

«Pozik» agertu da Jabier Setien areto dantzetako irakaslea Bermeoko bikoteek domekako txapelketan lortutako emaitzekin. «Gero eta maila hobea dago gure dantzarien artean», esan du. Izan be, Artza frontoian jokatu zen VI. areto dantzen txapelketako ...




«Elkar ezagutzea» helburu duten autogestio topaketak antolatu ditu Nuntxaku Kultur Elkarteak zapaturako. 17:00etan ipini dute hitzordua Kapilan. Ekaitz Goienetxea Nuntxaku Kultur Elkarteko kideak azaldu legez, «eskualdean hainbat talde gaude, bakoitzak bere helburu, bere funtzionatzeko modu, bere urteroko ekintza eta bere aurrera begirako proiektuekin. Komunean duguna da ez ditugula gauzak egiten dirua irabazteko, poltsikoak betetzeko, baizik eta egiten duguna egiteko beharra sentitzen dugulako». Egiten duten hori, autogestioagaz egiten dute. Horretarako be hainbat bide daudela aipatu du Goienetxeak «eta geure artean komentatzeko eta elkarrengandik asko ikasteko aukera izango dugu, edo hori espero dugu». 17:30eatik 21:00etara berba egiteko tartea izango dute. Ondoren, afaldu egingo dute eta horren ostean Urgatz eta Gas taldeen kontzertuekin amaituko dituzte topaketak. Parte-hartzaile gehienak Gernikatik etorritakoak izango direla jakinarazi du Goienetxeak. «Naturala da bertan gehiago mugitzen direlako. Azken urteotan dinamika gehiago sortu direlako Astra proiektuaren eta gaztetxearen inguruan. Horregatik pentsatu dugu garrantzitsua dela Bermeon egitea eskualdeko topaketak, Gernikan ohituagoak daudelako eta behingoz Bermeon be ilusio apur bat aktibatzeko, popak mugitzeko». Halanda be, Goienetxearen esanetan, «Bermeon uste duguna baino jende gehiagok dauka gauzak egiteko gogoa, baina, oraindik geure buruan sinestea falta zaigu. Horretarako, elkar ezagutzen hastea da pausu bat». Esaterako, Bermeoko Erdu Txo! gazte asanbladatik bost kidek hartuko dute parte, [...]

Dantzan egiteko adinik ez dago. Horregatik, domekan, Bermeon egingo den areto dantzen lehiaketarako adin mugarik ez dago. Bost kategoria desberdinduko dituzte, halanda be, kategoriarik jendetsuena umeena izan daitekeela jakinarazi du Jabier Setien aret...

Euskadiko Biodibertsitate Zentroak brotxe birziklatuak egiteko tailerra antolatu du datorren zapaturako. Tailer hori Koopera gizarte sarearekin batera antolatu dute eta erabiltzen ez diren ohialekin eta arropekin brotxeak egingo dituzte horiei berrerabilpena emonaz. Bi talde desberdinduko dituztela azaldu dute. Batetik, sei urtetik aurrerako gazteak izango dira, eta bestetik, nagusiak. Jakinarazi duten moduan, bi taldeek ordutegi berdina izango dute, hau da, zapatuan 17:00etatik 18:30eara, hain zuzen be. Brotxe birziklatuak egiteko tailerrean parte hartu gura dutenek aurretiaz izena emon beharko dute Madariaga Dorretxera deituta eta bi euro ordaindu beharko dituzte.


Izaro uhartearen ipar-ekialderantz dauden mugak Bermeorenak direla gogorarazten du urtero Madalen egunak. XVII. mendetik datorren tradizioari eutsiz, Izaro uhartera hurbildu ziren domekan, irlaren goikaldean ikurriña eta Bermeoko bandera jartzeko. Horrez gain, Bermeoren jabegoa adierazteko «honaino heltzen dira Bermeoko ituginak» esanez, Idurre Bideguren Bermeoko alkateak teila bota zuen uretara. 11:00etan hasi zuten eguna bermeotarrek. Santa Eufemia elizan meza entzun ostean itsasontzietara abiatu ziren txistularien kalejirarekin. Tradizio handiko jaia izanik, Madalen eguna «berezia» eta «hunkigarria» dela nabarmendu zuen Bermeoko alkateak itsasontzira igo baino lehen. Nahiz eta haren bigarren urtea izan, «apur bat urduri» zegoela aipatu zuen, gainera. Izan be, aurtongo Madalen egunak berritasun nagusi bat izan du: itsasontzi tradizional bakarrean joan beharrean aisialdirako hiru ontzi txikitan joan baitira. «Horrela, tradizioa mantentzen dugu baina baliabideetan asko aurreztuta», esan zuen. Hainbat ontziren laguntza Halanda be, ez dira izan hiru ontzi bakarrik Izaro irlara hurbildu direnak, herritarrez betetako hainbat ontzik lagundu baitiote udalbatzari. Teila bota ondoren, Elantxobera abiatu ziren. Bertan, Koldo Olagibel Elantxobeko alkateak Bidegurenei emon zion herriko aginte makila, Mundakako alkate Unai Rementeria lekuko zutela. Alkartasuna Dantza Taldekoek egin zioten ohorezko aurreskua eta ondoren dantzaldia hasi zen herriko plazan. Arratsaldean, Elantxobetik bueltan Mundakan egin zuten geldialdia eta Bermeora bueltatu ziren. Sirena hotzarekin sartu ziren [...]


Bermeoko Udaleko Merkataritza, Sustapena eta Turismo sailak merkataritza indarberritzeko ekintza planari buruz eztabaidatu nahi du merkatariekin. Beraien ustez, «ezinbestekoa» da horien iritziak jasotzea. Gai horri buruz eztabaidatu asmoz, batzar bat antolatu dute uztailaren 25erako, eguaztena. 15:00etatik 17:00etara izango da Bermeoko Behargintzaren bulegoetan. Udalak Bermeoko merkatari guztiak gonbidatu ditu horretan parte hartzera. Bilera horretan, lehenik eta behin bertaratutako merkatariei Bermeoko Merkataritza Planaren laburpena egingo diotela jakinarazi dute. Ondoren, etorkizunera begira ipiniko dira, eta aurrera begira lan egiteko lerro posibleak aurkeztuko dizkiete merkatariei. Gaur egungo merkatal egoera aztertu ondoren, merkataritza indarberritzeko ekintza plana abian jarri nahi duela adierazi du Bermeoko Udaleko Merkataritza, Sustapena eta Turismo sailak. Erosketa ohiturak aldatu «Merkatal zentroen eskaintzak, ezagutza gizarteak eta ekonomia barriak direla eta, emon diren aldaketek herritarren erosketa ohiturak aldatu dituzte eta horregatik Bermeoko merkataritza indarberritzeko ahaleginak egin behar dira», azaldu dute Bermeoko Udaletik. Lan horren bidez, hirigintza, merkataritza eta administrazio ekintzak biltzen dituen hobekuntza plan bat egiten ari dira. Halanda be, Bermeoko Udalak ez du bakarrik egin gura merkataritza indarberritzeko plan hori. Horien ustez merkatarien iritzia eta parte hartzea «ezinbestekoa» baita plana garatzeko. Horregatik eguaztenean egingo duten batzarrean parte hartzera animatu gura ditu herriko merkatari guztiak. Batzarrera joateko interesa duten merkatariei aurretiaz Behargintzarekin (94-617 91 [...]

Parot Doktrinaren kontrako hilabetearen barruan, Busturialdeko Herrirak hitzaldi bat antolatu du 197/2006 doktrina zer den azaltzeko. Hitzaldia Zubietaerrota eraikinean emongo dute barikuan, eta hizlariak 19:30ean hasiko dira berba egiten. Hizlarieta...



Bedaruko, Eako eta Natxituko gazte eguneko lehenengo kamiseta lehiaketa Txaber Larreategi natxituarrak irabazi du. Larreategi azken momentuan aurkeztu zen lehiaketara, baina antolatzaileek kamiseta diseinu ederrena egin duela ondorioztatu dute, lan guz...

Gernikako bonbardaketarem aurreko momentuak, bonbak herriaren eta herriatarren gainean jausten ziren uneak, sua, izua, heriotza… irudikatu zuten herriko hainbat taldek, eragilek eta norbanakok 75. urteurreneko Gernika Sutan antzezpenean. Orain, antzezlan horri jarraipena emoteko batu dira barriro be. Orain 75 urte gertatu zena biziko dute datorren urtean be Gernika-Lumon. Momentuz, horretarako asmoa erakutsi du, behintzat, herriko talde batek. Ez dira Carlos Panera eta Eneritz Artetxe zuzendari eta koordinadore lanetan ariko; oraingoan, herritarrek hartu beharko dute ardura hori. Izan be, hamar bat laguneko taldea osatu gura dute hurrengo urteetako antzezpena koordinatu eta dinamizatzeko. Talde horretako batzuk, gainera, beste ardura batzuk be izango dituzte; hala nola, bakarlarien eta koruko abeslarien entseguez arduratu beharko dira, esaterako. Egitura bera mantenduta Hala adostu zuten, behintzat, atzo Elai Alai aretoan egindako batzarrera bertaratu ziren 20 bat lagunek. Antzezpenean parte hartuko duten herritarrentzako jantziak, behintzat, badituztela azaldu dute, eta baita liburuxkak be. Antzelana bera be eginda dago; izan be, egitura mantenduko dute hurrengo urteetan be, Paneraren eta Artetxeren eskaeragaz bat eginda. Hurrengo hitzordua urriaren 9an jarri dute, Gernika-Lumoko Elai Alai aretoan, 20:00etan. Ordura bitartean, talde dinamizatzailea bakarlariekin harremanetan jarri beharko da, parte hartzeko prest dauden galdetzeko. Aurrekontua be egin beharko dute, dirulaguntzarik jasotea posible den jakin dezaten. Dena [...]
