Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Organikoa biltzeko kanpainagaz bat egin dute herritar askok

Urriko lehenengo zapatua izanik, azoka berezia egongo da zapatuan Gernika-Lumoko Merkatu plazan. Hain justu, sukalkia eta ardoa dastatu ahal izango dira oraingo honetan. Betiko legez, gainera, Urdaibaiko ortuariak, ogia, euskal pastela, jogurta, patea,...

Zapatuan ospatuko dute Gernika-Lumon laugarren Euskal Jaia. Festa girorik ez da faltako egunean zehar, baina dena ez da horretara mugatuko, hausnarketarako tartea be izango baita goizean. Hain justu, Independentistak sareko kideek, Gernikako piperberde...

Azken bi urteetan erabilitako 18.000 kilo landare-olio birziklatu ditu Bermeok. Hori dela eta, herrian 20 milioi litro ur kutsatzea saihestu dela adierazi dute Bermeoko Udaleko Ingurumen saileko arduradunek. Hondakina bioerregai bihurtzen denez, 11,4 tona CO2 atmosferara bidaltzea ekiditzen da. Horregatik, Ingurumen sailetik erabilitako olioa birziklatzen jarraitzea «garrantzitsua» dela adierazi dute eta hori herritarrei helarazi asmoz, kanpaina barri bat abiarazi dute. Herritarrek etxeko buzoietan jasoko dute egunetan Bermeoko Udalak bidalitako diptiko bat, izan be, 7.000 egin dituztela jakinarazi dute. Gainera, udal erakundeetan be eskuratu ahalko dira: Berh@z bulegoan, Gizarte eta Kultura Etxean eta Turismo Bulegoan. Birziklatzeko arrazoiak Hainbat dira erabilitako olioa birziklatzeko emoten dituzten arrazoiak. Horietako bat, litro bat oliok 1.000 litro kutsatzen dituela. Azaldutakoaren arabera, harritik behera botatzen den olioak kutsatzen du, batez be, ura. Gainera, hodiak trabatu egiten direla esan dute eta hondakin horiek arratoiek jaten dutela. Bestalde, Ingurumen sailetik nabarmendu legez, «herritar bakoitzak 20 litro olio inguru kontsumitzen ditu urtean eta horretatik %10-%20 bota egiten dira. Hortaz, agerian uzten da hondaki hori gaika batu beharra dagoela». Ur-araztegiak tratatzeko kostuak be handiagoak direla azaltzen dute erabibilitako olioaren ondorioz. Era berean, olioa birziklatzean biodiesela lortzen dela adierazi dute eta energia barriztatzaile hori ez dela inoiz agortzen gogorarazten die herritarrei diptikoen [...]

Euskal enpresetara egiten dituen bisiten agendaren barruan, Bernabe Unda Eusko Jaurlaritzako Industria, Berrikuntza, Merkataritza eta Turismo sailburua Ajangizko Maier enpresa bisitatzen egon da gaur. “Automobilgintzaren sektoreko enpresa hau Eus...

Gernika Futbol Taldeak 2012-2013 denboraldiko lehen garaipena lortu du, Leioaren kontra. Leioarrak lider bezala heldu ziren Urbietara, baina gernikarrak gehiago izan ziren, eta azkenean, 2-1 nagusitu ziren. Seigarren jardunaldian denboraldiko lehen par...

Bihartik urriaren 18ra bitartean Bakea bidez bide erakusketa hartuko du Gernika-Lumoko Elai-Alai aretoak. 36ko gerrako bonbardaketak gogoratzea dauka helburu erakusketak, eta Pforzheimgo (Alemania) Achim Heinkel zilargilearen eta Roland Ruisz pintore e...

Datorren astean hasiko ditu Gernika-Lumoko Udalak Juan Calzada kalea egokitzeko lanak. Hain zuen, Pasealekuko komun publikoetatik Sarasperainoko bide zatia konponduko du udalak, oinezkoentzako espaloiak handituz. Hala, 3,1 metroko espaloiak egingo ditu...

Denboraldia ezinhobeto hasi du Bizkaia Gernika Rugby taldeak, lau partidetatik laurak irabazi baititu. Asteburuan derbia jokatu dute basurdeek, Ampo Ordiziaren aurka, eta 16-34 irabazi dute. Hartara, bost puntu gehitu ditu Gernika-Lumoko taldeak, Ohorezko Mailako buruan mantenduz. Ordizian jokatutako partidan joan den denboraldiko arantza kendu dute basurdeek, orduko hartan ligako bi partidak irabazi baitzituzten ordiziarrek. Partidako fitxa: Ampo Ordizia: Crende, Aierbe, Darkintis, del Rio, Quarrie, Alvarez de Eulate, Tudela, Groenewald, Suso, Kroll, Mattaruco, Puyadena, Simpson, Aizpurua eta Sills. Abanzabalegik, Malkorrak eta Iruarrizek be jokatu zuten. Bizkaia Gernika R. T.: Dias, Lasa, Iñigo Urrutia, Astarloa, Zabaloy, Hernandez, Magunazelaia, Amosa, Mirones, Cusack, Garcia-Parrado, Wilson, Torres, Mazzochi eta Forestier. Iraizozek, Mongek, Duranek, Lopategik, Etxeberriak eta Salasek ere jokatu zuten.

Berrehun mila kilo. Kopuru hori da Morgako Talleri upategikoek datorren denboraldiari begira ekoitzi gura dutena. Alegia, egunotan mahatsa batzeari ekin eta iaz bildutako zenbatekoa —120.000 kilo inguru— areagotzea izango da aurrerantzean haien beharra. Aurreko urteekin alderatuz, mahastiak lehenago loratu dira aurton; izan ere, 2012ko udaberria lehorra eta eguzkitsua izan da. Horren ondorioz, mahats-batzeagaz ere ohi baino goizago hasiko dira, beste hainbaten artean, Talleri upategiko ekoizleak. Egunotan hasiko dira behar horretan horiek, mahatsaren heldutasuna aztertu ostean. Bizkaiko mahastiak, oro har, bor-borrean dabiltza. Posible da, hala ere, lehorteak eraginda mahats ale horietatik muztio gutxiago ateratzea. Kalitatea, baina, primerakoa izango dela pentsatzen dute txakolin ekoizle guztiek. Talleriko kide diren ekoizleak lehenengo mune mahatsa batzen hasiko dira, eta, ostean, hondarrabi motako mahatsa batzeari ekingo diote. Izan ere, mahats mota bakoitzak bere berezitasunak eta bere denbora behar izaten du heldutasun puntu egokira iritsi ahal izateko. Morgako upategiko ekoizle eta idazkari Agustin Olazabalagak azaldu legez, uda oso irregularra izan da igarotakoa: orain euria, orain eguzkia. Baina, batez ere, aro lehorra eta beroa. Oro har, udaberri eta uda ona izan da Euskal Herriko enologoentzat. Horregatik, uzta ona izatea espero dute. Eguraldiak zerikusi handia du ekoizpenean, Olazabalagak aipatu legez. «Euria egiten duenean, eguzkia ateratzea nahi izaten dugu, bestela [...]

Irailaren 27a izan zen atzo, eta, urtero legez, Gudari Eguna gogoan izan zuten hainbat herritan. Gernika-Lumon be ohore egin zieten gudariei, ohiko lekuetan lorak utzita.