Orokorra

Herriko gazteekin elkarlanean, Gazte Plana diseinatuko du Busturiko Udalak

Herriko gazteekin elkarlanean, Busturiko Udalak Gazte Plana garatu gura du. Horregatik, domekarako Gazte Foroa deitu dute. Bertan Busturiko gazteen egoeraz ariko dira besteren artean, «Busturiko egoera zehatza zein den haunartzeko eta alternatibaik eraikitzeko». Urremendi Landa Garapenerako Gazte Planaren baitan egon zen Busturiko Udala iaz arte, «handik ateratzea erabaki genuen Busturiko Gazte Plan propioa garatzeko asmoa genuelako. Busturiko gazteengandik sortua eta Busturiko gazteentzako, hain zuzen be. Gainera, hori egiteko asmoz gure programan jasota zegoen», azaldu du Miren Fatima Malaxetxebarria Busturiko alkateak. Gazte Plan hori eratzen joateko lehenengo Gazte Foroa deitu dute domekarako. 18:00etan ipini dute hitzordua Axpe auzoko Aingerubide Kultur Etxean. Etorkizunerako asmoak Gazteekin batzartuko direla azaldu du alkateak, «beraien beharrizanak zuzenean jasotzeko eta etorkizunera begira zein asmo dituzten jakiteko, besteak beste. Bertatik ateratakoarekin eta beraiekin batera eta hori da garrantzitsuena, batera egingo dugula, Busturiko Gazteentzako Plana diseinatuko dugu». Malaxetxebarriak jakinarazi duen moduan, iazko aurrekontuetan Gazte Plan hori diseinatzeko diru kantitate bat zuzendu zuten, halanda be, «oraindik ez da gauzatu». Herriko gazteak «oso aktiboak eta parte hartzaileak» direla nabarmendu du alkateak, «herrian egiten diren gauza guztietan laguntzen dute, gauza askorekin arduratzen dira baina zuzenean lan hori egiteko ez gara oraindik gelditu». Domekan egingo duten Gazte Foro horretatik agian ordezkaritzaren bat atera [...]

Busturiako Hitza

4.700 gramoko perretxiko bat hartu du gernikar batek

Gernika-Lumoko bizilagun batek, 4.700 gramoko perretxiko bat hartu zuen, herenegun. Perretxikoa ez da jangarria, baina ohikoak baino askoz tamaina handiagoa dauka. Gaur goizera arte, Leizar Tabernan egon da ikusgai, eta hara sartu diren bezeroak oso ha...

Busturialdeko Hitza

Gaztaren enkantea

Busturialdeko Hitza

Aurki kaleratuko du Josu Bergarak bere hirugarren diskoa

Aurki kaleratuko du Josu Bergara Eako kantautoreak bere hirugarren diskoa: Katiuska gorriak. Aurtongo martxoan hasi zen grabaketa lanekin Bergara, eta Durangoko azokan plazaratzeko asmoa du. Hamaika kantuz osatutako diskoa izango da hirugarren hori, ze...

Gautegiz Arteagako Hitza

Astelehentxutxu eguna aurkeztu dute gaur Gernika-Lumoko gazteek

Urtebete zain egon ostean, Astelehentxutxu egunean murgilduko dira zapatuan Gernika-Lumoko gazteak, beste behin. Euriari eta hotzari aurre eginez, goizetik gauera bitarteko egitarauaz gozatzeko aukera izango dute Astelehentxutxugaz bat egiten dutenek. Besteak beste, paella txapelketan parte hartuko dute etzi, Gernika-Lumoko merkatu plazara gerturatzen diren hainbatek. Behin kazolak aurkeztuta, alkarregaz bazkalduko dute lehenago prestatutako janaria. Arratsalde eta gau partean, gainera, musikaz girotuko dute eguna, DJ Txutxuk eta Oxabi erromeriak. Aurtengo Astelehentxutxu eguna aurkezteko prentsaurrekoa egin dute gaur, Gernika-Lumon, eta bertan azaldu dutenez, «Astelehentxutxu bera ez da ez zapatuan hasiko ezta amaituko be». Izan be, aipatu dutenez, «bere ekintzak ez dira egun horretara mugatzen, beste hainbat eta hainbat antolatu izan baitira urtean zehar». Harremanak sendotzeko asmoz Adin ezberdinetako gernikar gazteen arteko harremanak eta komunikazioa lantzea eta indartzea izan da hasieratik ekimen horren helburu nagusia. Hori dela eta, beste behin, egun horri lotutako asanbladak herriko lonjarik lonja ein dituzte aurten be. Halanda be, aurten beste helburu bat be gehitu diote aipatu ekimenari; hain zuzen be, herritarrak TXUa izatea gura dute ekimenaren bultzatzaileek. Alegia, «pertsona parte hartzailea, aktiboa, antolakuntzan dabilena, Astelehentxutxun zein beste herriko hainbat arlotan lan egiteko borondatea erakusten duena, parrandazalea, jende berria ezagutzea gustuko duena, lonja edo txoko baten euliei begira geratzen ez [...]

Busturialdeko Hitza

Gidabaimena euskaraz atera dutenek zabalik dute diru laguntza eskatzeko epea

Gidabaimena euskaraz prestatu eta azterketa euskaraz egin dutenek Bermeoko Udalak horretarako emoten duen diru laguntza eskatzera hurbil daitezke jada. Eskaerak Berh@z bulegoan egin beharko dituzte eta azaroaren 10a izango da horretarako azken eguna. B...

Bermeoko Hitza

‘Izurdia’ atunontziak tiroka piraten erasoarengandik alde egitea lortu du

Indiako ozeanoan, nazioarteko uretan zela, piratek eraso egin zioten Bermeoko Atunsa enpresako Izurdia atunontziari, atzo arratsaldean. Atunontzia Somaliako kostaldetik 290 miliara zegoela azaldu dute, Mogadiscio parean, hain zuzen be. Adierazitakoaren...

Bermeoko Hitza

800 kilotik gora bildu ditu Madariaga Dorretxeko gune solidarioak

Elikagaiak, jostailuak eta arropak bildu ditu Euskadiko Biodibertsitate Zentroak horretarako bereziki ipinitako gune solidarioan. Guztira, 800 kilo baino  gehiago batu dituztela jakinarazi dute. Urtarrilaren 2ra arte zabalik izan duten gune horretan 654 kilo jostailu, 184 kilo arropa eta galtzen ez …

Busturiako Hitza

Irrien Lagunak ASINSOCen ongintza jaialdian egongo dira

ASINSOCek ongintza jaialdi bat antolatu du, Elbarriak Gizarteratzeko Elkartearen gastuak ordaindu ahal izateko. Juan Ignacio Intxausti elkarteko presidenteak jakinarazi duenez, “krisiak gogor kolpatu ditu gizarte eragileak”, eta ez dute nahikoa dirurik eguneroko gastuak ordain ahal izateko. Presidenteak nabarmendu duenez, diru laguntzak asko gutxitu dira, eta Gernika-Lumoko elkarteak hondakinak baino ez ditu jaso. Hala, bizirauten jarraitze aldera, jaialdi bat antolatzea erabaki dute. Ongintza jaialdia urtarrilaren 11an egingo dute, eta bertan, Irrien Lagunek parte hartuko dute. 16:30eatik aurrera, Martinbertso, Tiritatxo, Largabista, Marikalanbre, ,eta gainontzeko Irrien Lagunak, Jai Alai frontoian batuko dira. Jaialdiari amaiera emoteko, bestalde, zezen entzierro txiki baten parte hartzeko aukera izango dute bildutakoek. Sarrerak hilaren 21etik 29ra erosiz gero, hamar euro ordaindu beharok dituzte interesatuek. Hain zuzen, Gernika-Lumoko Merkatarien Elkartearen dendetan jarriko dituzte salgai txartelak. Modu berean, ASINSOCen egoitza be erosi daitezke sarrerak, 09:00etatik, 15:00etara. Hilaren 30etik Urtarrilaren 10era, bestalde, BBKren bulegoetan erosi ditzakete sarrerak Busturialdeko biztanleek. Txartelak BBK erosiz gero, hamabi euro ordaindu behar dira. Intxaustik jakinarazi duenez, “udalaren baieztapena itxaroten” dabiltza, baina arazorik ez dela egongo deritzote. Aurretik be, jaialdia atzeratu behar izan dutela esan dute, baina baikor azaldu dira. Halanda be, erantzuna lehenbailehen jasotzea eskatu dute, guztia lotu behar baitute denbora tarte labur baten. Azaroaren 9an egin [...]

Busturialdeko Hitza
Gehiago