
Gernika-Lumoko eta Busturialdeko hautagaiak aurkeztu zituen Bilduk barikuan, Gernika-Lumoko Foru plazan egin zuen ekitaldian. Zutunik edota eserita entzuten ziren ehunka herritarren artean 2007an hasitako aldaketaren bide beretik lider izateko asmoa agertu zuen Gernika-Lumoko alkategai Jose Mari Gorroñok. “Etorkizunari begirako herria gura dugulako bultzatu eta bultzatuko dugu aldaketa, denok gustura biziko garen herria gura dugulako”. Hala, azken urteetan egindakoa gogorarazi eta aste honetan bertan milioi eta erdi euro hartuko dituztela esan zuen Gorroñok, “Astrako eraikina berreskuratzen hasteko”. Euskal Herrian erreferente izango diren bi eraikin egin gura ditu Bilduk. “Ekodiseinua landuko duen goi mailako zentroa eta energia berriztagarrietan espezializatutako lanbide heziketarako ikastegia”. Enpresa haztegia be badu Bilduk egin beharreko egitasmoen artean, eta Ibarrako enpresa parkea martxan jartzearen beharrizana be aipatu zuen Gorroñok, lanpostuak sortzeko, “berton gura dugulako lan eggin eta bizi”. Hala, Gernikak eskualdeko ekonomia hazteko motorea izan behar duela aipatu zuen. Industria ondo joanez gero, merkataritza, ostalaritza eta turismoa be ondo joango delako, Gorroñoren esanetan. Bizkaiko Batzar Nagusietarako Busturia-Uribe barrutirako hautagai Idoie Erraztik be berba egin zuen barikuan, Gernikako ekitaldian. Euskal Herriak aldaketa behar duelako, Bilduk proeiktu “anbiziotsua” dakarrela aipatu zuen Erraztik: “Errealitatea errotik aldatzea”. Baita Busturialdeak bizi duen errealitatea be. “Krisi garaian lanpostu asko galdu dira, baita krisialdiaren aurretik be, [...]

Eguraldiak baldintzatuta iritsi da Bermeoko XVII. Arrain Azoka. Atzo, eguraldia lagun, hainbat izan ziren Lameran kokatutako 30 erakustokiak bisitatzen izan zirenak, eta salmentak be onak izan zirela nabarmendu zuten saltzaileek. Gaur, ostera, euripean esnatu da Bermeo eta, ondorioz, goizean zehar bisitariei dagokienez goibel samar egon da Lamera, salmentetan be eragina izanik. Eguerdirako, halanda be, eguraldiak hobera egin du, bisitari kopurua be gehituz. Saltzaileetako askok, dena den, salmentak ez direla beste urte batzuetako bestekoak izaten ari nabarmendu dute. Krisi ekonomikoa eta Arrain Azokaren data aurreratu izana aipatu dituzte, besteak beste, arrazoi legez. Produktuei dagokienez, bestalde, eskaintza zabala ipini dute enpresa erakusleek bezeroen eskura: hegaluzea, hegalaburra, antxoa, bakailaoa, itsaskiak… Produktu barritzaileak be aurkeztu zituzten zenbait enpresak, arrain mota ezberdinekin egindako pateak, pizzak, entsaladak edota hostoreak, esate baterako. Salmentak salmenta, bide erdia baino gehiago egina dauka dagoeneko XVII. Arrain Azokak, baina oraindik bada Bermeon zer egin, zertaz gozatu eta zer erosi, gaur eguerdira arte izango baita azoka zabalik. Hasierako orduak 11:00etan hasi zen atzo hamazazpigarren Arrain Azoka, erakustokien eta saltokien irekieragaz. Ohi legez, ordea, ordubete beranduago egin zuten inaugurazio ekitaldi ofiziala. Hiru eguneko egitarauari bide emon zion zintaren mozketan Nieves Teran Arrantza sailburuordeak, Izaskun Bilbao EAJren europarlamentariak eta Espainiako kongresuko EAJren diputatu Josu [...]

Gernika Rugby Taldeko bigarren taldeak Nazional 1.mailara igotzeko azkeneko oztopoa gainditu behar izango du Ejea taldearen (Zaragoza, Espainia) aurka. Kanporaketa partiduak bihar eta datorren astean jokatuko dira; lehenengoa, Gernika-Lumoko Urbieta ze...




Bermeoko Aralarrek udal kudeaketa “hurbila, gardena eta parte-hartzailea” sustatzearen alde agertu da. Hala, pribatizazioaren aurrean udal kudeaketa zuzenari lehentasuna emongo diola nabarmendu du, Udalak garbitasunez jokatuko duela ziurtatuz. Bermeoko saihesbidea eta Sollubeko tunelak behingoz gauzatzeko be eskatu du Aralarrek. Bestetik, gizarte etxebizitzak alokatzeko helburuagaz sortzearen alde agertu da, “alokairuaren prezioa errenta aitormenaren arabera ezarriz”. Bermeotarren benetako etxebizitza beharrak ezagutzeko ikerketa sakona egin beharko litzatekeela deritzo; baita hutsik dauden etxebizitzen zerrenda sortu beharko litzatekeela be. Hezkuntza arloari dagokionez, ikastetxe eta pentsioetako jantokietan autogestioa bultzatu beharko litzatekeela uste du Aralarrek, catering ereduen aurka agertuz, herriko produktuen aldeko apustu bat eginez eta Bermeoko arrantzale eta nezakarientzako merkatu barria sortuz. Bermeo inguruko baserri guneetan azpiegiturak “behingoz gaurkotu” behar direla be iritzi dio Aralarrek. Udala Uematik atera zela eta, erabaki horren kontra agertu da eta barruan behar lukeela nabarmendu du. Bestetik, Osakidetzaren aurrean Udala osasun beharrizanen eta zerbitzuen deszentralizazioaren kontrako bozeramailea izan behar dela dio Aralarrek. Bermeoko enpresen arteko elkarlana bultzatuko dituela be esan du alderdi horrek, “aldaketei aurre egiteko herriko berezko marka bat sortuz”. Etengabeko formakuntza eta kalitatea bermatzen duten neurriak hartzearen alde eta azalera handiko merkatuen aurrean herriko dendari eta pymeei lehentasuna ematearen alde be agertu da. Kulturak behar duen eraikuntza publikoen zentzuzko [...]

Ez da askorik falta Udal eta Foru hauteskundeetarako. Horregatik, Bermeoko Bilduk Idurre Bideguren zerrendaburu duen hautagaitza aurkeztu du. Bidegurenek azaldu duenez, «etorkizunera begirako proiektua da Bildu». Maiatzaren 22an ez ezik, gerora be lanean ariko direla azaldu du bermeotarrak. Hainbat konpromiso hartu ditu Bermeoko Bilduk. Besteak beste, «euskararen normalizaziorako eta normalkuntzarako lan» egingo dutela aipatu dute Bilduko hautagaiek. Horrez gain, «herri jasangarriaren eta ekologikoaren alde» be egingo dutela aitortu dute. «Herriaren garapenean lan» Herritarrak eztabaidagunetan egotea gura dute Bildukoek eta, horregatik, eredu parte-hartzailea bultzatzea «ezinbestekotzat» du Bidegurenek. Hori dela eta, herriko kultur taldeekin harremanetan egongo direla azaldu du zerrendaburuak. «Herriaren garapenean lan egingo dugu», esan du Bidegurenek. Horrez gain, «eskubide sozialak, politikoak, zibilak eta ekonomikoak bermatuko» dituzte. Laburbilduz, Euskal Herrian «benetako aldaketa» bat lortu arte «lanean jarraituko» dutela esan du zerrendaburuak. Izan be, Euskal Herrian «aldaketa sozial eta politiko baten beharra» ikusten du. Bildu Bermeo. Hautagaiak Idurre Bideguren Gabantxo Josu Unanue Juan Carlos Goienetxea Beitia Irune Ormaetxea Legarreta Juan Carlos Agirre Pankote Aingeru Astui Zarraga Amaia Elorza Elortegi Josune Barturen Ortega Gaizka Gabantxo Zabala Ana Tere Bengoetxea Uriondo Nagore Barturen Uribarri Joseba Begoña Irazabal Asier Larrauri Unanue Bihotza Unanue Mentxako Asier Beitia Diego Begoña Lalluno Bilbao Urko Goitia Barbas Margari Mendoza [...]

Gernika-Lumoko udaltzainek bikote bat atxilotu zuten atzo gauean, bi urteko ume bat bahitu nahi zutelakoan. Ondoren Ertzaintzaren esku utzi zituen, eta laster bidaliko dituzte epailearen aurrera. Polizia iturrien arabera, atzo gaueko zortziak alde...


Aurtengo trainerilla denboraldiko bosgarren eta seigarren estropadak jokatuko dira asteburuan, Elantxoben. Beste askoren artean, eskualdeko arraunlariak izango dira bertan. Estropada horiekin agurtuko dute trainerilla denboraldia arraunlariek. Hainbat urtetan galduta egon den ohitura berreskuratzea lortu zuten iaz Elantxobekoek; izan be, trainerilla estropadak jokatu ziren iaz, hainbat urteren ondoren. Ohitura hori mantenduz, aurten be trainerilla estropadez gozatzeko aukera izango da Elantxoben. Iaz eguraldi «kaskarra» izan zutela eta ia estropada «atzeratu» egin behar izan zutela aipatu du Elantxobe Arraun Elkarteko presidente Patxi Egurrolak. Aurten, ostera, denbora lagun izatea espero dute antolatzaileek. Bihar, 16:00etan hasiko dute trainerillek norgehiagoka eta etzi, ostera, 11:00etan. Egun bi horietan eskualdeko arraunlariek be parte hartuko dute; hala nola, Bermeoko, Mundakako, Elantxobeko, Lekeitioko zein Ondarruko arraunlariak izango dira bertan. Egurrolak aipatu duenez, portua «itxita» egongo da autoentzat, estropadak direla eta. Asteburuko estropada bi horiekin agurtuko dute aurtengo trainerilla denboraldia arraunlariek; izan be, datorren asteburuan, Bizkaiko trainerilla txapelketarako sailkapena eta finala jokatuko dituzte. Aurtengo trainerilla denboraldiko bosgarren eta seigarren estropadak jokatuko dira asteburuan, Elantxoben. Beste askoren artean, eskualdeko arraunlariak izango dira bertan. Estropada horiekin agurtuko dute trainerilla denboraldia arraunlariek. Hainbat urtetan galduta egon den ohitura berreskuratzea lortu zuten iaz Elantxobekoek; izan be, trainerilla estropadak jokatu ziren iaz, hainbat urteren ondoren. Ohitura hori [...]

XIV.San Isidro txirrindularitza Sari Nagusia jokatuko dute etzi, Eako Natxitua auzoan parte-hartzaileek. Guztira, 118 kilometro ingurutan aritu beharko dira txirrindu gainean. Natxituan hasi eta bukatuko dute lasterketa. Gernikesa Txirrindulari Elkateak antolatu du urtero legez, aipatu proba. Etzi, beraz, 16:00etan emango diote hasiera lasterketari. Natxituan hasiko dute txirrindulariek lasterketa eta helmuga be bertan izango da. Lasterketako ibilbideak, guztira, 118 kilometroko distantzia izango du. Ibilbidean zehar inguruko hainbat herritatik igaro ebharko dute parte-hartzaileek; besteak beste, Ibarrangelutik, Gautegiz-Arteagatik, Sukarrietatik, Ispasterretik eta Ereñotik. 23 urtez azpikoentzat Aipatu lasterketa 23 urtez azpikoen txapelketarako puntuagarria izango da. Iazko proba hau gaur egun Euskaltel taldekoa den Pello Bilbao gernikar gazteak irabazi zuen, Naturgas Energia taldearekin. Horrez gain, mendiko sailkapenean ere lehenengo sailkatzea lortu zuen gernikarrak. Saridun ezberdinak izaten dira proba honetan eta aurtengoan be hala izango da. Sailkapen orokorrean lehenengo egiten duenak 225 euro eta garaikurra eskuratuko ditu; bigarrenak, ostera, 175 euro eta hirugarrenak, aldiz, 160 euro. Gainera, sari bereziak emango dituzte. Hala nola, mendiko sailkapenean edo tarteko helmugetan lehenengo egiten dutenek be saria jasoko dute. XIV.San Isidro txirrindularitza Sari Nagusia jokatuko dute etzi, Eako Natxitua auzoan parte-hartzaileek. Guztira, 118 kilometro ingurutan aritu beharko dira txirrindu gainean. Natxituan hasi eta bukatuko dute lasterketa. Gernikesa Txirrindulari Elkateak antolatu du [...]


Morgako Udalak eta Labayru ikastegiak Morga, bizimoduak eta ohiturak liburua aurkeztuko dute domekan, San Isidro egunagaz bat eginez. Herriko historia eta kultura batzen dituen lehenengo liburua da berau eta herritarren laguntzagaz hiru urtean batutako...


Europaren Eguna ospatu dute gaur Barrutia Herri Ikastetxean. Eusko Jaurlaritzako Itsasmendikoi Zerbitzuaren laguntzagaz, hainbat jarduera izan dituzte eskolan. Hainbat ekitaldi egin dituzte goiz osoan zehar, eta guztiak Europara “hurbiltzeko̶...


Hautagaitzaren aurkezpenean Gernika-Lumoko Bilduren zerrendaburu Jose Mari Gorroñok nabarmendu zuenez, “herriaren alde” lan egiteko konpromisoa dauka alderdi horrek. Horretarako “ilusioagaz eta gogoagaz” daudela esan zuen Gorro...