Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Mutrikuko Samikolla auzokoek San Nikolas eguna ospatuko dute gaur. 11:00ak inguruan, jaia iragartzen duten txapliguak bota ondoren, meza egingo dute Nikolas Deunari eskainitako ermitaren aurreko zelaian.Meza amaitu eta gero etorriko da eguneko unerik h...

Barikuetan Jai Ala kiniela amerikar txapelketaren hamabigarren funtzioa atzeratzea erabaki du antolakuntzak, bonbardeoaren 75. urteurrena dela eta. Hala, barikuko kiniela hilaren 27an jokatuko dute lau bikotek. Hiru kiniela irabazita Gandiaga eta Salegi markinarrak daude sailkapenaren buruan momentuz. Gandiagak duela aste beteko kinielan harrapatu zuen Salegi, Rokegaz batera hamaikagarren funtzioa irabazi ostean.

The Uskis musika talde elantxobetarrak Tximinotan laugarren disko aurkeztu zuen atzo. 2009tik diskorik kaleratu barik egon ostean, bertoko taldeak hiru urteko isiluneari amaiera emon dio disko barriagaz. Iñigo Eiguren taldeko abeslariak azaldu duenez, “rock kutsua duten abesti azkarrak, eta zenbait balada” batu dituzte 30 minutuko diskoan. Dioenez, “aurreko diskoen segida da azkenengoa, baina zaleek aldaketa bat igarriko dute: kutsu rock-eroagoa du soinuak”. Eigurenen berbetan “pozarren” daude emaitza ikusita. Nabarmendu duenez, “soinu aldaketa dela eta, apur bat arraroa egin zitzaigun hasieran, baina Iñigo Etxebarrietaren lana apartekoa izan da”. Grabatu dituzten 13 abestiei “beste kutsu” bat emon diela deritzo. Disko guztiak bereziak izan direla argudiatuta, bestalde, taldeko abeslaria ez da ausartzen azken disko hoberena den esatera. Zaleek aldaketa bat igarriko dutela dio, baina ez direla damutuko deritzo.

Harpidedunak eskualdeko euskarazko egunkari bakarraren oinarri nagusia direla eta, HITZAk kanpaina berezi bat jarriko du martxan Santa Luzia inguruan bizi diren biztanleen artean harpidedunak lortzeko. Hala, gaurtik aurrera, Santa Luziako, Lurgorriko eta Urremendiko etxebizitzetan udalak ordainduta jasoko dute euskarazko egunkaria. Kanpaina Gernika-Lumoko Udalagaz sinatutako hitzarmen bati esker jarri du martxan hitzak , eta udara bitartean banatuko dituzte dohan egunkariak. Espe Uriarte Gernika-Lumoko euskara zinegotziak azaldu duenez, herritarrek “HITZA irakurtzearen beharrizana” sentitzea da kanpainaren helburua. Izan be, probatuz gero, bertako biztanleak harpidedun egingo direla deritzo. “Oparitutako lurri goxoekin bezala gertatzen da: hasieran ez duzu ezagutzen, baina probatzean ez duzu besterik gura” dio zinegotziak. Harpidetza kanpaina Santa Luzia inguruan egiteko arrazoia, bestalde, azken urteetan etxebitza barri asko eraiki izana da. Uriarteren berbetan, “udalak hitzaren azken sustapenean lagundu zuenetik hiru urte pasa dira, eta denbora horretan, herria hasi egin da”. Hala, kanpaina martxan jartzea “positiboa” izango dela deritzo.

Hamaika dira Carmelo Ortiz de Elgearen Gernika margoak. Tamainu eta irudi ezberdinekoak, baina guztiak Gernikako bonbardaketari eta haren ondorio latzei buruzkoak. 75 urte igaro dira Gernikak ezbehar hura jasan zuenetik, baina gertaera horien oroimenak...


Martxoaren 27an Elantxoben hilda agertu zen Iparraldeko Baleak zeresana emoten jarraitzen du, duela aste beteko marea biziek balearen gorpua herrigunetik kilometro pasatxora aldendu arren. Koldo Olagibel Elantxobeko alkatearen berbetan, “balea a...

DYA errepidean laguntza emoteko elkarteak, gazteentzako kanpamentu bat antolatu du bigarren urtez jarraian, eta aurten be Gernika-Lumoko aterpetxea izango da izena emoten dutenen egoitza. Kanpamentua bederatzi eta hamabi urte bitarteko gazteei zuzendut...


Alde Zaharrak izango du garrantzia zapaturako antolatu duten Erromeidxe jaialdian. Izan be, antzinako harresiko zazpi ateak izango dira abiapuntu, bertatik abiatuko baitira, 12:30ean, Erromeidxe Batzordea osatu duten herriko kultur taldeak. Kankinkabara Txistu taldeak antolatu zuen iaz lehenengoz Erromeidxe. Antzokian izan zen orduan jaialdia eta giro «polita» sortu zutela azaldu dute antolatzaileek. Halanda be, lekua «txiki» geratu zela aipatuta, aurten jaia kalera ateratzea erabaki dute. Horretarako, herriko kultur talde guztiei dei egin zieten guztien artean jaialdi osatuagoa antolatzeko asmoz eta hortik sortu zen Erromeixe Batzordea. 12:30ean emongo diote hasiera festa egunari. Antzina herria inguratzen zuen harresia osatzen zuten zazpi ateak izango dute abiapuntu. Batzordea osatzen duten taldeak ateka banatu dira Alde Zaharreko kaleak erabat girotzeko. «Alde Zaharrari mugimendua emon» gura izan diote antolatzaileek. 14:00etan talde guztiak elkartuko dira Sabino Arana enparantzan. Zenbait dantza egin ostean, portura jaitsiko dira eta han be erromerian jarraituko dute Artza frontoira abiatuz, bertan egingo baitute bazkaria. 400 lagunentzako lekua zegoen eta dagoeneko beteta dago, hortaz, giro ona «aseguratuta» dagoela diote. Bazkaldu osterako zenbait abesti prestatu dituzte denen artean abesteko. 18:30ak inguruan, mahaiak jaso eta dantzarako tartea izango dute bertaratutakoek.

Podiuma egin zuen zapatuan Kepa Ruiz mundakarrak, Gernika-Lumon jokatu zen XVII. Sprint Duatloian. Euskadiko duatloi sprint txapelketa be jokatu zen zapatuan, eta mundakarra izan zen proba horretan garaile. Gernika-Lumoko XVII. Sprint Duatloiaren gara...