Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Mikel Elegzabal distantzia luzeko triatletak ez du Ingalaterrako Ironmana jokatuko etzi, gerrian zuntz haustura baitu. Iaz garaipenagaz bueltatu zen Ingalaterratik, baina aurten, ez du garaipena errepikatzeko aukerarik izango. Elgezabalek azaldu duenez...

Bermeoko umeek edarto pasatzeko aukera paregabea izango dute etzi, Taraska Atletismo Taldea eta udalaren Kirol Patronatuak antolatuta, eskolarteko olinpiadetan parte hartzeko aukera izango baitute. Olinpiadak sei eta hamabi urte bitarteko umeei zuzenduta daude, eta 10:30ak aldera hasiko dute lehia kirolari gazteek. Antolatzaileek azaldu dutenez, lau gune jarriko dituzte Talan, eta gune bakoitzean, kirol mota bat egingo dute parte hartzaileek. Lehehengo gunean, pisu eta disko jaurtiketak egingo dituzte, bigarren gunean altuera jauziak egingo dituzte, hirugarren gunean luzeera jauziak egingo dituzte, eta laugarren gunean krosa lehiatuko dute bildutakoek. Olinpiadak amaitzean, bestalde, ume guztiek domina, kamiseta eta ur botila bana jasoko dituzte.

Bermeoko Udalak herritarrek lan-taldeetan emondako iritziekin garatu gura du bizikidetza udal ordenantza. Gai hori Ingurumena deritzon lan-taldeak jorratuko du biharko batzarrean. Idurre Bideguren, Bermeoko alkateak, herritar guztiak gonbidatu gura ditu lan-talde horretan parte hartzera. Bilera, 19:30ean izango da gaur Gizarte eta Kultura Etxean. Bidegurenen esanetan, «garrantzitsua da herritarrek, teknikariekin eta zinegotziekin batera eztabaidatzea eta bere iritziak emotea bizikidetza udal ordenantza guztion artean diseinatu ahal izateko. Azken finean, garatuko den udal ordenantza horrek herritar guztiongan izango du eragina». Aipatu udal ordenantzaren helburua «herriko espazio publikoak bizikidetzarako eta gizalegezko portaerak izateko gune modura babestea» dela nabarmendu du Bermeoko alkateak. Udalak garatu gura duen bizikidetza udal ordenantzak bide publikoan ekitaldiak antolatzea eta baimentzea arautuko du, besteak beste. Ildo honetan, espazio publikoan izan beharreko portaera arauak be zehaztuko dituela jakinarazi dute; eskaleen presentzia, beharrizan fisiologikoak eta alkoholdun edarien kontsumoa, hain zuzen be. Azaldutakoaren arabera, udal ordenantzak beste arlo batzuk be arautuko ditu, besteak beste, saltzaile ibiltariak, ikuspegiaren degradazioa, espazio publikoen erabilera, uri-altzariak eta animaliak. Bermeoko alkateak nabarmendu duenez, « Bizikidetza udal ordenantzak arautzen dituen arloak kontuan hartuta, interesgarria litzateke gai hori landuko duten lan-taldean herritarren parte hartzea nabarmena izatea. Izan be, guztion arteko lanaren emaitza diren proiektuak, ekimenak eta kasu honetan ordenantzak, beti be [...]


Bermeoko Alde Zaharreko Haitz Nagusije elkarteak udako azoka antolatu du zapaturako. Ez da, gainera, elkarteak antolatzen duen lehenengo azoka. Udako azoka Sabino Arana enparantzan egingo dute, ohi legez, eta 10:30eatik aurrera bertan izango direla jak...

Euskal Autonomia Erkidegoko (EAE) Auzitegi Nagusiak agindutakoari jarraituz, Gautegiz Arteagako Kanala auzoan duen etxea Udaibaiko eraikuntza legeari egokitzen hasi da Jose Antonio Ardanza lehendakari ohia. Sententzia irmoan, Bilboko Auzitegiak agindut...

Gaur 06:30ak aldera, kamioi bat errepidetik atera da Autzaganeko mendatean. Kamioia trenbidera erortzekotan egon da, baina azkenean, Herrizaingo Saileko beharginek ibilgailua errepidetik kentzea lortu dute, eta trenak normaltasunez egin du bere ibilbid...


Zapatuan Mendata Xtreme mendi bizikleta martxan parte hartu zuten Euskal Herri guztiko txirrindulariek. Udaletik azaldu dutenez, ez dakite zehatz mehatz zenbat txirrindularik parte hartu duten, baina martxarik jendetsuena izan da aurten- goa. Hala, pozarren azaldu dira probak izan duen harreragaz. Mendatakoa Euskadiko BBT Maratoi Txapelketarako bigarren proba puntuagarria be izan zen, eta Getxoko lehenengo proban bezala, Patxi Cia izan zen azkarrena. Nafarrak bi ordu 53 minutu eta 40 segundu behar izazn zituen 58 kilometroko ibilbidea amaitzeko, eta minutu bat eta 37 segunduko atera zion Eleylson Marques bigarren saikatuari.

Bermeoko Futbol Taldeak Bizkaiko Ohorezko Mailan jokatu beharko du beste denboraldi batez, iragan zapatuan Pasaiako taldearen kontra 0-2 galdu ostean. 2012-2013 denboraldian Hirugarren mailan jokatzeko Bermeotarrek puntu bat poltsikoratu behar zuten gu...