
Domekan, hilaren 25ean, egingo dute Gernika-Lumoko Calzada zaharren egoitzaren urteroko jai handia. Urriko azken astelehenenean enkantean saldutako bi gazta erdiengatik ordaindutakoaren txekeak jasoko dituzte egun horretan egoitzako arduradunek. 11:00e...

Nuntxaku Kultur Elkarteak «ezin du gehiago itxaron» eta Kapillako itoginak konpontzen hasiko direla jakinarazi dute. «Auzolanean eta denon artean zuloak estaliko ditugu», diote. Hori dela eta, herritar guztiei laguntza eskatzen die. Antzinako Jose Done ikastetxean kokatuta dagoen Kapillan dauden itoginak «gero eta gehiago direla-eta», Nuntxaku Kultur Elkarteak teilatura igotzeko erabakia hartu du, «ahal duten neurrian zulorik handienak estaltzeko asmotan», adierazi dute. Udalak ez ditu lanak egin Elkarteko kideek adierazi dutenaren arabera, «orain dela urte bat Bermeoko Udalak Kapillan obrak egingo zituela esan zigun, baina antzadenez, diru kontuetan arazoak daude eta atzeratu egin da obrak martxan ipintzea». Urte bat pasa ondoren, «gehiago ezin dutela itxaron» diote eta nahiz eta badakiten «ez dela behin betiko konponbidea» izango, auzolanean itoginak konpontzen hasteko erabakia hartu dute, eta horrela jakinarazi diote idazki batean Udalari. «Udalarekin harremanetan jarraitzeko prest agertu gara, baina bitartean, horiek estali behar ditugu». Joan den zapatuan Kapillan egin zen kontzertua gelditu eta elkarteko zenbait kide agertoki gainera igo zirela jakinarazi dute, «kontzertua horrela gelditzea ez zaigu gustatzen baina ez badugu ezer egiten ez da kontzertu gehiagorik egongo», adierazi dute. Horrela, bertaratu ziren guztiei egoeraren barri emon zioten. Itoginen eraginez, batzuetan argindarra joaten dela diote eta horrek «aparailu elektronikoak apurtzeko arriskua ekar dezakeela» [...]


Herriko perretxikozaleek antolatuta, domekan perretxiko eta onddo erakusketa egingo dute udaletxe- ko enparantzan. Erakusketa 11:00etan zabalduko dute, eta 14:00ak aldera zarratuko dute. Ibarrangelura doazenek perretsikoak dastatzeko aukera izango dute...

Gabirel Ezkurdia politologoak hitzaldia emongo du Zubietaerrota eraikineko liburutegian, barikuan. Erdu Gatze Taldeak antolatuta, krisi ekonomikoari aurre egiteko neurri eraginkorrenari buruz egingo du berba: independentzia eta sozialismoa. 20:00etan hasiko da hitzaldia.…

Argiztapena hobetu eta handitu asmoz, Morgako Udalak farolak barrituko ditu hiru auzotan. Hain zuzen, Erroteta, Meaka eta Menike auzoetan argi puntu gehiago jarriko ditu, egun dauden kale argiak ordezkatzeaz gain. Egungoak zahartuta daudela eta, farola...

Busturialdeko eta Txorierriko hamasei ekoizle batzen dituen Morgako Talleri upategiak zilarrezko bi domina irabazi ditu Vienako nazioarteko sariketa baten. Adituen ustez, International Wine Challenge-a munduko lehiaketa garrantzitsuena da, eta han batu...

Liligiro bertso afarien hirugarren saioa Gernika-Lumoko Harizpe txokoan egingo dute, barikuan. Eskualdeko bertsolari parte hartzaileak Ander Elortegi natxituarra eta Ibon Ajuria gernikarra izango dira; eta bertsolari gonbidatua, bestalde, Igor Elortza durangarra. Afarirako txartelak herriko lau tabernatan erosi daitezke: Arranon, Aterpen, Ospan eta Lagun Etxean. 21:30ean hasiko da afaria, eta ostean, bertsolarien txanda izango da.

Busturialdeko Gizarte Zerbitzuen Mankomunitateak antolatuta, bihar hitzaldi bat emongo dute Mendatan, ‘Zainduz’ programaren barruan. Hizlariek autonomia pertsolala nola mantendu irakatsiko dute. Eleizalde auzoko Elizoste eraikinean emongo dute hitz...

Perretxiko Eguna egin dute asteburuan Gautegiz Arteagan, eta mikologia jardunaldiak Ean. Aurten 157 mota jaso eta ipini dituzte ikusgai Gautegiz Arteagan, Miguel Angel Cubero adituaren laguntzagaz. Domekan egin zuten Antoliñape kultur elkarteak antola...

Bermeon Erabaki parte hartze prozesuaren ikasturte barria abiaraziko dutela azaldu dute prentsaurreko batean Idurre Bideguren Bermeoko alkateak eta Juan Karlos Agirre Partaidetza Saileko zinegotziak. Lau lan taldek jarraituko dutela jakinarazi dute, eta oraingoan, «bizikidetza-araudia landuko eta eztabaidatuko da, pertsona ezinduentzako bizi kalitatea hobetzeko proposamenak egingo dira, turismoa nola bultza daitekeen eztabaidatu eta kirola sustatzeko egin daitezkeen jarduerei buruz» ariko direla zehaztu dute. Bermeoko etorkizuna «guztion artean» landu gura dutelako herritarrak parte hartze prozesuan parte hartzera gonbidatu gura dituzte, «zure kolorea ekartzea» garrantzitsua delako, adierazi du Partaidetza saileko zinegotziak, «emakumeak, gizonak, nagusiak, etorkinak…denon iritziak onak dira. Baina batez be, gazteei dei egiten diegu beraien kezkak eta iritziak benetan garrantzitsuak direlako». Aurreko ikasturtean 80 herritar inguruk parte hartu zutela azaldu dute, ikasturte barriari begira, horiek jarraitzea espero dutela iragarri dute, «baina orain arte parte hartu ez duten herritarrak animatzea be» espero dutela esan dute. Lan taldeak Orain arte aritu diren lau lan taldek elkartzen jarraituko dute: kultura eta nortasuna, ekonomia eta lan mundua, ingurumena eta giza garapena. Giza garapena lantzen duen lan taldea izango da lehena batzen, azaroaren 28an izango baitute lehenengo batzarra. Horretan, pertsona ezinduak dituzten zailtasunak gainditzen laguntzeko proposamenak landuko dituzte. Azaroaren 30ean, barriz, turismoa landuko dute Ekonomia eta Lan [...]

Naia Mandaluniz gernikarra taldekide duen Naica taldea ikusteko aukera egongo da bihar gauean Bermeoko Kafe Antzokian. Boskotearen musikak ez ezik, Mursegoren freskotasunez beteriko doinuek girotuko dute aretoa, 23:00etatik aurrera. Carlos Noain hondar...

Cesar Carmona gernikarrari gurpildun aulki berri bat erosteko kanpainagaz lotuta, Xaiborrek eta Eroskik elikagaien bilketa ipiniko dute abian. Bihar eta etzi egongo da Carmonaren alde elikagaiak emateko aukera, Maxi Eroski supermerkatuan, Txaporta auzo...

Santa Katalina santuaren eguna ospatuko dute asteburuan mundakarrek. Barikuan surfa gaitzat duten filmak ikusteko aukera izango dute bai nagusiek zein umeek eta zapaturako eta domekarako hainbat dira antolatutako jarduerak. Barikuan, 19:00etan hasiko da surf filmen emonaldia. Lehenik eta behin, umeentzako saioa izango da, Locos por el Surf eta Bob Esponja y la ola gigante ikusteko aukera izango dute. Ondoren, nagusiek, 20:30ean, 2012ko urrian izandako surf biltzar lokala ikusi ahalko dute. Zapatuan goiz goizetik martxan hasiko dira sukaldari asko; izan be, XXVIII. bakailao pil-pilean txapelketa 10:00etan hasiko da. Parte hartu ahal izateko aurretiaz izena emon behar zen, eta hain zuzen be, 12 lagunek emon dutela azaldu dute Mundakako Turismo Bulegoan. 13:00etan, bakailoak prest egon beharko du ordu horretan aurkeztu beharko baitituzte kazolak. Dastaketa egin ondoren egingo dute sari banaketa ekitaldia. 20:00etan Zarata non nahi Pasakale ohiturazkoa egingo dute Plazuelatik. 21:30ean, barriz, Casus Belli musika talde mundakarraren kontzertuaz gozatzeko aukera izango dute bertaratutakoek. Gainera, egunean zehar Mundakako Surf Taldeak, taldearen XXV. urteurrena ospatzeko ekitaldi desberdinak antolatuko dituela jakinarazi dute. Domekan, santuaren eguna 10:30ean emongo diote hasiera Santa Katalina egunari bolanderekin eta altzaferoekin. 12:00etan, Mesa Nagusia egongo da Santa Katalina baselizan eta bertan bilduko baita urtero legez udalbatza. Jarraian, Gazte Zar Dantza Taldeak [...]


Ariatza auzoko kantu afarian parte hartu gura dutenek, txartelak erosteko aukera dute dagoeneko. Garriko Bertso Eskolatik azaldu dutenez hiru modu egongo dira txartelak erosteko.
Alde batetik Atxelipe Elkartean edo Auzokoa Tabernan lortu daitezke sarrerak. Bestetik, 649.338.747 telefono zenbakira deituz emon …

Hainbat mendizale batu ziren joan den barikuan, Alex Txikonek emon zuen hitzadia entzuteko gogotsu. Saragia Kultur Alkarteak antolatuta, Ariatzako eskola zaharrean emon zuen hitzaldia lemoarrak. Gasherbrum I-era neguan igotzeko lehen saiakeran parte hartu zuen, eta han bizitakoaren berri emongo zuen Muxikan.

Berbalagunek mendi irteera antolatu du zapaturako. Irteeran parte hartzen duten mendizaleek hamalau kilometroko ibilbideari egingo diote aurre. Berbalagunkideek Gernika-Lumon hasiko dute ibilaldia, Errigoitirantz joanez. Errigoitiko zenbait auzo bisitatu ostean, bestalde, Gernika-Lumora bajatuko dira barriro. AEK edo Udal Euskaltegian emon beharko dute izena interesatuek. 09:00etan hasiko da mendi irteera.

Errigoiti Arrieta Garbi plataformak hiru urte beteko ditu egunotan. Hala, data berezia gogorratzeko, lagunarteko afaria antolatu dute plataformako kideek, zapaturako. Afaria Morgako Poli Jatetxean egingo dute, eta jatetxean bertan emon behar dute izena interesatuek. Hain zuzen, barikua izango da izena emoteko azken eguna. Afaria 22:00etan hasiko da,baina aurretik, poteoa egingo dute bildutakoek.

Urtero egin moduan, Eusko Alderdi Jeltzaleak (EAJ) Sabino Aranari omenaldia egingo dio Sukarrietako kanposantuan. Aurtengoa, Arana hil zeneko 109. urteurreneko ekitaldia izango da eta domekan egingo dute, hain zuzen be. 10:10ean Sukarrietako kanposantu...