Eskualdeko eta Bizkaia, Araba eta Gipuzkoa mailako "hamabost erakundetik gora" hartu ditu Gernika-Lumoko Jai Alai frontoiak gaur goizean [urtarrilak 31], Busturialdeko I. Boluntariotza Azokan. 300 gazte baino gehiago bildu ditu "boluntariotza kulturaren grina" pizteko azokak.
Gernikako gerra presoen ospitale militar izandakoa memoria leku modura seinaleztatu dute gaur [urtarrilak 31]. Bertan zendutako zenbait gatiburen senideak egon dira, Pipergorri elkarteko lantaldeaz gain. Ordezkari politiko eta instituzionalek "memoria demokratikoan urrats handia egin dela" azpimarratu dute.
HITZAk Busturialdean WhatsApp kanala zabaldu du albisteak, informazio interesgaria, eskualdeko gaurkotasuna jarraitzeko beste modu bat emateko.
Kandelario, San Blas eta Santa Ageda ospakizunek hartuko dituzte, neguaren gordinenean, Busturialdeko bazterrak.
Publikoa, gertukoa eta familiarra. Pertsonengan oinarritutako hezkuntza ardatz duen eskola da Gautegiz Arteagako Montorre herri eskola, ikasle zein familiei arreta pertsonalizatua eskaintzen diena. Naturagaz harremanean dagoen zentroa ere bada, eskola komunitate aktiboduna.
Bermeoko Udalak 30.902.128,66 aurrekontua onartu du; EH Bildu eta Guzanen aldeko botoekin. EAJ abstenitu egin da, "proposatutako finantzaketa ereduarekin bat ez datorrelako".
Bermeoko Udalak 30.902.128,66 euroko aurrekontua onartu du 2025. urterako, EH Bildu eta Guzanen aldeko botoekin. EAJ abstenitu egin da. Aurrekontu "sozialak, feministak, herrikoiak eta euskaldunak" direla zehaztu du Nadia Nemeh Bermeoko alkateak.
Gaur aurkeztu dute Gernikako Bakearen Museoak apirilaren 20a arte hartuko duen `Haurtzaroa gerran dagoen mundu batean` erakusketa. Hainbat azpigaiz eta artelanez baliatuz, gerrak haurrengan duen eraginaz hausnartzea bilatzen du erakusketak, besteak beste.
2016az geroztik, elkar saretzeaz eta lankidetzaz baliatuta, Allende Salazar Herri Ikastetxeak, Gurutze Gorriak eta Busturialdeko Gizarte Zerbitzuen Mankomunitateak jantokiko soberakinak etxez etxe banatzea lortzen dute, egunero "egoera zaurgarrian" dauden hamabost kolektibori onura eraginez. Etorkintza Fundazioaren, Kaltzada Egoitzaren eta Maierren laguntza "berebizikotzat" dute.
Estreinatu dute ‘Loa eta Laia’ euskarazko marrazki bizidunen hirugarren denboraldia, eta hamar ataletan, musikak bizitzan duen garrantzia azpimarratuko du. ‘Bizitzaren melodia’ izenburupean, besteren artean, bakearen aldeko aldarria eta Maritxu Tellatukoaren omenezko kanta dira osagai berri batzuk.
Herritarrek otsailaren 19ra arteko epea dute Busturialdea-Urdaibaiko Plan Estrategikoan parte hartzeko; galdetegi baten bitartez egin beharko dute hori.
Lea-Artibai, Mutriku eta Busturialdeko HITZAk parte hartze saioak deitu ditu otsailerako.
Herritar Kazetaritza Burujabeak eta Gune Irekiaren Lagunak taldeek Independentea Eguna antolatu dute zapatuan [otsailak 1]. Goizean gune irekia zabalduko dute Astran, eta gero, bertso bazkarian elkartuko dira.
Jose Mari Gorroñok Felisa Musatadi eta bere senideak hartu ditu gaur (urtarrilak 30) udaletxean, bere ehungarren urtebetetzeagatik omenaldia egiteko.
Zirkuituaren geraleku izan nahi duten herriek zabalik dute eskaera egiteko epea.
Mugi, Dantza Mugimendu Terapiak eskainiko du Gizarte Ongizaterako Sailak "emakumeen ahalduntzea eta jabekuntza" sustatzeko antolatutako bost saioz osatutako tailerra. Lehenengo saioa bihar [urtarrilak 29] izango da, 18:00etan, udal zaharren egoitzako gimnasioan.
Aulestin lehiatu dituzte asteburuan Zaldi Nagusien eta Kinttopekoen Euskadiko Txapelketak, eta denetan onenak izan dira Jatetxe Nabarniz eta Angel Txertudi, zaldi mando eta kinttopeko lehietan, hurrenez hurren.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
