Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Gernika-Lumoko basurdeek garaipen historiko bat lortu zuten joan den asteburuan, Europan lehen partida irabazita. Amlin Chaleenge txapelketan Hego Euskal Herriko talde batek irabazten duen lehen partida da, eta horrenbestez, prestigiodun garaipen handi bat izan da bertokoentzat. Hain zuzen, 13-3 hartu zuten menpean Rovigo talde italiarra, Urbietako zelai basaztuan. Garaipena Jorge Gimenez entrenatzaileari eskaini zioten jokalariek, joan den astean barriro ospitaleratu behar izan baitzuten. Oscar Astarloa taldeko bigarren entrenatzailea pozarren azaldu da. Partida edarra jokatu zuten, eta historia egitea lortu zuten. Bigarren entrenatzaileak dioenez, partida handi bat irabazi gura zuten “zaleei poztasun bat emoteko”, eta helburua beteta, aurrera begira daude dagoeneko. Norgehiago irabazteko gakoak defentsako lan ona eta kontzentrazioa izan ziren. Astarloaren berbetan, “partidan sartuta egon ginen momentu guztietan, eta ez genuen hutsik egin defentsan”. Lehenengo zatian, basurdeak partidaren bila zelairatu ziren. Erasora irten ziren, eta baloiaraen jabetza izan zuten. Hala, Magunazelaia gernikarrak partidako entsegu bakarra egin zuen, lehenengo zatia amaitzear zegoela. Magunazelaia maila edarra emoten dabil azkenaldian, eta Rovigoren kontra be ez zuen hutsik egin. Declan Cusack irlandarrak zutoin artera egindako jaurtiketagaz asmatu ostean, 7-0 amaitu zen lehen zatia. Bigarren zatian, italiarrak partidari buelta emoten ahalegindu ziren, baina gernikarren defentsaren kontra jo ziren behin eta berriz. Partidako hiru puntuak zutoin artera [...]

Ligaren hamaseigarren jardunaldian Basconiaren kontra bina bardindu ostean, Bermeo Futbol Taldeak Hirugarren mailako play-off postuetan mantentzea lortu du. Bermeok eta Basconak partida zirraragarria jokatu zuten Itxasganen. Etxekoek birritan aurreratz...


Krisi egoera dela eta, Busturiko Udalak material birziklatuekin egindako gabonetako apaingarriak erabiliko ditu aurton herria apaintzeko, ohiko argiak ipini beharrean. Horretarako, zenbait tailer antolatu dituzte. Gabonetako arima galdu barik herri sos...

Asier Musatadik, Jon Rementeriak, Gentza Madariagak eta Jon Mikel Zabalak osatzen duten taldearen lan barria kalean da. Mundu kodifikatuen atzean izenburupean dakar azkenengo diskoa taldeak; hamar abestiz eta hamar gaiz osatutakoa. Disko barriaz gain, webgune barria be badakar Sarkorrek (www.sarkor.net). Elkarrizketa osoa bihar argitaratuko du Hitza egunkariak; dena den, hona hemen aurrerapen bat: Mundu kodifikatuen atzean dator oraingoan Sarkor. Zein mundu da hori? Asier Musatadi: Benetako errealitatea estali gura duen irudia da mundu kodifikatua guretzako. Disko barri honen azalean be hori irudikatu gura izan dugu. Gure ustez, mundu kodifikatua da kolorez ageri den zatia, eta benetako errealitatea estali gura du. Jon Rementeria: Izkutatu egin gura digute benetan gertatzen ari dena,horren ordez, beste errealitate bat irenstaraziz. Zein da benetako errealitate hori? Rementeria: Diskoaren azalean ikusten den zuri-beltzezko hori: bai gure inguruan,eta baita gugatik oso urrun, injustiziak leku guztietan gertatzen dira, eta leku askotan berdin antzekoak: ustelkeria toki guztietan dago, gerrak, gerra zikinak, krisia, langabezia, gosea, tortura, erlijioak eragindako desadostasunak, aberatsen anbizioa… Mundua benetan ez doala ondo ikusten dugu, eta benda bat jartzen digute ez dezagun benetako errealitate hori ikusi. Beraz, benetako errealitate hori ez ikustaraztea salatu gura duzue. Musatadi: Hori da, baina, era berean, horren guztiaren aurrean ez dugula ezer egiten [...]

Gabonetako argiak piztuta daude dagoeneko, Gernika-Lumon. Udalabatzagaz batera, herriko ikasleek piztu baitituzte. Udalak jakinarazi duenez, argi horiek aurreko Gabonetan izan zuten ordutegia mantenduko dute; alegia, 18:00etatik 24:00etara egongo dira ...

Gaur, 11:00ak aldera, ibilgailu batek su hartu du Bermeoko Ispizua Tar Segundo kalean. Udaltzaingoak baieztatu duenez, ez da zauriturik izan eta suak ez du beste ezer kaltetu. Suhiltzaileek autoan piztutako sua amatatu ondoren, garabiagaz kendu dute er...

Urdaibai Biosfera Erreserbako Patronatuak eskualdeko basakortei buruzko liburu bat kaleratu du. Basakortak egitura borobileko lur sail eremuak dira, eta Euskal Herriko baserrien aintzindariak. Lehenego basakorten sorrera erdi aroan kokatu behar da, baina Busturialdean 1377ko dokumentu baten egiten da berba lehen biderrez lursail borobil horietaz. Hain zuzen, bermeoko dokumentu baten herriko lursail horiei buruz egiten da berba. Daniel Rementeria eta Roberto Quintanak egindako liburuan, eskualdeko 88 basakorta zerrendatu dituzte, egitura berezi horiek ahanzturatik ateratzeko. Izan be, aintzina leku “oso garrantzitsuak” zirela, nabarmendu dute egileek. Hala, basakorten historia zabaldu gura dute, Busturialdeko “beste altxor bat” izan dadin. 88 basakortez aparte, gainera, ondo mantendu diren 20 kortarri be zerrendatu dituzte. Basakortak abeltzaintzagaz estuki lotuak egon ziren hasieran, baina mendeek aurrera egin ahala, bestelako jarduerak be egin zituzten lursail horietako jabeek. Hala, garia landatzeko, sagastiak landatzeko, arteak landatzeko, ikatza ateratzeko, baso ustiategietako materiala gordetzeko erabili zituzten basakortak, besteak beste. Batez be elizaren eta jauntxoen jabetzapean zeuden egitura borobileko lursailak. Liburuan 88 basakorta zerrendatu arren, informazio bila zebiltzala 100 inguru aurkitu zituzten egileak, bertoko herrietan. Halanda be, batzuk ez zuten toponimorik, eta horrenbestez, liburuan ez sartzea erabaki zuten. Egileek aurkezpenan azaldu dutenez, Arrola-Gastiburu mendilerroan eta Sollube inguruan aurkitu dituzte basakorta gehien. Hurrenez hurren, 30 eta [...]

Iaz egindako Errioxako ardoen dastapenak izan zuen arrakasta ikusita, aurton, Bermeoko Udaleko Kultura, Gazteria eta Hezkuntza sailak Bizkaiko txakolinaren dastapena antolatu du. Hain zuzen be, abenduaren 14an izango da, 19:00etan, Bermeoko Gizarte eta...

11 orduko irakurraldi bategaz amaituko dira gaur euskera egunaren harira antolatutako ekitaldiak. Gernika-Lumoko 100 talde eta eragile baino gehiagok parte hartuko dute etenik gabeko irakurraldian. Txomin Aguirreren Garoa liburua irakurtzen dabiltza. ...