Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Pilar Silva - Ortzadar enpresako teknikaria

Herrian mediku kontsultategi bat zabaltzeko proiektua dauka Sukarrietako Udalak esku artean. Izan be, gaur egun Osakidetzaren oinarrizko zerbitzua jaso ahal izateko Mundakako osasun zentrora joan behar izaten dute sukarrietarrek, eta larrialdien kasuan, Bermeokora. Herrian bertan kontsultategia ipinita, beraz, «Sukarrietako bizilagunek …

Busturiko Udalak Zerbitzua Euskaraz ziurtagiria lortu barri du Ziurtagiriaren Elkartearen eskutik. Udaletik azaldutakoaren arabera, «barria pozgarria izan da guretzat».
Orain arte Busturiko Udalak Euskararen Bidean ziurtagiria izan duela jakinarazi dute, horregatik, Zerbitzua Euskaraz ziurtagiria lortzeak, «udalari emoten dion balio erantsiaz …

Balendin Aurre Apraiz Aurraitz olerkaria omenduko du sortzen ikusi zuen herriak datorren domekan. Duela mende bat –1912ko azaroaren 3an– jaio zen Aurraitz Ajangizko Mendieta-Agerre baserrian, eta 2007ko apirilaren 7an hil zen, euskal kulturari ekarpen handia egin ondoren.
12:00etan hasiko da …

Emakide elkarteak urteroko jaialdia ospatuko du bihar, taula gainera igoz. Urtero legez, egun berezia ospatzeko zenbait sormen lan prestatu dituzte elkarteko kideek, eta lan horiek Lizeo Antzokian aurkezteko irrikitan daude. Mari Luz Solatxi elkarteko kideak jakinarazi duenez, “17:00etan hasita, ordu pare batez ondo pasatzeko aukera izango dute Lizeora doazenek”. Jaialdia aurresku bategaz hasiko da. Elkarteko kide baten hilobak eta haren lagunek egingo dute dantzan bildutakoen aurrean. Horren ostean, bestalde, herriko emakumeen sormen lanek bereganatuko dute ikusleen arreta. Izan be, hiru antzerki labur eta dantza erakustaldiak ikusteko aukera izango dute. Antzerki eta dantza desbardinen artean, gainera, txisteekin barre egiteko aukera be izango dute bildutakoek.

Gernika-Lumoko udal liburutegiak 41 liburu eta ikusentzunezko lan barri izango ditu aurrerantzean. Udalak jakinarazi duenez, katalogoa handitu dute Errumaniari eta Saharari buruzko lanekin. Hala, eskuratu dituzten liburu eta ikusentzunezko lan barriek irakurketa herritar guztiengana zabaltzea bilatzen dute. Errumaniari buruzko lan barriak hamasei dira, eta Saharari buruzko lan barriak, bestalde, 25. Horien artean, gainera, hainbat lan famatu daude. Besteak beste, Radu Mijaileanuren Kontzertua filma, edota Abadia Muhammad-en A pesar de las heridas liburua eskuratu ditzakete interesatuek. Eskuragarri jarri dituzten lanak, euskerara, gaztelaniara edota ingelesera itzulita daude. Eskuratze barriekin, liburutegiak 428 erreferentzia ditu dagoeneko Eusko Jaurlaritzaren liburutegien sarean.

Bizkaiko Zaintza Epidemiologikoak urritik hasita A motako hepatitisaren 13 kasu antzeman ditu Bermeon, horietatik bi nagusiak dira, gainontzekoak umeak. Halanda be, kasu guztiak “leunak” izan direla zehaztu dute eta “ez dutela konplikaziorik izan” gaineratu. Herriko hiru ikastetxetan antzeman dira kasuak, …

Astra jendez beteta egon da asteburuan; izan be, batetik, umeentzako eta gurasoentzako buruhandiak egiteko tailerra hartu du kulturarako fabrika sozialak , eta, bestetik, eraikinaren inauguraziorako dena prest izateko auzolanak egin dituzte. «Buruhand...

Hasi dira dagoeneko Marijesiak abesten, Gernika-Lumon. Iñaki Gonzalez bakarlariagaz, gaur goizaldean 63 pertsona batu dira, 6 graduko tenperaturagaz Errenteriako kaleetatik kantuan aritzeko. Bihar goizaldean, bestalde, Tiloetatik ibiliko dira, Fernand...

«Pozik» agertu dira Izaro Bikers elkartekoak zapatuan egin zuten jostailu bilketak izan zuen harrerakin. Herritarren inplikazioa «benetan txalogarria» izan dela azaldu dute. Batutako jostailuak prestatzen ari dira, eta horiek barikuan banatuko dituztela jakinarazi dute.
Zapatu goiza «oso ondo» joan zela …

Denboraldi hasiera nahiko txarra egin ostean, badirudi Gernika Futbol Taldea maila hobea emoten hasi dela. Hala, hamazazpi jardunaldi jokatuta, play-off postuak bi puntura dituzte bakarrik. Denboraldia hasi danetik gernikarrek ez dituzte horren hurbil izan igoera postuak. Asteburuan Zalla hirugarren sailkatuari 3-2 irabazita, gernikarrek sailkapeneko zazpigarren postura arte egin dute salto. Dagoeneko, 27 puntu ditu bertoko taldeak, eta mailaz igotzeko hautagaietako bat izango da aurrerantzean. Zallari irabaztea ez zen batere erraza izan, partida edarto hasi arren. Lehenengo zatian, Gernikarrek 2-0 aurreratzea lortu zuten Obietaren eta Aimarren golei esker; baina bigarren zatian, Zallak norgehiagoka bardintzea lortu zuen. Gernikak, halanda be, ez zuen etsi, eta garaipenaren gola sartu zuten 81. minutuan. Hain zuzen, Zaratek sartu zuen gernikarren hirugarren gola, hiru puntuak Urbietan geratzea ahalbidetuz. Datorren asteburuan ligako hemezortzigarren jardunaldia irabaziz gero, gabonak play-off postuetan pasatzeko aukera izan dezakete gernikarrek.