bere konpromisoagaz, egia manipulatua edo desitxuratua izan ez zedin lortu zuen”. Gorroñok, bere aldetik, bonbardaketaz geroztik esan dituzten “gezurrak” gogorarazi ditu; “ zenbat gezur ia 40 urtetan, eta beste horrenbeste urte gezur horiek argitu barik Madrilgo Gobernuaren aldetik. Eskerrak kazetari zintzoak dauden”. Izan be, alkatearen esanetan, “eureri esker ezagutzen ditugu gauza asko”. Horren adibide gisa jarri du George L. Steer. Izan be, Gorroñok azaldu duenez, “Steer izan zen gure herriak jasandako ezbeharraren, lazturaren, bidegabekeriaren berri eman zuen [...]

Hainbat dira Kultura Batzordeak proposatutako ekimenagaz bat egin duten taldeak eta eragileak. Ondokoak dira orain arte izena eman dutenak: Gazte Asanbalda, EHE, LAB, Gazte Independentistak, Urdaibai kantagunea, Lobak, Lilibertso, EAJren udal taldea, E...

Gernika-Lumoko bondardaketaren 75. urteurrena dela eta, asteburuan hainbat ekitaldi izan dira herrian, eta ekitaldi horiek hurbiletik ikusteko asmoagaz hainbat jende batu da kaleetan. Argazki galeria honetan asteburuko ekitaldietako zenbait argazkiak ikusi daitezke.

Antolatzaileen esanetan, «giro polita» izan zen zapatuan Erromeidxe jaialdian. Halanda be, datorren urtera begira, jende gehiago batu ahal izateko aukerak aztertu behar dituztela jakinarazi dute. Izan be, bazkarirako 400 lagunentzako lekua zegoen, hori bete, eta jendea gogoz geratu dela azaldu du Asier Ormaza antolatzaileetako batek. Goizean egindako euria «pena» izan zela esan du Ormazak. «Nire ustez, apur bat hotz geratu zen goizekoa, ez dakit eguraldia izango zen. Halanda guzti be, aipatzekoa da Alde Zaharra handia dela eta taldeak sakabanaturik ibili zirela. Uste dut lar handi geratu zaigula Alde Zaharra». Talde guztiak Goiko Plazan bildu ostean portura jaitsi ziren, eta hango giroa «politagoa» izan zela aipatu du. «Portuan denok egon ginen elkarrekin eta beste giro bat zegoen». Arratsaldean, Artza frontoiko giroa «ederra» izan zela aipatu du. «Abestiak lehenengo eta dantzak geroago, 22:00ak ingurura arte izan ginen bertan». Erromeidxe antolatzen jarraituko dutela esan dute, «baina jende gehiagok parte hartu gura du. Bazkaltzeko frontoia txiki geratu da», esan du. Zozketako zenbakia: 42 Erromeidxen zozkatu duten antzinako soinekoa 42 zenbakia duenari dagokio. Zenbaki horren arduraduna apirilaren 28a baino lehen agertu beharko da Gizarte eta Kultura Etxean. Bestalde, 309 zenbakia duenarentzat izango da jantzia. Bigarren zenbaki horren arduraduna maiatzaren 5a baino lehen agertuko ez balitzateke [...]


‘Zerutik sua dator’ izeneko performancea antzeztu dute gaur gauean, Merkatu plazan. Bonbardaketa bizi izan zutenen testigantzak dantzarekin, txalapartarekin eta beste hainbeste instrumenturen doinuekin uztartu dituzte, taula gainean. 75 ur...

Joserra Unanue artista gipuzkoarrragaz batera, Maialen Muruetagoiena eta Markel Urrutia gernikarrak Gernika margolana marrazten hasi ziren atzo Foru Plazan. Gernikako bonbardaketaren argazkia irudikatzen ari dira artistak; aurrekaldean emakume bat eta ...

Bermeoko Futbol Taldeak Itxasganen jokatuko du ezti 18:00etatik aurrera, Gurutzeta hamabosgarren sailkatuaren kontra. Bermeotarrak sailkapen nagusiko bigarren postuan daude, baina Somorrostro hirugarren sailkatua bi puntura dute. Hala, asteburuan galdu...