Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.




Foruko Rinder enpresak aurkeztutako suspentsio txostena “iruzurra” dela iritzita, Bilboko Lan Arloko 6. epaitegiak enpresak indarrean zuen Enplegu Erregulazio Espedientea bertan behera uzteko agindu zuen joan den uztailean. Enpresak erabaki horri ...

Iaz izan zuen «arrakasta» ikusita, martxan da beste behin be, Mundaka Tubes izeneko Mundakako II. On line Surf Txapelketa. Gaurtik hasi eta urtarrilaren 6ra bitartean, surflariek astia dute olaturik onena aukeratzeko, grabatzeko eta txapelketarako sortu den webgunera (www.mundakatubes.biz) bideoa igotzeko. Edozeinek parte har dezake, izan be, Mundakako barran hodi hoberena grabatzen duten surflariek eta kameralariek izango dira sarituak. Mundakako Udalak surfa bultzatzeko eta herria eta inguruak nazioartean ezagutzera emon asmoz sortutako txapelketa honek bigarren edizioa du aurtengoa. Udalak Biscaytik Fundazioaren laguntza teknologikoa dauka, bere bitartez ahalbidetzen baitu internet bidezko parte hartzea. Hortaz, txapelketarako sortu duten webgune horretan bideoak igo daitezke, ikusi eta edozeinek bozka dezake, gainera. On-line surf txapelketak kirola eta teknologia uztartzeko aukera eskaintzen duela nabarmendu zuen atzo txapelketaren aurkezpenean Mundakako alkate Unai Rementeriak. «Eredu honek kalitate handiko tutuen arteko lehia bermatzen du. Surflariek ez dute epe itxi batean itsasoaren egoeraren menpe egon behar, ia hiru hilabeteko tartea dute-eta olaturik onena aukeratzeko». Izena emoteko Adinez nagusia den edonork parte hartu dezake on-line txapelketan eta horretarako aipatu webgunean emon beharko du izena. Parte hartu gura dutenek Mundakako Turismo Bulegoko ordenagailua erabili ahal izango dute izen-emotea errazteko. Mundakako barran gaurtik hasita 2013. urteko urtarrilaren 6ra arte hartutako tutuen bideoak bakarrik balio [...]

Kafea eta Galletak ekimenak beste jauzi bat eman du, Kafe aleak liburuaren argitalpenagaz. Gustuko diskoak lagunartean entzuteko 2008an Ibon Rodriguezek (Sestao, 1978) eta Leire Lopezek sortutako proiektutik abiatuta jaio da liburua. Rodriguezek azaldu duenez, musikazaleei emon gura diote berba argitalpenagaz, musikazaleak jarrera pasibotik aldenduz. Liburuak dituen 280 orrialdeetan 121 musikazale, kulturgile, eragile bildu dituzte; musikaren inguruko jende askotarikoa, musikariak izan ezik. Zer kontatzen du liburuak? Kafe aleak liburuak ez du istorio bat. 121 musikazalek disko bat aukeratzeko eta horri buruz idazteko aukera izan dute. Ez da soilik kritika musikal bat eta, horrenbestez, musikazaleek askatasun osoa izan dute idazterakoan. Hala, testu filosofikoak, olerkiak, ipuinak… idatzi dituzte. Zenbait kasutan, beste gauza batzuetaz berba egiteko aitzakia da diskoa. Zein da liburuaren helburua? Musikazaleak jarrera pasibotik aldentzea izan da helburua. Ikusleek jarrera pasiboa dute kontzertu bat ikusterakoan. Dinamika horretan, ikusleek kontzertua entzuten eta ikusten dute, gero etxera joateko. Kafe aleak liburuan pasibotasunarekin apurtu gura genuen. Modu berean, liburuak disko bati buruz pentsatzen edo sentitzen dutena adierazteko aukera emoten die Kafea Eta Galletak forumeko saioetara doazen pertsonei. Musikariek Kafea eta Galletak-en saioetara datozenean aukeratzen dute entzunaldiko diskoa, baina liburuak musikazaleei emoten die berba. Gehienentzat zerbait publikatzen dioten lehengo aldia da. Nola hasi zineten liburua prestatzen? [...]

Ez da gauza berria zesta-punta erakustaldiez gozatu eta Gernika-Lumoko Jai Alai frontoia ezagutzeko bisitak egin daitezkeela, 2003tik ematen baitu aukera hori Euskal Jai Alai zesta-punta eskolak. Orain arte talde handiei zuzenduta egon dira bisitak, baina, Basquetour agentziaren bitartez, talde txikiagoentzako prestatutako esperientziak eskaintzen hasi da Gernika-Lumoko taldea. Hain zuzen, Top esperientziak Euskadin turistei zuzendutako gomendioetan sartu dute Jai Alai pilotalekua eta, horri esker, zesta-punta barru-barrutik ezagutzeko aukera edukiko dute kanpotik etorritakoek zein bertokoek. Azaldu dutenez, «zesta-puntako munduko txapeldun edo herri kiroletako monitore batek trebatuta, horiek pizten duten pasio eta zaletasuna eta kirol bihurtutako tradizioen gogortasuna sentitu» ahal izango ditu bisitariak. Erakustaldi osoa hiru zatitan banatu dute. Euskaraz, gazteleraz edota ingelesez eskaintzen dituzten azalpenak entzuteaz gain, Jai Alairen historia laburbiltzen duten hamalau informazio-taulatan aurkituko ditu bisitariak xehetasun guztiak. Erakustaldia Pilotalekua ez ezik zesta-punta bera ezagutaraztea izanik helburua, erakustaldi partidarik be ez da faltako. Hori orduko, ostera, galderak egiteko tartea edukiko dute turistek, pilotariek erabiltzen dituzten erremintak erakusten dizkieten bitartean. Hogei tantotara jokatutako partidaren ostean, gainera, pilotagaz bere trebezia erakusteko aukera edukiko dute Top esperientzietan parte hartzen dutenek. Azaldu dutenez, ordu eta erdi inguru irauten du erakustaldi osoak, eta 500 euroko prezioa dauka 50etik 100 pertsonara arteko taldeentzat. 100 pertsonatik gorako taldeen [...]

Bizkaiko Bertsolari Txapelketa badabil bidea egiten. Asteburu honetan Mungia izango da bertsolarien bapatekosunerako gaitasunaren lekuko, Txorierriko herri horretan jokatuko baita zapatuan hirugarren kanporaketa. Oraingoan, Lea-Artibaiko eta Busturialdeko ordezkari bakarra egongo da: Ander Elortegi. Fredi Paia algortarra, Iñaki Iturriotz igorreztarra, Malen Amenabar larrabetzuarra, Peru Vidal leioarra eta Txaber Ormazabal arrigorriagarra izango ditu aurkari natxituarrak Olalde aretoan 17:30etik aurrera jokatuko den kanporaketan. Aurreko beste bi kanporaketetako lan bera egin beharko dute zapatuan finalaurrekoetarako txartela jokoan daukaten bertsolariek. Hala, zortziko nagusian eta txikian ofiziotan hiruna bertso osatu beharko dituzte lehenbizi. Bakarkako lanean, puntua emanda, bertso bi egin beharko dituzte zortziko handian, eta bat zortziko txikian. Kartzelako lanagaz bukatuko da saioa. Kasu horretan, gaia emanda hiru bertso osatu beharko dituzte, doinu eta neurri librean. Mungiako saioko irabazleak finalaurrekoetarako zuzeneko txartela lortuko du; gainontzekoak puntuazioaren arabera igaroko dira hurrengo fasera. Zuriñe Iarritu ariko da aurkezle lanetan. Ibarra eta Ajuria Bertsozale elkarteak jakinarazi duenez, www.bertsosarrerak.eu helbidearen bitartez eros daitezke Mungiako saiorako sarrerak. Orain arte, gainera, kanporaketa saioetako zein finaleko sarrerak baino ez dira egon eskuragarri webgune horretan, baina dagoeneko finalaurreetako sarrerak erosteko aukera be badago. Finalaurreetako sarrera arruntak 10 euro balio du, bazkideena 7 eta gazteena (16 urtera arte) 5 euro. Oraingoz, Lea-Artibaiko eta Busturialdeko ordezkari [...]

Bermeoko Alde Zaharra Erdi Aroan murgilduta izan da asteburu osoan; hori bai, zeruari begira igaro dituzte egunak noiz aterriko zain. Euria oztopo handia izan dute bermeotarrek, halanda be, aurreikusita zegoen guztia bete da. Euria egin duen arren, Ber...



Amlin Chaleenge Cup-eko bigarren partida be alde handiagatik galdu du Bizkaia Gernikak. Basurdeak USAPen (Perpignan; Frantzia) kontra lehiatu ziren joan den asteburuan, eta porrot mingarria jaso zuten, 90-12 galduta. Worcerter Warriors ingelesen kontra bezala, jokalari gernikarrek “itxura ona” emon zuten Aime Giral zelai ikusgarrian, baina agerian geratu zen Frantziako liga profesionalaren eta Espainiako ligaren artean dagoen desbardintasuna. Basurdeek gogotsu hasi zuten partida, eta lehen 40 minutuetan USAPi aurre egitea lortu zuten. Bertokoek Frantziako taldearen erasoak geratzen asmatu zuten, eta lehenengo zatiaren zenbait momentutan, itxura edarra emon zuten. Atsedenaldian, esaterako, 33-12ko emaitza islatzen zuen markagailuak. Bigarren zatian partida goitik behera aldatu zen. Perpignango taldea partida apurtzeko asmoagaz zelairatu zen, eta ez zuen errukirik izan Bizkaia Gernikagaz. Hala, azkenean aurreikuspen guztiak bete ziren, eta basurdeek amore eman behar izan zuten frantziarren nagusitasunaren aurrean.