Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Bariku-zapatuan, Gernika-Lumoko Arrano Etxea defendatzeko eskatu diete herritarrei

Bizkaibus zerbitzua hobetze aldera, parte hartze prozesuan herritarrek proposatutako 13 alegazio aurkeztu ditu Bermeoko Udalak Bizkaiko Foru Aldundian. Horietan, linea barri biren eskaerak daude: Bermeo-Galdakako ospitalea eta Bermeo-Zamudio. Horiez gain, ordutegiak eta maiztasunak hobetzeko eskaerak be egin dituzte. Ekonomia eta Lan Mundua lan taldean landu dituzte oraingoan alegazioak. Bertan, Bermeoko alkate Idurre Bidegurenek azaldu legez, «garraio publikoaren egoera zein den eta hobetzeko eta bere erabilera sustatzeko zer egin behar den aztertu dute». Bermeo-Bilbao zerbitzua jende gehien ibiltzen den orduetan ordu erdiro ipintzea eskatzen dute. Ordu puntu horietan zerbitzu zuzena gurako lukete, hau da, Mungian geldialdia egin barik. Bestalde, goizeko lehenengo zerbitzua aurreratzea be eskatu dute eta baita asteburuetako ordutegia luzatzea be. Bestalde, Garellanoko Termibusean geltoki bat ipintzeko eskaera egin dute. Bermeo-Gernika-Bilbo zerbitzuari dagokionez, Bizkaibusaren eta Euskotrenen arteko maiztasuna eta oreka eskatzen da, «hau da, osagarriak izatea eta ordu berean zerbitzua emotea saihestea». Ikasleen ordutegiekin bat egiteko, aldiz, Euskal Herriko Unibertsitatera (EHU) doan autobusaren maiztasuna handitzea be proposatzen dute aukeztutako alegazioetan. Azkenik zerbitzu barriak be eskatu dituzte: Galdakako ospitalera eta Zamudioko parke teknologikora, «bertara doazen langileen beharrak kontuan izanik», zehaztu du Bidegurenek. Horietan, behintzat, gutxieneko zerbitzua emotea eskatzen dute. Bakiorako zerbitzua, barriz, neguan be emotea gura dute. Horrez gain, Bermeon, ibilbidea [...]


Bilboko triatloia irabazi ostean, Mikel Elgezabal gernikarrak sasoiko jarraitzen duela erakutsi gura du Zarauzko distantzia luzeko triatloian. Gernika-Lumoko triatletak azaldu duenez, Bilboko garaipenak “gogor entrenatzen” lagundu dio, lehenengo helburua bete baitzuen lasterketa hori irabaziz. “Animoz gainezka nago, eta barruan dudan arantza kendu gura dut Zarauzko proba irabaziz” esan du. Izan be, gernikarra behin baino gehiagotan sartu da podiumean, baina ez du lasterketa lehenengo postuan amaitu. Elgezabalentzat “proba berezia” da Zarauzkoa. Dioenez, traiatloiaren hastapenetatik antolatzen da, eta nazioarteko kirolariek parte hartzen dute, lasterketari prestigioa emonez. Modu berean, ibilbidea “oso ederra” dela dio. Bizikleta gainean egin beharreko ibilbidea, esaterako, “ikaragarria” omen da. Gernika-Lumokoak lasterketa irabazi gura du bihar, baina zaila izango dela aitortu du. Igerian egin beharreko zatia ohikoa baino luzeagoa da Zarautzen, eta horrenbestez, ahalik eta denbora gutxien galtzen ahaleginduko da igerian. “Bizikleta gainean ondo moldatzen naiz, baina igerian hobetu behar dut” esan du.

Busturiko Txirrindulari Taldeak antolatuta, etzi lehenengo Larragoko Igoeran parte hartuko dute 30 txirrindulari inguruk. Antolatzaileek jakinarazi dutenez, 23 txirrindularitza zalek emon dute izena aurretiaz, baina probaren egunean be izena emon daite...

“Hurrengo urteetako bideragarritasun ekonomikoa ziurtatzeko” asmoz, BERRIA laguna komunitatea indartzeko eta diru bilketa egiteko ahal den herritar eta eragile gehienengana iristeko ahalegina egiten dabil BERRIA taldea. Hala, gaur arratsald...

Busturiko Udalak Euskeraz Olgetan kanpaina antolatu du udarako. Kanpaina hori 4 eta 14 urte bitartekoei zuzenduta dago. 4 urtekoek uztailaren 1a baino arinago egin beharko dituzte parte hartu ahal izateko. Uztailerako antolatu dute Euskeraz Olgetan kanpaina eta astelehenetik eta barikura bitartean bilduko dira umeak 10:00etatik 13:00etara. Parte hartu gura dutenek ekainaren 13a baino lehen hurbildu beharko dira Altamira auzoko Kultur Etxera izena emotera. Apuntatzerakoan ordaindu izanaren ziurtagiria aurkeztu beharko dute; izan be hurrengo kontu korronte zenbakian sartu beharko dute dirua: BBK 2095 0032 89 2032002727. Busturian erroldatuta dauden umeak 50 euro ordaindu beharko ditu kanpainan parte hartzeagatik. Anai-arreba bi baldin badira 65 euro izango dira eta hiru izanez gero, 75 euro. Busturian erroldatuta ez dauden umeek be parte hartzeko aukera izango dute baina horientzako garestiagoa izango da. Ume batek 100 euro ordainduko ditu, bik 130 euro eta hiruk 150 euro, hain zuzen be. Begiraleak kontratatuko dituzte Bestalde, Busturiko Udala Euskeraz Olgetan kanpainarako begirale bila be badabil. Beraz, uztailean begirale modura lan egin gura dutenek ekainaren 13ra arte emon dezakete izena Busturiko udaletxean. Curriculuma eta kanpainarako proposatzen duten jarduera-programa aurkeztu beharko dituztela jakinarazi dute.

Mendizaleek ondo pasatzeko aukera edarra izango dute hilaren 17an. Hain zuzen, Morgako Baseliza Ibilaldia antolatu dute morgatarrek hirugarren biderrez, eta dagoeneko, izena emoteko epea zabaldu dute. Izena aurretiaz emoteko epea hilaren 13an zarratuko dute. Izena emoteko, udaletxearen web orrialdean dagoen inskripzio orri bat bete behar dute interesatuek, eta ostean, 10 euro sartu beharko dituzte Ipar Kutxaren kontu korronte baten. Probaren egunean be izena emoteko aukera izango dute mendizaleek, gehienezko parte hartzaile kopurua gainditu ezean. Martxan parte hartzen dutenek herriko zortzi baselizak bisitatzeko aukera izango dute.

Gautegiz Arteagako alkate Juan Felix Naberanek (EAJ) egindako adierazpenak ukatu dituzte herri horretako ezker abertzaleak eta EAE-ANVk, agintaldian egon zenean azken alderdi horrek kudeaketa gardena eta zentzuzkoa egin zuela esanez. Bada, gauzak argit...

Krisi garaian be, elkartasunak badu lekua Busturialdean, eta Muxikako herritarrek argi erakutsi dute. Maiatzean bi ekimen solidario antolatu zituzten, eta 832 euro batu zituzten bi proiektu ezberdin diruz laguntzeko. Udaletik azaldu dutenez, “oso pozik” daude ekimen solidarioek izan duten harreragaz, “herritarren parte hartzea handia” izan baita. Hala, gabonetan be elkartasun ekimenak antolatzea aurreikusten du Udalak. Maiatzean batutako dirua garapen bidean dagoen herrialde bateko ume baten oinarrizko premiak betetzeko, eta Haitiko baserritarrei landare haziak erosten laguntzeko erabiliko dute. Ume bat diruz laguntzeko, esaterako, Udalak merkatu solidario antolatu zuen Urretxindorra eskolako jaian, eta herritarrek emondako materiala salduz, 426 euro batu zituzten. Haitiko baserritarrei laguntzeko dirua, bestalde, Zubietaerrota eraikineko Txoribigun arte anitz ikuskizunaren bitartez eta ortugintza ekologiko ikastaroaren bitartez batu dute muxikarrek. Hain zuzen, 406 euro bidaliko dituzte Haitira Via Campesina erakundearen laguntzagaz.