‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.

Photoka Sariak banatu dituzte, eta lehiaketara aurkeztutako hainbat argazkirekin osatutako erakusketa ikusgai dago Gernika-Lumoko Kultur Etxean.


Auka Bidaiak Gernika saskibaloi taldeak Bizkaiko Txapelketa irabazi du, kadeteen mailan. Lauko finaleko hiru partidak irabazita, bertokoak nagusitasunez irabazi zuten Bizkaiko talde onenaren garaikurra. Bertokoek aparteko maila emon zuten, eta azkenengo partida jokatu aurretik bihurtu ziren txapeldun. Lehenengo partidan, Tabirakoren bigarren taldea hartu zuten menpean bertokoek. Urduritasuna albo batera utzita, gernikarrek partida edarra jokatu zuten, 35-60 irabaziz. Bigarren partida be, “nahiko erraz” irabazi zuten Gernika KESBekoek. Tabirakoren lehenengo taldearen kontra defentsa bikaina egin zuten taldekideek, 51-28 irabaziz. Azken partida jokatu aurretik txapeldunak izan arren, Getxoren kontra sufritu zuten gehien gernikarrek. Bigarren laurdenean ateratako errentari eutsi ostean, 54-61 irabaztea lortu zuten.

Urdaibai eskubaloi taldeak Bizkaiko Koparen finala jokatuko du gizonezkoen nagusien mailan. Asteburuan Bilboko Escolapios taldeari 41-42 irabazi ostean, hortaz, bertokoek denboraldiko bigarren titulua irabazteko aukera iango dute. Urdaibaiko jokalarie...

Auka Bidaiak Gernika saskibaloi taldeak Bizkaiko Txapelketaren lauko finala jokatuko du, kadeteen mailan. Gernikarrek denboraldi bikaina egin dute, eta asteburuan Bizkaiko Txapelketa irabazteko aukera izango dute Bilboko La Casilllan. Lehenengo partida...

Urdibai Eskubaloi taldeak Bizkaiko Kopako bi finalaurreko jokatuko ditu asteburuan. Hain zuzen be, gizonezkoen nagusien taldeak eta emakumezkoen kadeteen taldeak izango dute finalean sartzeko aukera. Emakumezkoek, esaterako, Kukullagaren kontra jokatu ...


Udaletxearen gastuak murrizte aldera, Ajangizko Udalak herriko “argiteri sarean egokitzapenak” egitea erabaki du. Mikel Ander Zubizarreta alkateak azaldu duenez, herriko “farola guztietako argiak” aldatuko dituzte, eta neurri horregaz, “diru asko” aurreztea espero dute. Argiztapen sarean aldaketa horiek egiteko 43.000 euroko aurrekontua darabil udalak, eta Bizkaiko Foru Aldundiaren %80ko diru-laguntza jasoko du. Hala, Ingurumen Sailak “ia osorik” ordainduko ditu egokitzapenak. Faroletako argiak aldatzeaz gain, bestalde, argiteri sarearen potentzia bajatuko dute “apur bat”. Dirua aurrezteaz gain, neurri horregaz kutsadura luminikoa gutxituko dutela deritzo alkateak. Azaldu duenez, neurriak ez die herritarrei eragingo. “Herriko gune gehienetan ez da horrenbesteko argitasuna behar, landa guneak argitzen baitaude farolak” nabarmendu du Zubizarretak. Ajangizko Udalak “22.000 euro inguru” gastatzen ditu urtero herriko auzoak argiztatzen, eta farolen mantenimendua egiten beste 5.000 euro gastatzen ditu. Hala, Ajangiz bezalako herri txiki batentzat “gastu handiegia” dela deritzo Zubizarretak.

Mendizaleek Ereño ezagutzeko aukera paregabea izango dute domekan, Ereñoko lehenengo mendi martxan. Izena aurretiaz emoteko epea zarratu dute dagoeneko, baina probaren egunean be izena emoteko aukera izango dute interesatuek, gehinezko parte hartzail...



2012-2013 ikaturterako izena emoteko epea zabalik dauka Gernika-Lumoko Segundo Olaeta Musika Eskolak. Jakinarazi dutenez, hilaren 31 izango da horretarako azken eguna. Dena den, egun horretatik aurrera be eman ahalko da izena, beti be, ikasgaietan plaz...