
LAB, ELA, UGT eta CCOO sindikatuek deituta, Bizkaiko kontserba eta arrain gazituen sektoreko langileak manifestazioan batu dira gaur Bermeon, patronalak lan hitzarmenaren negoziazioa "blokeatuta" duela salatzeko.

Gernika-Lumoko Udalak Inma Ruiz atleta gernika-lumotarra omendu du. Europako, Espainiako eta Bizkaiko Pista Estaliko Txapelketetan lortutako garaipen, ohorezko postu eta markak gogoan izan dituzte, tartean, 800 metroko munduko errekorra eta 400eko Espainiakoa.

ELA eta LAB sindikatuak deituta mobilizatu dira gaur langileak, eta bi orduko lanuzteak eta elkarretaratzeak egin dituzte.

Palestinak "amets egiteko duen eskubidea" aldarrikatuko dute zapatuan Donostian, Gernika-Palestinak deituta. Herri ekimenak salatu du "palestinarren aurkako bortizkeriak ez duela etenik". AEBen eta Israelen "inpunitatea" gaitzetsiko dute, eta nazioarteko justiziak bere bidea egin behar duela aldarrikatu.

Gernikan gazteek kudeatutako gaztetxea "beharrezkoa" dela aldarrikatu du Egurre Gazte Asanbladak, berreskuratu zutenetik urtebete igaro denean.

Aixerrotape Zikloturista Elkarteak emakume txirrindularien lehen irteera antolatu du domekarako [apirilak 26]. 09:00retan jarri dute hitzordua, Merkurion.

Apirilaren 26an eta maiatzaren 3an nahiz 10ean lehiatuko dute Ajangizko XII. Esku Pilota Txapelketa. Beste behin "harrobia eta goi mailako partiduak" uztartuko ditu lehiaketa herrikoiak, Euskal Herri osoko pilotarien parte hartzeagaz.

Urdaibaiko 40 eragile inguru elkartu ziren atzo [apirilak 21] Gernika-Lumon, Eusko Jaurlaritzako Segurtasun Sailak antolatutako Basque Segurtasun Foroaren 24. bileran.

Datozen asteotan hasiko dituzte Elantxobeko portuko ainguratze gunearen konponketa lanak, eta uztailaren hasierarako amaituta egotea aurreikusi dute.